སྐྱིད་པའི་གཡང་འཛོམས།

ཚིག གནམ་མཚོ།
དབྱངས།དམངས་ཁྲོད།
གཞས་མ།གནམ་མཚོ།

ཡར་བལྟས་དགུང་སྔོན་གནམ་ལ།།
དགུང་གི་ཉི་ཟླ་སྐར་གསུམ།།
གནམ་ལ་འཁོར་ལོ་རྩིབས་བརྒྱད་བཀྲ་ཤིས།།
སྤུན་ཟླ་ལྷན་འཛོམས་ཡོང་བའི་བཀྲ་ཤིས་ཤོག།
མར་བལྟས་དོག་མོ་ས་ལ།།
གངས་ལྗོངས་མདོ་དབུས་ཁམས་གསུམ།།
ས་ལ་དགེ་བཅུ་འཛོམ་པའི་བཀྲ་ཤིས།།
སྤུན་ཟླ་ལྷན་འཛོམས་ཡོང་བའི་བཀྲ་ཤིས་ཤོག།
བར་བལྟས་གཡང་ཁྱིམ་གྲུ་བཞིར།།
ནང་ལ་རྒན་དར་གཞོན་གསུམ།།
ཕ་མ་སྤུན་མཆེད་འཛོམ་པའི་བཀྲ་ཤིས།།
སྤུན་ཟླ་ལྷན་འཛོམས་ཡོང་བའི་བཀྲ་ཤིས་ཤོག།