ལམ་ལུགས་ལེགས་པོ་ཞིག་གིས་མིའི་བསམ་ཚུལ་ངན་པ་བསྒྱུར་བཅོས་བྱེད་ལ། ལམ་ལུགས་ངན་པ་ཞིག་གིས་མིའི་སེམས་འདུན་བཟང་བོ་ལ་ངན་ཤན་ཐེབས་སྲིད།མཇུག་འབྲས་དང་མི་སྒེར་གྱི་འགན་འཁྲི། ཁེ་ཕན་བཅས་མཉམ་གཅིག་ཏུ་འབྲེལ་བའི་ལམ་ལུགས་ཤིག་གཟུག་ཐུབ་ན་སྤྱི་ཚོགས་ཀྱི་དཀའ་རྙོག་མང་པོ་ཞིག་ཀྱང་རིམ་གྱིས་སེལ་ཐུབ།
རུ་མང་ཀླུ་མཁར་རྒྱལ་གྱིས་རྩོམ་ཡིག༤༠ ལྷག་བསྒྱུར་ཏེ་གྲུབ་པའི་དེབ་ཆུང༼ ལམ་ལུཊ་ཀྱི་སྟོབས ༽ཞེས་པ་མི་འགྱངས་པར་མ་བོས་མགྲོན་པོ་ཡི་ཚུལ་དུ་ཀློག་པ་པོ་ཀུན་གྱི་སྤྱན་ལམ་དུ་ཐོན་རྒྱུ་རེད།
དེབ་འདིར་ཉི་ཧོང་གི་རྩོམ་པ་པོ་གྲགས་ཅན་ཁྲོན་ཏོན་ཁྲིན་གྱི་སྒྲུང་ཐུང་འགའ་དང་། ཨུ་རུ་སུའི་རྩོམ་པ་པོ་གྲགས་ཅན་ལེ་ཧྥུ་ཐོར་སི་ཐུའི་སྒྲུང་ཐུང་འགའ། རྒྱ་གར་གྱི་འཕགས་མཆོག་གན་དྷིའི་གཏམ་བཤད་སོགས་ཀྱིས་མཚོན་པའི་རྩོམ་ཐུང་ཅུང་ལེགས་གྲས་འགའ་བདམས་ཏེ་བསྒྱུར་ཡོད། དེབ་ཆུང་འདི་ནི་ཁོས་མི་ལོ་དྲུག་གི་རིང་དམའ་འབྲིང་དང་མཐོ་འབྲིང་བརྒྱུད་པའི་ལམ་གྱི་རུམ་བྲོ་ལྟ་བུར་བལྟས་ཆོག་ཅིང་། དེབ་ཆུང་འདིས་ཁོས་དམའ་འབྲིང་དང་མཐོ་འབྲིང་ལ་བཞི་ཤད་ཀྱི་རྫོགས་ཚིག་ཅིག་བཀོད་ཟིན་པ་མཚོན་པའང་ཅིས་ལ་མིན། གང་ལྟར། དེབ་ཆུང་འདིས་བོད་རིགས་སློབ་མ་རྣམས་ཀྱི་དཔེ་ཀློག་གི་དགོས་མཁོ་ཕྲ་མོ་ཙམ་ཞིག་བསྐང་བར་ནུས་ན་ཡང་དེབ་འདིའི་དམིགས་སོ་འགྲུབ་སོང་ཞེས་ཁོ་ཡིས་སྨྲས་བྱུང་།
