༼གལ་ཏེ་ངོ་མཚར་ཅན་ཞིག་མ་ཡིན་ན། ངོ་མཚར་ཅན་ཞིག་ཏུ་བསྒྱུར།༽
ཨོ་ཏཱ་ལིས་མཁས་པ་ལིས་ཁི་ཧོའོ་ཀྲིས་བརྩམས་ཤིང་ཐུབ་གཞོན་གྱིས་བསྒྱུར།
ང་ལ་you tube@སྟེང་ན་ཆེས་དགའ་བསུ་ཐོབ་པའི་བརྙན་ཟློས་ཤིག་ཡོད། དེ་ནི་ངས་སྐབས་ཤིག་ལ་ཤུད་འཁོར་རྩེ་བ། རྦ་རླབས་ལ་རྩེ་བ། གླུ་དབྱངས་ལ་ཉན་པ། ཀོའོ་ཧྥུར་སྤོ་ལོ་རྩེ་བ། ས་ལ་འགྱེལ་བ་དང་། གོག་ནས་ཡར་ལ་ལངས་པ། དམངས་ཚོགས་དང་བགྲོ་བྱེད་པ། དེ་ལས་ཀྱང་མི་མང་བོ་ཞིག་གི་བརྩེ་བའི་དམ་འཁྱུད་སོགས་ཀྱི་བརྙན་རིས་མང་བོ་ཡོད་པ་དེ་རེད།
རྒྱུན་པར་བཤད་ཡོང་བ་ནི། འདི་དག་ནི་ཆེས་སྤྱིར་བཏང་བ་ཞིག་དང་ཕལ་བའི་མི་ཞིག་གིས་བསྒྲུབ་ཐུབ་པའི་རྒྱུན་ལྡན་གྱི་བྱ་བ་ཞིག་མ་ཡིན་ནམ་ཞེས་དྲི་བ་འདོན་གྱི་ཡོད། ཡིན་ཡང་ཁྱོད་ཀྱིས་མནོ་བསམ་ཞིག་ཐོངས་དང་།ཅི་ཞིག་ལ་མི་ཚོགས་ཁྲི་ཁྲི་འབུམ་འབུམ་འདི་ལྟ་བུའི་བརྙན་ཟློས་ཐུང་ཐུང་ཞིག་ལ་བལྟས་ནས་ཅིའི་ཕྱིར་ལུས་ངག་ཡིད་སེམས་དྲངས་སོང་ཡིན་ནམ་སྙམ་ན།
བདག་གིས་འདི་ལྟར་འདོད་དེ་ཚང་མའི་གཟིགས་འདོད་པ་ནི། ལུས་ཁམས་ཀྱི་སྟེང་ན་ཕྱི་རིམ་ནང་རིམ་གྱི་ཚོད་འཛིན་མང་བོ་ཞིག་གི་གཏམས་ཡོད་པའི་རྐྱེན་གྱིས་རེད། ཡིན་ཡང་ང་ཡི་འཚོ་བ་ལ་འདི་འདྲའི་ཚོད་འཛིན་དང་བཀག་སྡོམ་གྱིས་ཡེ་ནས་བཟུང་མེད་པས་དེ་ལྟར་སྤྱོད་ཡུལ་ཕུན་སུམ་ཚོགས་པ་ཞིག་ཏུ་གྱུར་བའི་རེད། མིའི་རིགས་ཀྱིས་ནམ་ཡང་འདི་ལྟར་འདོད་དེ། ལུས་ཕུང་ལ་ཚད་བརྒལ་གྱི་གྱོང་གུད་ཐེབས་པའི་མི་ཞིག་ལ་མཚོན་ན་འཇིག་རྟེན་དུ་གསོན་པར་སྙིང་བོ་མེད་པར་འདོད་པ་མ་ཟད། ཐ་ན་ཁོང་ཁྲོ་ཟ་སླ་བ་དཔའ་ཞུམ་ཞིང་གོམས་བཤོལ་ཅན་ཞིག་ཡིན་པར་འདོད། དེའི་སྟབས་ཀྱིས་ཚང་མས་ངའི་བློ་ཡུལ་ལས་དཔོག་དཀའ་བའི་འཚོ་བ་ཞིག་ལ་ལོངས་སུ་སྤྱོད་བཞིན་པ་མཐོང་དུས། ཡིད་ལ་གཡོལ་དཀའ་ཞིང་བསམ་ཡུལ་འདས་པ་ཞིག་ནི་བདག་ཉིད་མི་ལ་ཧང་སང་བ་དང་ཧ་ལས་སུ་འཇུག་པར་སྤྲོ་སྣང་ཆེན་པོ་ཡོད།
ང་ཡི་བརྙན་ཟློས་འདི་དག་ལ་སྐད་འཇོག་རྒྱུན་པར་བརྒྱ་ཕྲག་ལས་བརྒལ་བ་ཞིག་ཡོད།
དཔེར་མཚོན་ཅིག་ན་བཀོད་ན་་་་་་་་་་་ཁོ་ལྟ་བུ་ཞིག་ཀྱང་འཚོ་བ་ལ་འདི་འདྲའི་སྤྲོ་སྣང་ཕུན་སུམ་ཚོགས་པའི་བརྟས་ཡོད།
ངས་རང་ཉིད་ལ་མཚམས་མ་ཆད་པར་བློ་དོགས་ནས་བདག་ཉིད་མི་སྐྱིད་པ་ཅི་ཞིག་ཡོད།
བདག་གིས་ཅི་ཞིག་ལ་རང་ཉིད་ལ་ཡིད་དབང་འཕྲོག་ཤུགས་མེད་པ་དང་བྲོད་པོ་ཅན་ཞིག་མིན་པར་འདོད་དགོས་སྙམ།
ཡན་ལག་བཞི་ལྡན་མིན་པའི་ཕོ་གསར་འདིས་འཚོ་བ་ཇི་འདྲའི་དགའ་མགུ་ལྡན་པ་ཞིག།།
ཡིན་ཡང་བདག་གི་ཀླད་པའི་ནང་སྙིང་བོ་མེད་པ་དེ་དག་ལ་བསམ་བློ་འཁོར་གྱིན་གདའ།
བདག་ནམ་ཡང་དྲི་བ་འདི་ཡི་འོག་ནས་འབུད་ཐབས་བྲལ:“ལིས་ཁི་ཁྱོད་འདི་འདྲའི་སྐྱིད་དོན་གང་ཡིན”
ཁྱོས་འཐབ་རྩོད་ཅིག་ལ་གདོང་ལེན་བྱེད་ཀི་ཡོད་པར་ངེས་ཏན་མེད་དེའི་རྐྱེན་གྱིས་སྔོན་ལ་ངས་ཁྱེད་ཀྱི་དྲི་བར་ལན་བཏབ་ཆོག།
རྒྱུ་རྐྱེན་ནི་ངས་ང་ལ་འདི་འདྲའི་སྤྲོ་སྣང་གི་ཕྱུག་ཡོད་པར་རྒྱུས་ལོན་འདི་འདྲ་བྱེད་ཞིག་བཞིན་མཆིས།དོན་དངོས་སུ་བཤད་ན་བདག་ཉིད་རྦད་དེ་མཚར་སྡུག་གིས་སྤྲས་པ་མིན་ཤས་ཆེ།
འོན་ཀྱང་བདག་ནི་མཚར་སྡུག་གི་རྫོགས་པའི་ལིས་ཁི•ཝོས་ཀྲི!ང་ནི་སྐྱབས་མགོན་ཁོང་གིས་ཐུགས་དགོངས་ལྟར་ཐུན་མོང་མ་ཡིན་པའི་འཆར་གཞི་ཡོད་ཚད་བདག་སྟེང་དུ་བཀོད་ཞིང་གསར་གཏོད་བྱས་པ་ཅིག་ཡིན།
ལོས་ཡིན་་་་་་་་་་་་་་་་་་་་་་་་་་་་་་་ འདིས་བདག་གི་ཡོད་ཚད་ལ་བསྒྱུར་བཅོས་དང་འདུ་ཤེས་ཡར་བསྐྱེད་མི་ཐུབ་པ་ག་ནས་མཚོན།
བདག་ཉིད་ཀྱིས་ནམ་རྒྱུན་བརྩོན་ཤུགས་དྲག་པོ་བསྐྱེད་ནས་རང་ཉིད་ཆེས་ཕུལ་དུ་བྱུང་བ་ཞིག་ལ་གོམ་ཁ་འདེག་གི་ཡོད།
འདི་ལྟར་ལམ་ན་ཆས་ན་ད་བཟོད་གཏིང་ནས་སྐྱབས་མགོན་དང་འཇིག་རྟེན་ལ་ཞབས་ཞུ་བྱེད་ཐུབ།
བདག་གི་ཚེ་སྲོག་ལ་ཚོད་འཛིན་མེད་པར་བློ་གདེང་ངེས་ཅན་ཞིག་ཡོད།
ཁྱོད་ཀྱིས་ཅི་ཞིག་ལ་འཐབ་རྩོད་བྱེད་ཀྱི་ཡོད་པ་གླེང་གཞི་གཙོ་བོ་མ་ཡིན་པར་ཁྱེད་ཀྱི་མི་ཚེ་ལའང་ཚོད་འཛིན་མེད་པར་རེ་བ་འཇོག་དགོས་པ་དེ་ཡིན།
ང་ཚོ་མཉམ་དུ་གྲུ་གཟིངས་གཅིག་ཏུ་འཁེལ་ནས་འགྲུལ་བཞུད་རྩོམ་པའི་དུས་སུ།སྐུ་ཉིད་ཀྱིས་ཐོག་མར་རང་གི་མི་ཚེ་ཡི་དོན་དུ་བསམ་གཞིག་ཅིག་གནང་དགོས།
ཡང་མིན་ན་མི་གཞན་ཞིག་གི་མི་ཚེ་ཡིས་ཁྱོད་ཀྱི་མི་ཚེ་ལ་ཚོད་འཛིན་ལྷག་མ་སྤེལ་གྱིན་ཡོད་ཤས་ཆེ།
དུས་ད་ལྟ་བསམ་གཞིག་རེ་གནང་ཚེ།
གལ་ཏེ་ཚོད་འཛིན་དེ་དག་མེད་སྲིད་ན་ང་ཚོས་ཅི་ཞིག་བྱེད་སྲིད།
གལ་ཏེ་བྱ་བ་ཡོད་ཚད་བློས་ཡུལ་དུ་ཤོང་ཐུབ་པ་ཞིག་ཡིན་ཚེ་ཁྱེད་ཀྱི་མི་ཚེ་ནི་ཇི་ལྟ་བུ་ཞིག་ཡིན་ནམ།
ཕྱི་ནས་བལྟས་ན་བདག་ནི་ནམ་ཡང་ནུས་མེད་ཅིག།།
དོན་དངོས་སུ་ང་ལ་ཡན་ལག་དག་མེད་པའི་སྟབས་ཀྱིས་ཡོད་ཚད་ལོངས་སྤྱོད་ཀྱི་ནུས་པ་ཡོད།
བདག་ཉིད་ཀྱི་ཐུན་མོང་མ་ཡིན་པའི་འཐབ་རྩོད་ཀྱིས་བདག་གི་ཆེད་དུ་གཅིག་ལས་གཉིས་མེད་ཀྱི་གོ་སྐབས་ཞིག་གི་སྒོ་ཆེན་ཡངས་པོར་ཕྱེ་ནས་རང་ཉིད་ལ་ཆེས་མཁོ་བའི་མི་སྣ་མང་བོ་ཞིག་ལ་འདྲིས་གོམས་འཇོག་ཏུ་བཅུག།།དེའི་སྟབས་ཀྱིས་ཁྱོད་ཀྱིས་ཀྱང་མནོ་བསམ་ནན་མོ་ཐོངས་ནས་ཁྱོད་ཀྱི་དོན་ངོ་མར་ཅི་ཞིག་བསྒྲུབ་ཐུབ་བམ།ང་ཚོ་རང་ཉིད་ལ་ཡིད་རྟོན་གྱི་འདུ་ཤེས་དམན་དྲག་ཅིང་ཡིད་དབང་འཕྲོག་ཤུགས་ཉམས་པ།རྣམ་དཔྱོད་ཀྱི་བློ་གྲོས་མེད་པར་འདོད་ནས་དེ་དང་སྒོ་བསྟུན་ཕུགས་བསམ་མངོན་འགྱུར་བྱེད་མ་ཐུབ།གཞན་གྱིས་ཅི་ཞིག་བཤད་པར་ང་ཚོ་ཡིད་ཆེས་པ་ཐལ་དྲག་པའི་དབང་གིས་སམ་ཡང་ན་རང་ཉིད་ལ་ཚོད་འཛིན་འདུ་ཤེས་མཐོ་དྲག་སོང་བས་ཡིན།དེ་ལས་ཀྱང་ཚབས་ཆེ་བ་ནི་ཁྱོད་ཀྱིས་རང་ཉིད་ལ་རིན་ཐང་སྐར་མ་གང་ཡང་མེད་པར་འདོད་པའི་དུས་སུ་སྐྱབས་མགོན་གྱིས་ཁྱོད་ཀྱི་བྱ་བ་ལ་བཀག་སྡོམ་གྱི་མཚམས་ཐིག་བཞག་ཟིན་པ་ཡིན།
ཁྱོད་ཀྱིས་ཕུགས་བསམ་གློད་དུས་སྐྱབས་མགོན་ཁོང་ཉིད་སྒྲོམ་དུ་ཆུག།།ཁྱོད་ཁོ་བོས་བཟོས་པའི་དངོས་བོ་ཡིན་པས་ཁྱོད་བཟོ་བ་ལ་དམིགས་ཡུལ་ཡོད་པ་གདོན་མི་ཟ།
དེ་ཡི་སྟོབས་ཀྱིས་ཁྱེད་ཀྱི་མི་ཚེ་ལ་ཚོད་འཛིན་བྱུང་ན་ཡེ་ནས་འགྲིག་པ་མིན་དཔེར་ན་ལྷ་ཡི་བརྩེ་བ་ལ་ཚད་དང་ཚོད་འཛིན་མེད་པ་བཞིན་ནོ།
ང་ལ་ང་ཡི་གདམ་གསེས།ཁྱོད་ལ་ཁྱོད་ཀྱི་གདམ་གསེས།ནམ་ཡང་བརྗེད་ཐབས་བྲལ་བའི་ཞེན་ཆ་དང་མི་ལ་རེ་ཐག་ཆད་དུ་འཇུག་པ་དག་དང་ང་ཚོ་སུ་ཡིན་རུང་གདམ་གསེས་ཡོད་ལ།
ཡང་སྐ་བ་དང་ཁོང་ཁྲོ་འབར་བ་ཡིད་སེམས་སྐྱོ་བ་སོགས་ཀྱི་གདམ་གསེས་ཀྱང་ཡོད།ཡང་ན་དཀའ་སྡུག་གདོང་གཏད་ཕྲག་འཁུར་བྱེད་པའི་སྐབས་དེར་ང་ཚོ་ལ་དམའ་འབེབ་དང་སྡིག་སྨྲེ་ཡི་ཀུ་ཅོ་འདོན་པ་
དག་ལས་ཉམས་མྱོང་གི་སློབ་སྦྱོང་བྱས་ནས་མུ་མཐུད་དུ་མདུན་བསྐྱོད་བྱས་ཏེ་རང་ཉིད་ཀྱི་བདེེ་སྐྱིད་ལ་འགན་ལེན་བྱེད་དགོས།
སྐྱབས་མགོན་གྱི་བུ་ཕྲུག་ཅིག་ཡིན་ན་རིན་ཐང་ལྡན་པ་ཞིག་དང་མཛེས་སྡུག་ལྡན་པ་ཞིག་ཡིན་པར་ངེས་པ་མེད་པ་གཏན་ནས་མིན།
འཇིག་རྟེན་སྟེང་གི་རིན་པོ་ཆེ་མུ་ཏིག་ཡོད་དོ་ཅོག་དང་བསྡུར་ན་དེ་ལས་ལྡབ་འགྱུར་གྱི་རིན་ཐང་ཡོད།
ཁྱོད་དང་ང་ཚང་མར་བགོ་སྐལ་དུ་ཐོབ་ཡོད་པའི་བཟོ་ལྟ་ཕུན་སུམ་ཚོགས་པའི་སྤྲས་ཡོད།
ཡིན་ཡང་ཆེས་ཕུལ་དུ་བྱུང་བའི་མི་ཞིག་ཏུ་འགྱུར་བར་ང་ཚོས་བརྩོན་པ་ཡི་ཆུ་རྒྱུན་མཚམས་མི་ཆད་པར་འབད་འབུངས་བྱེད་དགོས་ཡོད་ལ།
མུ་མཐའ་མེད་པའི་རང་ཉིད་ཀྱི་འཇིག་རྟེན་ཞིག་དང་ཁ་ཐག་རིང་བའི་ཕུགས་བསམ་ཞིག་ཅིང་གཡར་དགོས།
འདི་ལྟ་བུའི་མི་ཚེ་ཡི་ལམ་ཁ་ནས་བཟོ་བཅོས་དང་བསྐྱར་གསོ་བྱེད་དགོས་ས་མང་བོ་ཞིག་ཡོད་ངེས།
གང་ལྟར་མི་ཚེ་ནི་མེ་ཏོག་བཞིན་དྲི་ངད་ཞིམ་ཞིང་མཛེས་པ་ཤིག་གང་ནས་ཡིན།འོན་ཀྱང་གསོན་པ་ནི་ནམ་ཡང་རིན་ཐང་ལྡན་པ་ཤིག་ཡིན།
ངས་ཁྱོད་ལ་ཤེས་སུ་འཇུག་འདོད་པ་ནི།
ཁྱོད་ཀྱི་ཁོར་ཡུག་ནི་ཅི་འདྲ་ཐབས་སྡུག་ཅིང་འུ་ཐུག་པ་ཅིག་ཡིན་རུང་དབུགས་ཀྱི་འཇུན་རྔུབ་འཇགས་མེད་ན་ཁྱོད་ཀྱིས་མཆོད་སྦྱིན་བྱེད་ཐུབ་པར་འཕྱང་མོ་ཉུག་མི་དགོས།
ངས་ཁྱེད་ཀྱི་ཕྲག་ལ་འཇུས་ནས་བདེན་དཔང་ཅི་ཞིག་བྱེད་པར་ཐབས་བཀོད་མེད་མོད་འོན་ཀྱང་བདག་གི་རྣམ་དག་གི་སེམས་པ་གཙང་མ་འདིས་ཁྱོད་ལ་བཤད་རྒྱུར།
ཁྱེད་ཀྱི་མི་ཚེ་ཡི་མཐའ་འཁོར་ཡོད་ཚད་རེ་བ་ཡི་སྟོང་བ་ཡིན་རུང་ནམ་ཡང་གསོན་པར་རེ་བ་བྱེད།
གནས་ཚུལ་ཇི་འདྲ་ཐབས་སྐྱོ་བ་ོདང་བློས་ཡུལ་དུ་ཤོང་དཀའ་བ་ཞིག་ཡིན་རུང་མདུན་ཕྱོགས་ན་རེ་བའི་ཉི་མ་ཤིག་ཡོད་པར་བློ་དོགས་གང་ནས་ཡོད།
ཁོར་ཡུག་ཇི་འདྲ་རྙོག་འཛིང་ཆེ་ཡང་ཁྱོད་ནམ་ཞིག་དེ་ལས་ཐར་བར་འགྱུར།
བསྒྱུར་བཅོས་ལ་རེ་སྒུག་བྱས་ན་བསྒྱུར་བཅོས་ཐོན་ཡོང་བའི་ངེས་པ་གཏན་ནས་མེད།
བློ་ཐག་རྦད་ཆོད་ཀྱིས་ལམ་ལ་ཆས་ན་བཟོད་ཀྱིས་ཡོད་ཚད་ལ་བསྒྱུར་བཅོས་གཏོང་ཐུབ།
བྱ་བ་ཅི་ཞིག་ཡིན་རུང་ཕན་ཚུན་གཅིག་ལ་གཅིག་བརྟེན་ཡིན་པས་ཡོད་ཚད་ལ་མཐའ་མར་འབྲས་བུ་གཡུར་དུ་ཟ་བ་ཤིག་ཡོད————འདི་ལ་བདག་ཅིང་བློ་གདེང་ཆེན་པོ་ཡོད།
བདག་གི་མི་ཚེ་ནི་འདི་ལྟ་བུ་ཞིག་ཡིན་པའི་རྒྱུ་མཚན་གྱིས་ཡིན་སྲིད།ཡན་ལག་བཞི་མེད་པའི་མི་ཤིག་གི་མི་ཚེ་ལ་མཛེས་སྡུག་ཅི་ཞིག་ཡོད།
བདག་ལ་ཅིག་གཟིགས་དང་།བདག་ལ་མི་ཚོགས་ཀྱིས་རྣ་བ་བླགས་ཏེ་གཟབ་ཉན་བྱེད་ལ།བདག་དང་མཉམ་དུ་དད་པ་ལ་ལོངས་སུ་སྤྱོད།
བདག་གིས་ཚང་མར་བཤད་རྒྱུར་ཁོ་ཚོ་ནི་བརྩེ་བའི་དབང་དུ་བཟུང་ཡོད་ལ་དེ་ལས་ཁོ་ཚོར་རེ་བའི་འོད་ཟེར་གནང་གི་ཡོད།
དེ་བས་འདི་དག་ནི་བདག་གི་མཆོད་སྦྱིན་ཡིན།རང་ཉིད་ཀྱི་རིན་ཐང་ངོ་ཤེས་སུ་འཇུག་རྒྱུ་ཧ་ཅང་གལ་ཆེ།རྟོགས་དགོས་པ་ནི་ཁྱོད་ལའང་ཅི་ཞིག་གི་རིགས་འབུལ་རྒྱུ་ཡོད་པ་དེ་ཡིན།
གལ་ཏེ་ཁྱོད་ལ་སྐབས་འདིར་བློ་ཕམ་དང་ཡིད་ཐང་ཆད་དུས་དེ་ཡང་ok།རྒྱུ་མཚན་ནི་བློ་ཕམ་སྐྱེས་པའི་ཚོར་སྣང་དེས་དཔེ་མཚོན་ནི་ཁྱོད་ཀྱིས་ཀྱང་གནས་བབས་འདི་ལས་དབང་ཐང་ཅན་གྱི་མི་ཚེ་ཞིག་ལ་རེ་སྙེག་བྱས་ཡོད།འདི་ནི་ཧ་ཅང་བཟང་།ནམ་རྒྱུན་མི་ཚེ་ཡི་བཞུད་ཁྲོད་འཐབ་རྩོད་ཀྱིས་ང་ཚོ་ལ་རང་ཉིད་མི་སྣ་ཇི་ལྟ་བུ་ཞིག་ཏུ་འགྱུར་བར་ར་སྤྲོད་བྱེད་ཀྱི་ཡོད།
@འཛམ་གླིང་ན་ཁྱབ་རྒྱ་ཆེ་བའི་བརྙན་ཟློས་གཏོང་སའི་དྲྭ་ཚིགས་ཅིག།
≪人生不不设限≫ལས་བཏུས།
| 