ཉེ་ལམ་རྒྱུས་ལོན་བྱས་པ་ལྟར་ན། སི་ཕེན་རྒྱལ་ཁབ་ཏུ་འཛམ་གླིང་ལྕགས་རྟ་འགྲན་སྡུར་སྤེལ་བ་ན། རྒྱུགས་ཕྲུག་ཨེ་སི་ཐུ་ཝན་རྒྱུགས་རྔ་ལ་ཐོན་པར་བར་ཐག་གོམ་པ་༣༠༠ལ་ཉེ་དུས། སྟབས་མ་ལེགས་པར་ལྕགས་རྟའི་འཁོར་ལོ་ཐེད་སོང་བས། ཁོ་བོས་ལྕགས་རྟ་རྒྱབ་ལ་ཁུར་དེ་རྒྱུགས་རྔ་ལ་ཐོན། ལྟད་མོ་བ་ཡོངས་ཀྱི་བསམ་ཡུལ་ལས་འདས་པའི་དོན་དག་ཡ་མཚར་བ་ཞིག་བྱུང་བ་ནི། ཁོའི་རྗེས་སུ་འདེད་པའི་འགྲན་ཡ་ན་ཝ་ལོ་ཁོ་བོའི་སྔོན་ལ་མ་བུད་ལ། དལ་མོར་ཨེ་སི་ཐུ་ཝན་གྱི་རྗེས་དེད་ནས་ཡོང་།
ལྕགས་རྟའི་འགྲན་ཡ་ན་ཝ་ལོ་ཡིས་ཁོའི་རྗེས་སུ་ག་ལེར་འབྲང་ནས་ཡོང་བ།
ན་ཝ་ལོ་ཡིས་ཡ་རབས་ཀུན་སྤྱོད་མ་དོར་བར་ག་ལེར་འགྲན་ཡའི་རྗེས་སུ་ཡོང་བཞིན་པ།
མཇུག་མཐར་དགའ་རྟགས་ཨེ་སི་ཐུ་ཝན་ལ་ཐོབ་དུས། ཨེ་སི་ཐུ་ཝན་གྱིས་དགའ་རྟགས་དེ་ན་ཝ་ལོ་ལ་འབུལ་བ་ན། ན་ཝ་ལོ་ཡིས་དགའ་རྟགས་དེ་མ་བླངས། རྒྱུ་མཚན་ནི་རང་ཉིད་རྒྱུགས་རྔ་ལ་ཐོན་པར་ཉེ་ནའང། འཁོར་ལོ་ཐེད་པའི་རྒྱུགས་ཡ་ཞིག་གི་སྔོན་ལ་བུད་ནས་རྒྱལ་ཁ་བླངས་ན་མི་ལེགས་ཀི དེ་ནི་མ་རབས་ཀྱི་བྱ་སྤྱོད་རེད་ཅེས་གསུངས་འདུག མི་ཚེ་འདིར་སྐབས་རེ་ལ་འགྲན་དགོས་པ་ནི་ཨང་དང་འབྲིང་མ་ཡིན་ལ། འགྲན་དགོས་པ་ནི་སེམས་རྒྱ་དང་རྟོགས་པ་རེད། དེའི་ཕྱིར་ཡ་རབས་སྤྱོད་བཟང་འདི་འཛམ་གླིང་གི་གླེང་གཞི་གསར་བ་ཞིག་ཆགས་ཡོད།
|