རྐྱང་གཞས་འགྲེམ་བརྡ།

           གླུ་གཞས་ལ་ཉན་སྤྲོ་བའི་གྲོགས་པོ་རྣམ་པ།  བདེ་མོ་ཡིན་ནམ།  ངའི་མིང་ལ་གསེར་གུར་ཟེར།  ད་ལྟ་ངས་རང་གི་མི་ཚེའི་ནང་གི་རྐྱང་གཞས་ཐོག་མ་༼གྲོགས་པོ༽་ཞེས་པའི་MVགྱི་བརྙན་ཕབ་སྒང་ཡིན་ལ།  མི་འགྱང་བར་སོ་སོའི་མི་སྒེར་འཕྲིན་སྟེགས(kangbawa1888)སོགས་བརྒྱུད་ནས་ཁྱོད་ཚོའི་སྤྱན་ལམ་དུ་འབུལ་འཆར་ཡིན།   གཤམ་དུ་གུས་པོས་སྐད་ཆ་ཚིག་གསུམ་གྱིས་རང་གི་བརྩམས་ཆོས་ངོ་སྤྲོད་ཙམ་ཞིག་ཞུ་རྒྱུ་ཡིན།  

           མི་ཚེ་འདིར་ང་ལ་དགའ་ཕྱོགས་རྫོགས་མཐའ་མེད་པ་ཞིག་ཡོད།  གཞས་གཏོང་རྒྱུ་ནི་དེའི་ནང་གི་གཅིག་ཡིན།   དེའི་ཐད་ལ་ངོས་ནས་རང་ཚོད་ཀྱིས་འབད་པ་གང་འཚམས་བརྟེན་ཞིང་དཀའ་སྡུག་ཐབས་ཆག་གི་འཚོ་བ་མང་ཙམ་ཞིག་རོལ་བ་ཡིན།  བྱ་བ་ལམ་དུ་སོང་བ་ཞིག་ལ།  ད་ནི་ངའི་རྨི་ལམ་ལྟ་བུ་དེ་གཞི་ནས་མངོན་གྱུར་བྱུང་སོང་།  ༼གྲོགས་པོ༽་ནི་ངོས་ཀྱི་རྐྱང་གཞས་ཐོག་མ་ཡིན་ལ་གཞས་ཐོག་མ་ཡང་ཡིན།

          ང་ཚོ་མི་རེ་རེ་ལ་རང་རང་གི་འཇོན་ནུས་རེ་དང་དགའ་ཁ་འཁྱེར་ཕྱོགས་རེ་ཡོད་པ་རེད།   དེ་བཞིན་དུ་མི་རེ་རེའི་སེམས་ནང་ན་ཐག་རིང་ཐག་རིང་ཞིག་ལ་འགྲོ་འདོད་ཀྱི་རྨི་ལམ་རེ་དང་ཐག་རིང་དེ་ན་རང་ལ་དབང་བ་ཞིག་ཅི་ཞིག་ཡོད་ངེས་སོ་སྙམ་པའི་ཧམ་སེམས་རེ་ཡོད་པ་རེད།  ང་ཡང་དེ་བཞིན་ཡིན་ལ་ཚེ་འདིར་ངོ་ཤེས་སུ་གྱུར་བའི་ངའི་གྲོགས་པོ་ཁྱོད་ཚོ་ཡང་དེ་ལས་མ་འདས་པ་རེད། 

          དུས་རབས་འདི་ནི་མུན་ནག་དང་འོད་ཟེར་སྐྱ་འཐབ་པའི་བཙོན་ཁང་ཁ་ལེབ་མེད་པ་ཞིག་ཡིན་པར་ཆ་བཞག་ན།  ང་ཚོ་ནི་རང་གི་རྨི་ལམ་དང་ཁེར་རྐྱང་།   ང་རྒྱལ་དང་ཞེ་སྡང་།  རེ་བ་དང་རེ་ཆད་གཞས་སུ་གཏོང་བར་སྤྲོ་བའི་སྤྲང་གོག་འབའ་ཞིག་ཡིན།  ང་ནི་དེའི་ནང་ནས་ཐག་རིང་ཞིག་ཏུ་འགྲོ་ན་འདོད་མཁན་དེ་ཡིན་ལ་ངའི་གྲོགས་པོ་ཁྱོད་ཚོ་ཡང་དེ་བཞིན་རེད།   

          ༼གྲོགས་པོ༽ཞེས་པའི་གཞས་ཚིག་འདི་ནི་ང་དང་ལས་ཀྱི་ལམ་ཁ་གཅིག་ལ་ཁེལ་ཞིང་ས་མཐའ་ནས་ངོ་ཤེས་ནས་ནང་གྲོགས་སུ་གྱུར་བའི་གྲོགས་པོ་འབྲོག་སྐྱ་བོས་བྲིས་པ་རེད།  ཁོས་གཞས་ཚིག་འདི་ངེད་གཉིས་ཀྱི་ཇ་ཁའི་ཁ་བརྡ་ཞིག་ལས་བཤུས་ཤིང་ཡིག་ཐོག་ཏུ་ཕབ་ཅིང་ངས་དབྱངས་རྟ་སྦྱར་ནས་གཞས་ལ་བཅོས་པ་ཞིག་ཡིན།   འདི་ནི་ངས་རང་གི་གྲོགས་པོ་ཞིག་དང་མཉམ་འབྲེལ་གྱིས་གསར་རྩོམ་བྱས་པའི་བརྩམས་ཆོས་ཐོག་མ་ཡང་ཡིན་ཞེས་བཤད་ན་འདོད།

          མཇུག་མཐར་ངས་༼གྲོགས་པོ༽་ཞེས་པའི་གླུ་གཞས་འདི་གནམ་འོག་གཅིག་ཏུ།  ཉི་འོད་གཅིག་ལ་རེ།   མཁའ་དབུགས་གཅིག་ལ་བརྟེན།   སྡུག་པོ་འདྲ་མིན་བརྒྱབ་ནས་རྨི་ལམ་མི་འདྲ་བ་རེ་རྨི་བཞིན་པའི་ངོ་ཤེས་ཤིང་མི་ཤེས་པའི་གྲོགས་པོ་ཡོངས་ལ་ཕུལ་བ་ཡིན།   མི་རེ་རེ་ལ་ཕུལ་བ་ཡིན།   ཁ་དྲོ།  བཀྲ་ཤིས།

色格尔单曲宣

    音乐迷的朋友们大家好，我是色格尔 。我的第一个单曲（朋友）MV即将杀青，将不久在（kangbawa1888 ）等微信公众平台上与大家见面。

     作为一个喜欢做梦的孩纸，我有很多兴趣爱好 ，当然音乐则是最不可缺少的一部分 ，为了实现我的音乐梦 ， 我每天都会过着像风一样的生活。终于迎来了一次痛快 ，我的第一个原创歌曲（朋友）将要播发了！ 相信大家都会有所感触，因为我们都有能飞向天空的翅膀，所以会想像那是个什么样的场景。我的单曲（朋友）的歌词是由我一路的诗友、朋友卓·嘉斡所创作的。曲则是本人所配。对我们所了解的生活，都有着不同的理解，所以每天都在过着没有明天的生活。希望这首歌曲能为很多天马行空的年轻人而代言，同时，献给所有想着远行的小梦想家，献给每一个追梦的坏孩子  。 谢谢大家！

དྲྭ་ཚིགས་གཙོ་གཉེར་བ།  ཁཱ་ཤེས་རབ་རྒྱ་མཚོ།