ས་སྐྱ་ལེགས་བཤད། ༼༢༢༽
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 14 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» ལེགས་བཤད། »ས་སྐྱ་ལེགས་བཤད། ༼༢༢༽
ས་སྐྱ་ལེགས་བཤད། ༼༢༢༽
རྩོམ་སྒྲིག་པ།  མགར་ཚེ་རིང་བཀྲ་ཤིས། སྤེལ་དུས། 2016/10/25ལྟ་ཀློག (1277)རྩོམ་ཁུངས: ངེད་དྲ་བ།པར་འདེབ།


ས་སྐྱ་ལེགས་བཤད། ༼༢༢༽

སྨྲས་ཤིང་བསྐུལ་བར་གྱུར་པ་ན། །

དུད་འགྲོ་ལ་ཡང་གོ་བ་སྐྱེས། །

མ་བསྐུལ་གཞན་གྱིས་མ་སྨྲས་པར། །

བསམ་པ་ཤེས་ན་མཁས་པ་ཡིན།།

          གཞན་གྱིས་འདི་གྱིས་ཞེས་སྐུལ་བ་ལ་མ་བལྟོས་པར། རང་གིས་བསམ་པས་དཔྱད་དེ་འཇུག་ལྡོག་བྱེད་པ་མཁས་པ་ཡིན་པ་དེ་བསྟན་པ་ཡིན། །

          སྐྱེ་བོ་གཞན་གྱིས་འདི་དང་འདི་གྱིས་ཞེས་སྨྲས་ཤིང་བསྐུལ་བར་གྱུར་པ་ན། མི་ལྟ་ཅི། དུད་འགྲོ་ལའང་སྨྲས་པ་ལྟར་གོ་བ་སྐྱེས་ཏེ་འཇུག་ལྡོག་བྱེད་པ་མངོན་སུམ་གྱིས་མཐོང་ལ། གཞན་གྱིས་འདི་དང་འདི་གྱིས་ཞེས་མ་སྨྲས་ཤིང་མ་བསྐུལ་བར་རང་གི་བསམ་པས་དཔྱད་དེ་འཇུག་ལྡོག་ཤེས་པ་ནི་མཁས་པ་ཡིན་པའི་རྟགས་ཡིན་ནོ། ཞེས་པའོ། །

          མ་བསྐུལ་མ་སྨྲས་པར་བསམ་པ་ཤེས་ནས་འཇུག་ལྡོག་བྱེད་པའི་ཚུལ་ནི། དེ་ཡང་བྲམ་ཟེ་ཞིག་ལ་བུ་གསུམ་ཡོད་ལ། དེས་མུ་གེའི་དུས་སུ་བུ་གཅིག་བཙོང་བར་དྲིལ་བསྒྲགས་པས། དེ་རྒྱལ་བུ་ཞིག་གིས་ཐོས་པར་གྱུར་ནས། བུ་བསླང་དུ་འོངས་པ་ན། ཕས་བུ་རྒན་པ་པང་དུ་བཟུང་། མས་བུ་ཆུང་བ་པང་དུ་བཟུང་བས། འབྲིང་པོ་ལ་ཁྱོད་བཙོང་ཞེས་མ་སྨྲས་ཤིང་མ་བསྐུལ་ཡང་། ཕ་མ་གཉིས་ཀྱི་བསམ་པ་ཤེས་ཏེ། རྒྱལ་བུ་ལ། ཐུ༷་བོ༷་ཕ་ཡིས་བཙོང་བྱ་མིན། ཐ་ཆུང་བུ་མ་ཡིས་མ་ཡིན་པས། འབྲིང་པོ་བཙོང་བར་འགྱུར་སྙམ་གྱི། རྒྱལ་བུས་ཁོ་བོ་དཀྲི་བར་མཛོད། ཅེས་སྨྲས་ཏེ། རྒྱལ་བུ་དང་མཉམ་དུ་ཕྱིན་པ་བཞིན་ནོ། །༼ཐུ་བོ་སྟེ་ཕུ་བོའམ་རྒན་པ་ལ་ཟེར།༽



དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
liao བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
15579122
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号