ས་སྐྱ་ལེགས་བཤད། ༼༣༠༽
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 21 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» ལེགས་བཤད། »ས་སྐྱ་ལེགས་བཤད། ༼༣༠༽
ས་སྐྱ་ལེགས་བཤད། ༼༣༠༽
རྩོམ་སྒྲིག་པ།  མགར་ཚེ་རིང་བཀྲ་ཤིས། སྤེལ་དུས། 2016/11/10ལྟ་ཀློག (2518)རྩོམ་ཁུངས: ངེད་དྲ་བ།པར་འདེབ།


ས་སྐྱ་ལེགས་བཤད། ༼༣༠༽

རྒྱ་མཚོ་ཆུ་ཡིས་མི་ངོམས་ཤིང་། །

རྒྱལ་པོའི་བང་མཛོད་ནོར་གྱིས་མིན། །

འདོད་ཡོན་སྤྱད་པས་མི་ངོམས་ཤིང་། །

མཁས་པ་ལེགས་བཤད་ཀྱིས་མི་ངོམས། །

        མཁས་པ་ལ་ལེགས་བཤད་ཀྱིས་མི་ངོམས་པ་དེ་གསུམ་གྱི་སྒོ་ནས་བསྟན་པ་དེ་ཡིན། །

        དེ་ཡང་རྒྱ་མཚོ་ཆེན་པོར་ཆར་དང་ཆུ་བོ་ཐམས་ཅད་བབས་ཀྱང་དེས་མི་ངོམས་པ་སྟེ། དེས་ཚིམས་ནས་དེར་ཆུ་ཆར་མི་བསྡུ་བའི་སྐབས་མེད་པ་དང་། རྒྱལ་པོའི་བང་མཛོད་གསེར་དངུལ་སོགས་ཀྱིས་ཁེངས་ནས་མི་བསྡུ་བའི་སྐབས་མེད་པ་དང་། འདོད་པ་ཡོན་ཏན་ཇི་ཙམ་སྤྱད་པ་དེ་ཙམ་གྱིས་ངོམས་མེད་སྲེད་པ་འཕེལ་བ་ལྟར། མཁས་པ་རྣམས་ཀྱང་ཐོས་པས་བློ་གྲོས་ཇི་ཙམ་འཕེལ་བ་དེ་ཙམ་གྱིས་ལེགས་བཤད་གཏམ་གྱིས་ངོམས་མེད་དོན་གཉེར་སྐྱེ་བར་འགྱུར་རོ། ཞེས་པའོ། །

        དེ་ཡང་། འཇམ་མགོན་ཆོས་ཀྱི་རྒྱལ་པོ་ཙོང་ཁ་བ་ཆེན་པོས། རྣམ་དག་རིགས་པའི་སྟོབས་ཀྱིས་གསུང་རབ་དོན། །ཇི་བཞིན་འབྱེད་ལ་གཞན་དྲིང་མི་འཇོག་པའི། །མཁས་པའི་གམ་དུ་མཐའ་ཡས་གསུང་རབ་ལ། །ངོམ་པ་མེད་པའི་ཐོས་པ་བྱེད་པར་ཤོག །ཅེས་ཇི་སྐད་གསུངས་པ་ལྟར། མདོ་དབུས་གཙང་ཁུལ་གྱི་ཡོངས་སུ་གྲགས་པའི་མཁས་པ་ཀུན་ལས་ལེགས་བཤད་ཀྱི་སྐྱེས་བཞེས་ཏེ། དེས་ཀྱང་ངོམས་པ་མེད་པར་རྒྱ་གར་འཕགས་པའི་ཡུལ་དུ་ཕེབས་པར་བཞེད་པ་མཁས་པ་གཞན་གྱིས་བཞུགས་དགོས་པའི་གསོལ་བ་གདབ་དགོས་བྱུང་བ་བཞིན་ནོ། །


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
khao བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: དྷཱི་ཡིག སྤེལ་དུས:2019/6/18
རྗེས་སུ་ཡི་རང་བསྐུལ་ཞིང་གསོལ་བ་ཡིས།
  པར་ངོས 1/1 པར་ཡོད།
ལྟ་ཀློག་གྲངས་ཀ
15630496
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号