ཧྥོང་ཐེན་（广汽丰田）རླངས་འཁོར་སྤྱི་གཉེར་ཁང་དང་ཝང་དབྱི་གསར་འགྱུར་ཁང་（网易新闻）གཉིས་ཀྱིས་མཉམ་དུ་བསྒྲུབས་པའི་བསམ་ཕོད་པ་དང་སྒྲུབ་ཕོད་པ་ཞེས་པའི་བྱ་འགུལ་ཐོག བོད་ཀྱི་གཞོན་སྐྱེས་འཁྲབ་ཁྲིད་པ་ཨ་སྒང་ཡར་རྒྱས་ལགས་ཀྲུང་གོའི་ན་གཞོན་ཕུགས་བསམ་ཅན་དྲུག་གི་ནང་བདམས་ཐོན་བྱུང་ཡོད་པ་དང་། ཝང་དབྱི་གསར་འགྱུར་ཁང་གིས་མི་རེ་ལ་ཁོང་ཅག་གི་ཕུགས་བསམ་འཚོལ་སྙེག་གི་བཞུད་ལམ་མཚོན་པའི་དངོས་བཤུས་ཕབ་རྒྱུ་ཡིན་པ་མ་ཟད། ༢༠༡༧ལོའི་ཟླ་༣པའི་ཚེས་༩ཉིན་གྱི་ཧྥོང་ཐེན་སྤྱི་གཉེར་ཁང་གི་རླངས་འཁོར་གསར་ཤོས་འཛམ་གླིང་གི་ཁྲོམ་རར་འགྲེམ་པའི་གསར་འགྱུར་སྤྱི་བསྒྲགས་དང་འབྲེལ་ནས་ན་གཞོན་ཁོང་ཅག་ལ་རྟིང་སྐུལ་གཟེངས་སྐྱེས་སུ་རླངས་འཁོར་གསར་ཤོས་རེ་བཀོད་སྒྲིག་བྱས་ཡོད་འདུག

ཀྲུང་གོའི་ན་གཞོན་ཕུགས་བསམ་ཅན་དྲུག་ནང་བདམས་ཐོན་བྱུང་བའི་འཁྲབ་ཁྲིད་པ་ཨ་སྒང་ཡར་རྒྱས་སོགས།

གཞོན་པའི་ཕུགས་བསམ་ལ་ཕུལ་བའི་ལེགས་སྐྱེས་ལེན་མཁན།

以实力致敬“敢为青年”

ན་གཞོན་དྲུག་ལ་གཟེངས་སྐྱེས་མཚོན་བྱེད་དུ་ཧྥོང་ཐེན་ལྡེ་མིག་འབུལ་གྱིན་པ།

ཨ་སྒང་ཡར་རྒྱས།

阿岗雅尔基

  ཨ་སྒང་ཡར་རྒྱས་ནི༡༩༩༡ལོར་མདོ་སྨད་རྔ་བ་རུ་སྐྱེས་ཤིང་། སྔ་གཞུག་ཏུ་རྔ་བ་རྫོང་བོད་ཡིག་སློབ་འབྲིང་དང་རྔ་བ་ཁུལ་མཐོ་འབྲིང་སློབ་གྲྭ། པེ་ཅིང་གློག་བརྙན་སྒྱུ་རྩལ་སློབ་གླིང་སོགས་འགྲིམས་ཤིང་། ཁོང་གིས་འཁྲབ་ཁྲིད་གནང་བའི་གློག་བརྙན་ལ་༼ལམ་གྱི་རྨི་ལམ་༽དང་། ༼བསོད་ལྷ༽ཞེས་པ་སོགས་ཡོད་ཀྱང་། ༼ལམ་གྱི་རྨི་ལམ་༽ཧྥིན་ལན་ཐམ་ཕེ་རེ་རྒྱལ་སྤྱིའི་གློག་བརྙན་དུས་ཆེན(Tampere Film Festival)སྐབས༤༥ བར་ཚུད་པར་མ་ཟད། ཀྲུང་གོའི་གསེར་གྱི་བྱ་དེ་དང་མེ་ཏོག་སྣ་བརྒྱའི་གློག་བརྙན་དུས་ཆེན་གྱི་ལྟད་མོ་བ་ཆེས་དགའ་བའི་གློག་བརྙན་གྱི་བྱ་དགའ་དང་། ཞིས་ཁོའུ་ཡུལ་སྐོར་བུམ་པའི(溪口旅游杯)འཁྲབ་གཞུང་འགྲན་བསྡུར་གྱི་བྱ་དགའ་ཨང་གཉིས་པ་སོགས་ཐོབ་མྱོང་ལ། དུས་མཚུངས་སུ་གློག་བརྙན་འདི་པེ་ཅིང་རྒྱལ་སྤྱིའི་སློབ་ཆེན་པའི་གློག་བརྙན་འགྲེམ་སྟོན་བྱེད་སྒོ་དང་། ཧྲང་ཧའེ་སློབ་གྲྭ་ཆེན་མོ་བའི་བརྙན་འཕྲིན་དུས་ཆེན་སྐབས་བདུན་པའི་བརྙན་ཐུང་འགྲན་སྡུར། ཅིན་ཧྲན་ཡེ་བརྙན་ཐུང་འགྲན་སྡུར་སོགས་ཀྱི་དངོས་གཞིའི་གློག་བརྙན་ནང་བདམས་ཐོན་བྱུང་བ་དང་། ༢༠༡༤ལོར་གློག་བརྙན་འདིའི་ཕབ་སྐྲུན་ཚོགས་ཆུང་པེ་ཅིང་རྒྱལ་སྤྱིའི་གློག་བརྙན་དུས་ཆེན་གྱི་ནང་ཚན་བརྙན་ཐུང་འགྲན་སྡུར་གྱི་གཟེངས་བསྟོད་ཚོགས་ཆེན་སོགས་ལའང་ཞུགས་མྱོང་།