དབྱངས་ཀྱི་ཕྲེང་བ་རྩོམ་རིག་ཚགས་དེབ་ཀྱི་ངོ་སྤྲོད་དང་འགྲེམ་བརྡ།
1 དབྱངས་ཀྱི་ཕྲེང་བ་ཞེས་པའི་ཚགས་དེབ་འདི་སྤྱི་ལོ་2014ལོ་ནས་གཉེར་མགོ་བརྩམས་པའི་བོད་ཀྱི་རྩོམ་རིག་ཚགས་དེབ་ཅིག་ཡིན་ཏེ། རྩོམ་རིག་ལ་དད་པ་རྣམ་དག་ལྡན་པའི་གསེར་རྟའི་ན་གཞོན་འགའ་ཞིག་གིས། ལོ་ངོ་རེ་རེ་བཞིན་རྩོམ་སྒྲིག་བྱས་ཏེ་སྤྱི་ཚོགས་སུ་འགྲེམ་གྱིན་ཡོད།
2 ཚགས་དེབ་འདིར་དགོད་བྱ་ནི། སྒྲུང་གཏམ། སྙན་ངག ལྷུག་རྩོམ་སོགས་མདོར་ན་རྩོམ་རིག་རང་བཞིན་ཅན་གྱི་ངོ་བོར་གྲུབ་པ་ཞིག་ཡིན་ལ། འདོན་ཐེངས་རེ་རེ་བཞིན་དུ། རྐང་འཛིན་རྩོམ་པ་པོའི་བརྩམས་ཆོས་དང་། གདན་ཞུའི་རྩོམ་པ་པོའི་བརྩམས་ཆོས་བཅས་རིགས་གཉིས་སུ་ཕྱེས་ཏེ་བཀོད་པ་དང་དགོད་མུས་སུ་མཆིས།
3 ད་སྔོན་དབྱངས་ཀྱི་ཕྲེང་བ་རྩོམ་རིག་ཚགས་དེབ་འདིར་གདན་ཞུ་བྱས་པའི་རྩོམ་པ་པོ། རྨོག་རུ་ཤེས་རབ་རྡོ་རྗེ། སྐྱབས་ཆེན་བདེ་གྲོལ། རོང་བོ་དགེ་འདུན་ལྷུན་གྲུབ་བཅས་ཀྱི་བརྩམས་ཆོས་བཀོད་མྱངས་ལ། ད་ཐེངས་མི་ཉག་མཁན་པོ་སེངྒེ་བཟང་པོའམ་ཤར་སྒྲོན་མེ་ལགས་གདན་ཞུ་བྱས་ཡོད།
4 རྩོམ་རིག་ཚགས་དེབ་འདི་དབུ་བརྙེས་པ་ནས་བཟུང་སྟེ། རྐང་འཛིན་རྩོམ་པ་པོ། འབྲོག་རེ་ལྡེ། གཟའ་དུག
ལྕགས་རྩེ། རྦུ་ཚང་བ། དགྲ་ཟོར། ཕ་ལམ་དམར་པོ་བཅས་ཀྱི་བརྩམས་ཆོས་གང་ལེགས་གདམས་གསེས་བྱས་ཏེ་འགོད་ཀྱིན་ཡོད།
5 ང་ཚོ་རྩོམ་སྒྲིག་པ་ཅག་གིས་དུས་ཚོད་སོགས་འགྲོ་གྲོན་མང་པོ་ཞིག་འདིར་ཆེད་དུ་བཏང་ནས། ད་ཐེངས་ཏེ་སྤྱི་ལོ་2017ལོའི་དབྱངས་ཀྱི་ཕྲེང་བ་ད་ལྟ་དངོས་སུ་ཚོང་རར་འགྲེམ་བཞིན་ཡོད་པས། རྒྱ་ཆེ་བའི་ཀློག་པ་པོ་དང་དཔེ་ཁང་སོ་སོས་རྒྱབ་སྐྱོར་མི་དམན་པར་ཞུ།
དམིགས་བསལ་གྱི་དོན་དག་མང་པོ་ཞིག་སྐབས་འདིར་མ་བཤད་ཀྱང་། ཀློག་པ་པོ་ཅག་གིས་དབྱངས་ཀྱི་ཕྲེང་བ་ཞེས་པའི་ཚགས་དེབ་ཀྱི་ཞལ་ཁེབས་ཡར་ལ་ཁྱོགས་དང་ཤེས་ངེས།
| 
