▶འབྲུག་ཡུལ་གྱི་དཔལ་འབྱོར་འཕར་ཚད་ཨེ་ཤ་ཡའི་མགྱོགས་ཤོས་སུ་གྱུར་བ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2018 ལོའི་ཟླ 7 ཚེས 17 རེས་གཟའ་མིག་དམར་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» གཙོ་ངོས།» འཛམ་གླིང་གསར་འགྱུར། »▶འབྲུག་ཡུལ་གྱི་དཔལ་འབྱོར་འཕར་ཚད་ཨེ་ཤ་ཡའི་མགྱོགས་ཤོས་སུ་གྱུར་
▶འབྲུག་ཡུལ་གྱི་དཔལ་འབྱོར་འཕར་ཚད་ཨེ་ཤ་ཡའི་མགྱོགས་ཤོས་སུ་གྱུར་བ།
རྩོམ་སྒྲིག་པ།  མགར་ཚེ་རིང་བཀྲ་ཤིས། སྤེལ་དུས། 2017/4/28ལྟ་ཀློག (3356)རྩོམ་ཁུངས: ཀྲུང་གོའི་བོད་སྐད་རླུང་འཕྲིན་དྲྭ།པར་འདེབ།

  འབྲུག་ཡུལ་ནི་གླིང་ཆེན་ཨེ་ཤ་ཡའི་ནང་ནས་དཔལ་འབྱོར་འཕེལ་རྒྱས་འགྲོ་མགྱོགས་ཤོས་ཀྱི་རྒྱལ་ཁབ་ཅིག་ཏུ་གྱུར་ཡོད་པ་རེད།

     དེ་ཡང་ཨེ་ཤ་ཡའི་འཕེལ་རྒྱས་དངུལ་ཁང་གིས་ཡོངས་བསྒྲགས་བྱས་པའི་སྙན་ཞུའི་ནང་། འབྲུག་ཡུལ་ནི་གླིང་ཆེན་ཨེ་ཤ་ཡའི་ནང་ནས་དཔལ་འབྱོར་འཕེལ་རྒྱས་འགྲོ་མགྱོགས་ཤོས་ཀྱི་རྒྱལ་ཁབ་ཅིག་ཏུ་གྱུར་ཡོད་པ་དང་། ༢༠༡༧ལོའི་འབྲུག་ཡུལ་གྱི་དཔལ་འབྱོར་འཕེལ་རྒྱས་ཀྱི་ཚད་གཞི་དེ་འབྲུག་ཡུལ་དུ་མིག་སྔར་ཚ་ཚ་འུར་འུར་ངང་འཛུགས་སྐྲུན་བྱེད་བཞིན་པའི་ཆུ་ཤུགས་གློག་ཁང་གི་རྨང་གཞིའི་སྟེང་གཞིར་བཞག་བྱ་རྒྱུ་ཡིན་པ་དང་། ༢༠༡༨ལོར་གློག་ཁང་དེ་ནས་གློག་མཁོ་འདོན་དངོས་སུ་བྱ་རྒྱུ་ཡིན་པ་དེས་དཔལ་འབྱོར་འཕེལ་རྒྱས་ཀྱི་ཆུ་ཚད་སྔར་བས་མཐོ་རུ་འགྲོ་རྒྱུ་ཡིན་པ་རེད།

     ཨེ་ཤ་ཡའི་འཛུགས་སྐྲུན་དངུལ་ཁང་གིས་ཟླ་བ་འདིའི་ནང་ཡོངས་བསྒྲགས་བྱས་པའི་སྙན་ཞུའི་ནང་༢༠༡༧ལོའི་འབྲུག་ཡུལ་གྱི་ལོ་འཁོར་མོའི་དཔལ་འབྱོར་འཕེལ་རྒྱས་ཀྱི་ཚད་གཞི་དེ་བརྒྱ་ཆ་༨.༢ཟིན་པ་དང་། ༢༠༡༨ལོར་བརྒྱ་ཆ་༩.༩འཕར་རྒྱུའི་སྔོན་དཔག་བྱས་ཡོད་པ་རེད།

     འབྲུག་ཡུལ་གྱིས་གནམ་གཤིས་འགྱུར་ལྡོག་གི་གནོད་འཚེ་འགོག་ཐབས་སུ་ཁོར་ཡུག་ལ་འབག་བཙོག་མི་བཟོ་བའི་ནུས་ཤུགས་མཁོ་འདོན་ལ་བརྟེན་ནས་དཔལ་འབྱོར་འཕེལ་རྒྱས་གཏོང་རྒྱུར་དམིགས་བསལ་གྱིས་དོ་ཁུར་བྱེད་བཞིན་ཡོད་པ་དང་། འབྲུག་ཡུལ་ལ་མཚོན་ན། མཁོ་འདོན་མ་བྱས་པའི་ཆུ་ཤུགས་ནུས་ཚད་GW30ཙམ་ཡོད་ཀྱང་། ཆུ་ཤུགས་གློག་འདོན་ཆེད་ད་བར་བརྒྱ་ཆ་༥ཙམ་ལས་བེད་སྤྱོད་བཏང་མེད་པ་རེད།

     ཉེ་བའི་ལོ་ཤས་ནང་། འབྲུག་ཡུལ་གྱིས་གློག་ཤུགས་ཕྱིར་འཚོང་བྱ་ཆེད་ཆུ་ཤུགས་གློག་ཁང་གསར་རྒྱག་བྱས་པ་དང་དུས་མཚུངས་སུ། རང་ཡུལ་གྱི་ཐག་རིང་ས་ཁུལ་མང་པོར་གློག་ཁང་བཙུགས་ཡོད་པའི་སྐོར་ཡང་སྙན་ཞུའི་ནང་བསྟན་ཡོད་པ་རེད།

     འཛམ་གླིང་གི་ཆུའི་ཐོན་ཁུངས་ཀྱི་དྲ་བའི་ཐོག་གནས་ཚུལ་སྤེལ་བར། འབྲུག་ཡུལ་གྱིས་ཆུ་ཤུགས་གློག་འདོན་གྱི་ལས་གཞི་དེ་དག་རྒྱལ་ཁབ་ཀྱི་དཔལ་འབྱོར་འཕེལ་རྒྱས་ཀྱི་འབྱུང་ཁུངས་གཙོ་བོར་བརྩི་བཞིན་ཡོད་པ་དང་། འདས་ཟིན་པའི་ལོའི་ནང་འབྲུག་ཡུལ་གྱི་ཕྱིར་འཚོང་ཡོང་འབབ་མཐོ་ཤོས་དེ་ཆུ་ཤུགས་གློག་འདོན་ནས་བྱུང་ཡོད་ཅིང་། རྒྱལ་ཁབ་ཀྱི་སྤྱིའི་ཕྱིར་འཚོང་ཡོང་འབབ་ཀྱི་བརྒྱ་ཆ་༣༢.༤ཆུ་གློག་ཕྱིར་འཚོང་ནས་བྱུང་ཡོད་པ་དང་། རྒྱལ་ནང་ཐོན་སྐྱེད་སྤྱིའི་རིན་ཐང་གི་བརྒྱ་ཆ་༨ཆུ་ཤུགས་གློག་འདོན་ཡིན་པ་བསྟན་ཡོད་པ་རེད།




དྲྭ་ཚིགས་གཙོ་སྐྱོང་བ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཨ་སངས། མགར་ཚེ་རིང་བཀྲ་ཤིས།
འདྲེན་བཀོལ:

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
fc4i བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
11753162
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号