མིག་སྔར་དྲ་ལམ་དུ་གསར་འགྱུར་འདི་ལ་དོ་སྣང་བྱེད་མཁན་ཧ་ཅང་མང་བོ་བྱུང་འདུག དེ་བས་ང་ཚོས་སློབ་མ་འདི་རིགས་ཀྱི་གནོན་ཤུགས་དེ་ལ་སློབ་གྲྭའི་དགེ་རྒན་རྣམ་པས་ཀྱང་ཐུགས་བསམ་རེ་བཞེས་ཏེ་སློབ་མའི་ནུས་ཚོད་དང་དགའ་ཕྱོགས་གཙོ་བོར་འཛིན་རྒྱུ་ཤིན་ཏུ་གལ་ཆེན་ཞིག་ཏུ་མཐོང་། གསར་འགྱུར་འདི་རྒྱ་ནང་གི་སློབ་མ་ཞིག་གིས་ལས་བྱ་ཁོ་ནའི་གནོན་ཤུགས་འོག་རང་སྲོག་བཅད་པ་ཞིག་ཡིན་ལ། ད་དུང་མོས་རང་སྲོག་མ་བཅད་པའི་སྔོན་དུ་ཉིན་ཐོ་འབྲི་སའི་ནང་ཁ་ཆེམས་ཤིག་བཞག་པ་དེས་མི་མང་པོ་ཞིག་ལ་བསམ་གཞིག་ཆེན་པོ་བསླངས་ཡོད།
མོས་ལག་རྩ་མ་བཅད་པའི་སྔོན་དུ་ཁ་ཆེམས་བཞག་པའི་ཡི་གེ།
ཨ་མ། ང་ཧ་ཅང་དཀའ། མིག་ཕྱེ་མ་ཐག་ད་དུང་སྐད་ཡིག་དང་གྲངས་རིགས། དབྱིན་ཡིག་གི་དགེ་རྒན་རེ་རེས་མང་དུ་བཞག་པའི་ལས་བྱ་འབྲི་ཟིན་མེད། ངས་ཇི་ལྟར་བརྩོན་པ་བྱེད་ཀྱང་ལས་བྱ་ལ་རྫོགས་མཐའ་མི་འདུག ང་ལྷིང་འཇགས་ངང་ཅུང་ཙམ་གཉིད་ན་འདོད་མོད་ལས་བྱ་འབྲི་མ་ཟིན་ན་སང་ཉིན་དེ་ལས་མང་ཞིང་། དེ་དག་བྲིས་ཟིན་མེད་ཚེ་དགེ་རྒན་གྱི་ཉེས་ཆད་དང་སློབ་གྲོགས་ཀྱི་དམའ་འབེབས་བྱེད་པས་འདི་ནམ་ཞིག་ལ་རྫོགས་མཐའ་ཡོད། ང་ནི་གཞན་དག་གི་བྱིས་པ་དང་འདྲ་བར་དགའ་དགའ་སྤྲོ་སྤྲོའི་ངང་ཉི་འོག་ནས་རྒྱུག་འདོད་ཀྱང་ངས་མིག་ཕྱེ་མ་ཐག་མཐོང་བ་ནི་ཉི་འོད་མ་ཡིན་པར་ལས་བྱ་རེད། ང་དཀའ་སོང་། ཡུན་རིང་ལ་མིག་བཙུམས་ནས་ཡུན་རིང་ཞིག་ལ་གཉིད་ན་འདོད་བྱུང་བས་ཨ་ཕ་དང་ཨ་མ་ལགས་ལ་དགོངས་དག་ཞུ། ང་བུད་སོང་ཞེས་བྲིས་ཡོད།
| 