རྨི་ལམ་ཚིག་རོ།
ཀླུ་ཆབ་སྔོན་མོ།
བྱེ་མའི་རྡུལ་གྱིས་མ་གོས་མཆོད་པའི་ལྷ།།
གཡའ་དག་མེ་ལོང་ངོས་སུ་བཞུཊ་པ་ན།།
ལུས་ཀྱི་ལྷུ་ཚིཊ་འཐོར་བའི་སིལ་སྒྲ་ཡིས།།
སྲོད་ཀྱི་མེ་ཏོག་དྲན་འཆར་ངོས་སུ་བཀོད།།
སྒེའུ་ཡོལ་རླུང་གིས་ཟོས་པའི་མཚན་མོ་དེ།།
མཐོང་བའི་ལག་ཡིག་བོར་བའི་རྨི་ལམ་ཞིག།
ཐང་ཤིང་སྐྱ་བོའི་རྩེ་ནས་རྨིས་པ་ན།།
སྐར་བའི་བྲོ་རའི་དཀྱིལ་དུ་ཟླ་བ་ལྷུང་།།
མེ་ཏོག་བསླས་མ་གྱོན་པའི་ཕྱེ་མ་ལེབ།།
ལམ་འགྲམ་གློག་འོད་ངོས་སུ་འཚུབ་པ་ན།།
བད་དཀར་སྣེ་ནས་ལྷུང་བའི་ཆུ་ཐིགས་ཀྱིས།།
སེམས་ཀྱི་ཚོར་འདུ་བརླན་པ་ཐེངས་གཅིག་མིན།།
མེ་ཏོག་སད་པས་གཙཊ་པའི་ན་ཟུག་གིས།།
ཀོ་གྲུ་རློན་པའི་ནང་དུ་སྙན་ངག་བྲིས།།
གཙང་བོ་ཡར་ལ་བཞུད་པའི་ཤག་སྒྲ་ཡིས།།
བྲིས་པ་སྙན་ངག་གྱེར་དུས་སྐྱོ་བ་སངས།།
སྤྲིན་པ་རླུང་གིས་གསེད་དེ་ཕྱོཊ་ཀུན་འཐོར།།
ང་ཡི་འཁྲིས་སུ་ལྷུང་པའི་སྤྲིན་པ་གན།།
ཟླ་བ་ལྷ་མོའི་བཞིན་རས་ཡིན་གྱུར་ན།།
སྐར་མ་སྨིན་བདུན་འདི་འང་ཁྱོད་པ་སྤྲད།།
རྡོ་བ་འཁྱག་པའི་ཐོག་ཏུ་སྐོས་པའི་གཟུཊ།།
ལས་དང་སྨོན་ལམ་ཞིག་གིས་འཕྲད་པ་སྟེ།།
སེམས་ཀྱི་མུ་ཏིག་དཀར་པོ་མ་ཡིན་ནམ།།
ཡང་ན་ལུས་ཀྱི་དོ་ཤལ་མིན་ན་ཅི།།
སྡུག་པའི་མེ་ཏོག
__སྡུག་པའི་མེ་ཏོག་སྙིང་གི་བྱམས་པ།
སྒེའུ་ཁུང་སྨག་གིས་ཟིན་དུས་རྨི་ལམ་དྲན།།
རྨི་ལམ་དྲན་དོན་ཁྱོད་ཀྱིས་ཨེ་ཚོར་གི།
རྨི་ལམ་ནང་ནས་ཁྱོད་ཀྱི་ཞལ་རས་མཐོང་།།
དེ་བས་རྨི་ལམ་བདག་ལ་ཧ་ཅང་དྲན།།
དགོང་ཁའི་ས་སྲོད་གྱོན་ནས་རྨི་ལམ་ཉུལ།།
མཚན་མོའི་སྐར་འོད་ངོས་ནས་རྨི་ལམ་བཙལ།།
གཙང་བོ་ཡར་ལ་བཞུར་བའི་ཁུག་མགོ་ནས།།
དྲན་པའི་རྨི་ལམ་རྙེད་ན་ཨེ་མ་ཧོ།།
མཚམས་སྤྲིན་དམར་པོའི་པང་མིག་ཟུང་དེ།།
རྒྱང་རིང་གངས་ཀྱི་རི་བོའི་རྩེ་མོར་འཐེན།།
ཉིན་ཞག་དུ་མར་བཙལ་བའི་རྨི་ལམ་དེ།།
གངས་ཀྱི་མདངས་ནས་རྙེད་ན་དགའ་བ་ལ།།
སྡུག་པའི་མེ་ཏོག་རྨི་ལམ་ནང་དུ་ཡོད།།
རྨི་ལམ་སྡུག་པའི་མེ་ཏོག་འཁྲུངས་ས་ཡིན།།
རྨི་ལམ་མེད་པའི་མཚན་མོ་རེ་རེ་ལ།།
སྡུག་པའི་མེ་ཏོག་དྲན་པའི་མིག་ཆུ་ཤོར།།
རྨི་ལམ་ཉིན་དང་མཚན་ལ་ཡོད་གྱུར་ན།།
མིག་གི་མཐའ་ནས་མེ་ཏོག་བོར་བ་མེད།།
དེ་བས་རྨི་ལམ་སེམས་ཀྱི་གུར་ཁང་དེ།།
སྡུག་པའི་མེ་ཏོག་ནག་པོའི་གཞིས་ཁྱིམ་ཡིན།།
ལེན་རེར་སྡུག་པའི་མེ་ཏོག་རྡོ་ཐོག་བཞད།།
མཚམས་རེར་སྡུག་པའི་མེ་ཏོག་ཆུ་ནང་སྐྱེས།།
འོན་ཀྱང་ཕལ་ཆེར་སྡུག་པའི་མེ་ཏོག་ནག་པོ།།
རྨི་ལམ་དྲོད་མོའི་ནང་ནས་ཡལ་བ་མེད།།
ཆུ་དང་ཆར་པས་སྡུག་པའི་མེ་ཏོག་བརླན།།
སྨུག་དང་སྤྲིན་པས་སྡུག་པའི་མེ་ཏོག་གཡོགས།།
འོན་ཀྱང་སྡུག་པའི་མེ་ཏོག་དམར་པོ་དེ།།
སེམས་ཀྱི་རྨི་ལམ་ནང་དུ་ལྷང་ངེར་ཡོད།།
སྡུག་པའི་མེ་ཏོག་ཟིལ་བ་ཆགས་ས་སྟེ།།
ཟིལ་བ་སྡུག་པའི་མེ་ཏོག་འཐུ་མཁན་ནོ།།
གཉིད་དང་རྨི་ལམ་བར་ནས་མེ་ཏོག་ཁྱོད།།
ག་ལེར་སེམས་ཀྱི་གསེང་ན་ལྷུང་དུ་མཛེས།།
| 