ཟླ་དགུ་བའི་ནང་གི་བརྩེ་གཞས།

ས་མ་རུབ་གོང་ན་བརྩེ་གཞས་ཤིག།
ཁྱོད་ཟེར་བ་ཞིག་ལ་ལེན་འདང་ཡོད།།
གཞས་དང་པོ་གཙང་བོའི་འགྲམ་ན་ཡོད།།
ཆུ་གཙང་བོ་ཕྱི་ནང་ཀུན་གསལ་ཡིན།།
ཟླ་འདི་ཡི་དགའ་རོགས་སྐྱོ་རོགས་ཏེ།།
ཁྱོད་ཟེར་བ་ཞིག་དང་ས་སྲོད་རྫོགས།།

སེམས་ཟེར་བ་ཤིང་ཏོག་དམར་པོ་ཞིག།
ཁྱོད་ཟེར་བ་ཞིག་ལ་འབུལ་འདང་ཡོད།།
དབྱར་ཟེར་བ་སྐྱིད་ཀྱི་ར་བ་ཞིག།
སེམས་བརྩེ་གཞས་འཐེན་ཞོར་མཉམ་དུ་འགྲོ།།
ལས་ཟེར་བ་མྱི་རྒན་བསམ་ནག་ཅིག།
འཐབ་དགོས་ཀྱང་ང་ཡང་བྱིས་པ་ཡིན།།

ཁྱོད་དྲན་ནས་ས་སྲོད་མང་པོ་བརྒལ།།
ཟླ་དགུ་བའི་ནང་གི་ལྭ་རིང་མ།།
དགུན་མགོ་མའི་ཁ་བ་དཀར་པོ་ལ།།
ངས་བསྒུག་ཡོད་ཅེས་ནས་བཤད་རོགས་ཞུ།།
ཁྱོད་དྲན་རབས་བཤད་ན་རྫོགས་འདང་མེད།།
དགུན་མགོ་མ་བསླེབ་དུས་བརྩེ་གཞས་ཉོན།།

2017-9-8མཚན་མོར་བྲིས།

སེམས་ཀྱི་ལོ་ཟླ།

སེམས་ཀྱི་ངལ་དུབ་ལོ་ཟླའི་གསེང་ན་ལྷག།
དབུགས་རིང་འཕེན་རྗེས་ད་དུང་དབུགས་རིང་ཡིན།།
འཇིག་རྟེན་ཁྱད་མཚར་སྣ་ཚོགས་ཡོད་ཡོད་དེ།།
སེམས་ཀྱི་ལོ་ཟླའི་ནང་དུ་ལུང་བསྟན་ནོ།།

ཆར་བ་ཆིལ་ཆིལ་བབས་པའི་ལམ་ཁ་དང་།།
ལམ་གྱི་སྲང་མདོ་དེ་དག་ངུ་བཞིན་འདུག།
དཔྱིད་ཀ་ཡག་པོ་ཚེས་སའི་རི་གྲོང་དང་།།
མཛེས་པ་ཤིན་ཏུ་ཆེ་བའི་ཉི་འོད་སྨྲེང་།།

ངག་ནས་ལན་བརྒྱར་འབོད་སའི་བུ་མོ་ལགས།།
ད་ཆའི་སེམས་པ་ཤིན་ཏུ་སྨྲེང་སོང་ངོ་།།
ཞོགས་པ་དེ་དག་རི་གྲོང་དག་ལས་བརྒལ།།
མཚན་མོ་དག་ཀྱང་ཤིན་ཏུ་སྨྲེང་ནས་བུད།།

ད་ཆ་མཐོང་བ་མང་བའི་ཨ་ཅག་ལགས།།
མིག་གིས་ལན་བརྒྱར་མཐོང་ཡང་དེ་ཙམ་མོ།།
རྒྱང་ཐག་རིང་བའི་མི་དེ་མཐོང་ཙ་ན།།
སེམས་པ་དཔྱིད་ཀ་ཚེས་སྣང་རབ་ཏུ་ཆེ།།

༢༠༡༧.༡༠.༢༣ཞོགས་པར་བྲིས།

གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།


	འདྲེན་བཀོལ:	61.4K

དཔྱད་གཏམ ( 0 )ཡོད།

དཔྱད་གཏམ་སྤེལ་ས།

སྤེལ་མཁན།

བཤེར་གྲངས།

sphv བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།

ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།

ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།

མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།

ལྟ་ཀློག་གྲངས་ཀ

41363105

དྲ་ཚིགས་བཟོ་སྐྲུན།

འབྲེལ་གཏུག་བྱ་ཡུལ། ཁ་པར། 草原梦想15283703999 E-mail:tbmgar@163.com

པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།