རྔ་ལྗོངས་ཁོར་ཡུག་མྱུར་སྐྱོབ་ཚོགས་པའི་༢༠༡༨ལོའི་བྱ་བའི་འཆར་གཞི་གྲོས་མོལ་ཚོགས་འདུ།

ཚོགས་འདུའི་སྟེང་གི་མཉམ་པར།

ཆོ་འཕྲུལ་སྨོན་ལམ་ཆེན་མོའི་ཚེས་༡༤དང་༡༥ཉིན་གཉིས་ལ་གད་སྙིགས་གཙང་སྦྲ་བྱེད་འགོ་ཚུགས་པ།

      སྤྱི་ལོ་2018.3.4.ཉིན་རྔ་ཡུལ་སྒོ་མང་དགོན་གྱི་ཉེ་འདབས། མེ་ཏོག་སེར་བོའི་ཇ་ཁང་དུ་རྔ་ལྗོངས་ཁོར་ཡུག་མྱུར་སྐྱོབ་ཚོགས་པའི་ཚོགས་མི་700ལྷག་གི་འཐུས་ཚབ་མི་སྣ་ཚོགས་གཙོ་གཞོན་དང་། ཚོ་བ་དྲུག  མཐའ་བ་ཧུ་ར་མ། ཨ་འདུས་ཚོས་བཞི་དང་བཅས་པའི་འགན་འཛིན་མི་སྣ་བཅུ་ཕྲག་ལྷག་{རྔ་ལྗོངས་ཁོར་ཡུག་མྱུར་སྐྱོབ་ཚོགས་པའི་༢༠༡༨ལོའི་བྱ་བའི་འཆར་གཞི་གྲོས་མོལ་ཚོགས་འདུ་}འཚོགས། ཐོག་མར་ཚོགས་གཙོ་ཡོབ་ཤུལ་གཤོག་སྒྲ་ལགས་ཀྱིས་ཚོགས་པ་བཙུགས་ནས་ལོ་ངོ་གསུམ་འགོར་བའི་བྱ་བའི་ཉམས་མྱོང་དང་གྲུབ་འབྲས།  དགེ་སྐྱོན་སོགས་ཀྱི་ཐད་ནས་གཏམ་བཤད་བྱས་ཏེ་ཚོགས་འདུ་དངོས་སུ་འགོ་བཟུང་ཡོད། ཚོགས་གཞོན་སད་སྐལ་བཟང་དགེ་ལེགས་དང་དུས་ཆེན། རྩིས་གཉེར་བ་རིན་ཆེན་བཟང་བོ་སོགས་ཀྱིས་རང་རང་གི་བསམ་ཚུལ་དང་འབྲེལ་ཏེ་ཚོགས་པའི་འདས་མ་ད་གསུམ་ལ་དབྱེ་ཞིབ་དང་ལྷག་དོན་མ་འོངས་པའི་འཆར་གཞིའི་ཕྱོགས་ནས་གྲོས་གཞི་བཏོན། མཇུག་མཐར་ཚོགས་གཙོ་ཡོབ་ཤུལ་གཤོག་སྒྲ་ལགས་ཀྱིས་འགན་འཛིན་མི་སྣ་དག་གི་བསམ་འཆར་ལ་སྤྱི་སྡོམ་བྱས་ཏེ་མཇུག་བསྡུའི་གཏམ་བཤད་སྤེལ་ཏེ་ཚོགས་འདུ་རྒྱལ་ཁའི་ངང་མཇུག་སྒྲིལ།

གསར་འགོད་པ་རྩེ་རིན་བཟང་གིས།