草原梦想欢迎你! |
དེ་རིང་ནི་སྤྱི་ལོ
2024
ལོའི་ཟླ
4
ཚེས
19
རེས་གཟའ་པ་སངས་ཡིན། |
དྲ་གནས་ཉར་ཚགས། གཙོ་ངོས་སུ་འགོད་པ། ནང་འཇུག
|
|
|
|
|
ཞྭ་ནག་པའི་བརྩམས་ཆོས་བདམས་བཀོད། | རྩོམ་སྒྲིག་པ། དོ་དམ་པ། | སྤེལ་དུས། 2018/4/16 | ལྟ་ཀློག (2418) | རྩོམ་ཁུངས: ངེད་དྲ་བ། | པར་འདེབ། |
|
ཞྭ་ནག་པའི་བརྩམས་ཆོས་བདམས་བཀོད།
རྙི་ལས་ཤོར་བའི་གཞས།
(ཞར་བཀོད་གཅིག)
འདས་པའི་སྐར་འོད་འཚེར་བའི་ཡུལ་ལྗོངས་ཀྱི་ངོས་སུ།།
སེམས་ཀྱི་རྙི་ལས་ཤོར་བའི་རྟ་ཕོ་ཞིག་འདྲོགས་ནས།།
སྣང་བའི་རི་ལ་བྲིས་པའི་མེ་ཏོག་གི་ཚོམ་བུ།།
དྲན་པའི་ཆུ་བོའི་ནང་དུ་མདའ་མོ་བཞིན་འཕང་སོང་།།
ཚོར་བའི་རྨ་བྱ་འཕུར་བའི་བར་སྣང་གི་ཀློང་དུ།།
ལུས་ཀྱི་ཤ་ལས་ཆད་པའི་སྒྲོ་སྤུ་དག་འཐོར་ནས།།
སྟོན་པའི་སྐྱོ་གླུ་ལེན་སའི་གར་སྟེགས་ཀྱི་དཀྱིལ་དུ།།
བདག་དང་བདག་གིས་བྲིས་པའི་གཞས་ཚིག་དག་གྲུབ་སོང་།།
བྱིས་བློ་མེ་ཏོག་འདྲ་བའི་སྐྱེད་ཚལ་དེ་མེད་ཀྱང་།།
གཞོན་ལུས་མདའ་སྨྱུག་འདྲ་བའི་སྒེག་ཉམས་འདི་ཡོད་ན།།
མི་སེམས་རླུང་བུ་འདྲ་བོ་ངེས་མེད་དུ་གཡུག་པས།།
བདག་གི་གཞོགས་སུ་བཀུག་རྒྱུ་དེ་འདྲ་ཞིག་མི་དཀའ།།
2018/4/7
ལས་མ་ལེགས་པའི་ཚིགས་བཅད།
ལོ་མ་དག་ཀྱང་རླུང་གི་ཁུར་རྗེས་བདག་ནི་དེ་གའི་གཞོགས་སུ་རྒྱུག།
རྨི་ལམ་ངོས་སུ་མེ་ཏོག་བཞད་དུས་ནམ་མཁར་འཕུར་བའི་བྱ་ཚོགས་ལ།།
སེམས་སུ་འཆར་བའི་ཨ་མའི་ཞལ་རས་དྲན་གྱིན་དྲན་གྱིན་མིག་ཆུ་སྤྲིངས།།
སྐྱོ་བ་ཁུར་བའི་ཁོ་བོའི་ལུས་ངག་རླུང་གིས་ཁྱེར་དང་ཙག་གིས་བསྡམས།།
ཕྱེ་མ་ལེབ་ཅིག་འཕུར་ཙམ་འཕུར་ཙམ་ཡིད་ཀྱིས་ཁ་དོག་རྐུ་བར་བྱས།།
ཆུང་དུས་བསྒྲིགས་པའི་རྩེ་རྡོ་དག་ཀྱང་ཆགས་དང་སྡང་དང་བཙན་གྱིས་མནར།།
ཟམ་ཁར་དཔྱངས་བའི་རུས་རྐང་ཞིག་ལ་འོད་དགུ་འབར་བའི་དངོས་གྲུབ་བསྩལ།།
དེ་དག་ཐམས་ཅད་རྟོག་ངོར་བྲིས་ལ་ཡིད་ངོར་ཕབ་པའི་རྨི༌ལམ་མོ།།
གློག་སྒྲོན་དག་གིས་མྱི་སྐད་བཤད་ཅིང་དེ་གའི་འོག་གི་དཔེ་དེབ་ལ།།
ཁོ་བོ་ཆགས་པས་སྙན་ངག་ཡིན་ཞེས་ཐ་སྙད་མང་ཞིག་བསྒྲིགས་བཞག་པས།།
རྡུལ་གྱིས་བསྐྲུན་པའི་དབྱངས་ཡིག་དེ་དག་གཙང་བོའི་ཁ་རུ་འཐོར་བ་ན།།
མེ་ལོང་ནང་གི་རྐུན་མ་ཞིག་ལ་ཤིན་ཏུ་སྐྱོ་བའི་མདང་ནུབ་ཡོད།།
སྤྱི་ལོ༢༠༡༧/༡༢/༡༤ཉིན་ན་གཞོན་སྙན་ངག་པའི་ཚོམས།”དབྱངས་གསར་བའི་སྡེ”ཚང་གི་སྐབས་དང་པོའི་ནང་ཁུལ་འགྲན་བསྡུར་ཁྲོད་བོད་ཀྱི་དགེ་རྒན་ཆེན་པོའམ་སློབ་གསོ་བ་ཚ་ནག་ཀུན་བཟང་ལགས་ཀྱིས་དཔྱད་འདེམས་བྱས་པ་ལས་གྲྭ་གཞོན་སྙན་ངག་པ་ཞྭ་ནག་པ་ལགས་ཀྱིས་བརྩམས་ཆོས་”ལས་མ་ལེགས་པའི་ཚིགས་བཅད།“ཅེས་པ་ཨང་དང་པོ་རུ་བདམས་བཀོད་བྱས་པ་ལགས། |
| |
གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།
|
|
འདྲེན་བཀོལ: |
|
|
དཔྱད་གཏམ (
0
)ཡོད། |
|
|
|
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་། |
|
|
|
|
|
|
འབྲེལ་གཏུག་བྱ་ཡུལ། ཁ་པར། 草原梦想15283703999 E-mail:tbmgar@163.com |
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད། |
蜀ICP备13002975号-1 |
|
|
|