མ་ཡུམ་ལགས་འབྲོང་མོ།

རྨི་ལམ་ནང་གི་འབྲོང་མོ་ཁོང་ཡིན་རྒོད་པོའི་བཙན་རྫོང་ཞབས་ཀྱིས་མནན་ཡོད།།
མེས་པོ་ཞིག་གིས་ལྷ་ལ་མཆོད་ཡོད་མཐོ་སྒང་སྒལ་ཚིགས་བསྲུང་བར་བསྐོས་ཡོད།།
མ་ཡུམ་ལྷ་འབྲོང་རྒྱ་སྟག་ངར་མས་རྨ་འབྲིའི་རྒྱུད་ལ་ཚེ་སྲོག་བརྒྱུས་ཡོད།།
བརྩེ་བའི་ནུ་ཆུ་གཙང་བོར་འདྲིས་ཡོད་རྒྱ་མཚོའི་ཁྱོན་ལ་བྱམས་པས་བསྐྱངས་ཡོད།།

རྨི་ལམ་ནང་གི་འབྲོང་མོ་ཁོང་ཡིན་ས་ཡི་རྟེན་ཕུར་ཐུགས་ལ་བལྟིམས་ཡོད།།
མགྲིན་པའི་རྐན་ལ་དབྱངས་གསལ་འབྱར་ཡོད་རྩྭ་སྨན་ལྗོན་པ་མལ་དུ་བཏིང་ཡོད།།
མ་ཡུམ་འབྲོང་མོ་བདག་ཏུ་མ་བཟུང་གངས་རི་སྤང་ལྗོངས་སོགས་ལ་དབང་ཡོད།།
བརྩེ་བའི་མངའ་བདག་མ་ཡུམ་འབྲོང་མོ་དྲན་ཤིང་ཡུལ་གྱི་ཕུལ་དང་མཆོག་ཡིན།།

རྨི་ལམ་ནང་གི་འབྲོང་མོ་ཁོང་ཡིན་སྐྱེ་འགྲོ་དབུགས་ལྡན་མིག་གིས་འཚོས་ཡོད།།
རི་སྤྱང་ཚོགས་ཀྱི་གཤེད་མར་བབས་ཡོད་ལུང་བའི་ཕུ་མདར་རྭ་རྩེ་བསྣོལ་ཡོད།།
མ་ཡུམ་འབྲོང་མོ་འཁྱགས་ལ་མི་སྐྲག་དུས་བཞིའི་སྐྱོ་སྡུག་གདོང་གིས་བསུས་ཡོད།།
ས་གཞི་ཆེན་པོ་གསེར་གྱིས་བཀང་ཡང་མ་ཡུམ་དྲིན་ལན་འཇལ་ཐབས་མི་འདུག །

རྨི་ལམ་ནང་གི་འབྲོང་མོ་ཁོང་ཡིན་སུག་བཞིས་མེ་ཏོག་ཤེལ་ཕྲེང་བཏེགས་ཡོད། །
རྩིད་ནག་རྩུབ་པའི་ངང་རྒྱུད་རིང་ཞིང་རྭ་རྩེས་མི་འཇིགས་གོ་ཆ་བགོས་ཡོད། །
མ་ཡུམ་འབྲོང་མོ་མ་རུ་ཤེས་ཡོད་ཁུ་ལུ་མཐུག་པོའི་དྲོད་དེར་སྒུག་ཡོད། །
དུས་ཆེན་འདི་ལ་བྲེལ་འཚུབ་ཆེ་ཡང་མ་ཡུམ་དྲན་པ་རི་ལས་ལྕི་བ། །

སྐུ་འབུམ་དགོན་དུ།

གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།


	འདྲེན་བཀོལ:	61.4K

དཔྱད་གཏམ ( 0 )ཡོད།

དཔྱད་གཏམ་སྤེལ་ས།

སྤེལ་མཁན།

བཤེར་གྲངས།

liao བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།

ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།

ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།

མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།

ལྟ་ཀློག་གྲངས་ཀ

41156764

དྲ་ཚིགས་བཟོ་སྐྲུན།

འབྲེལ་གཏུག་བྱ་ཡུལ། ཁ་པར། 草原梦想15283703999 E-mail:tbmgar@163.com

པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།