བོད་ཁུལ་གྱི་གསར་འགྱུར་ཚ་ཤོས་ཁག་དང་པོ།

རྗེ་ཙོང་ཁ་པའི་རིག་གཞུང་བགྲོ་གླེང་ཚོགས་འདུ་སྐབས་བཞི་བ་མཚོ་སྔོན་མི་རིགས་སློབ་ཆེན་དུ་བསྡུས།
第四届宗喀巴学术研讨会在青海民大召开

    རྒྱུས་ལོན་བྱུང་བ་ལྟར་ན།   སྤྱི་ལོ་2018ལོའི་་ཟླ་7པའི་ཚེས་7ཉིན་མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པའི་ཚོགས་ཆེན་ཐོག་བརྩེགས་བཞི་བའི་ཚོགས་ཁང་དུ་རྗེ་ཙོང་ཁ་བའི་རིག་གཞུང་བགྲོ་གླེང་ཚོགས་འདུ་སྐབས་བཞི་བ་བསྡུས་ཤིང་། ཐེངས་འདིའི་ཚོགས་འདུའི་སྟེང་ནུབ་བྱང་མི་རིགས་སློབ་གྲྭ་ཆེན་མོ་དང་མཚོ་སྔོན་དགེ་ཐོན་སློབ་གྲྭ་ཆེན་མོ།  མཚོ་སྔོན་མི་རིགས་སློབ་གྲྭ་ཆེན་མོ་བཅས་ཀྱི་ཆེད་མཁས་པ་ཉི་ཤུ་ལྷག་གདན་འདྲེན་ཞུས་ཏེ།  འཇམ་མགོན་བླ་མ་ཙོང་ཁ་པའི་གསུང་རྩོམ་དང་ལྟ་གྲུབ་སོགས་ལ་བགྲོ་གླེང་ཁྲིག་ཆ་དོད་པོ་བྱུང་སྟེ་ཀུན་ལ་བློ་སྐྱེད་ཆེན་པོ་ཐོབ་ཡོད་ཟེར།

རྗེ་ཙོང་ཁ་བའི་རིག་གཞུང་བགྲོ་གླེང་ཚོགས་འདུ་སྐབས་བཞི་བའི་ཡུལ་དངོས།

རྗེ་ཙོང་ཁ་བའི་རིག་གཞུང་བགྲོ་གླེང་ཚོགས་འདུ་སྐབས་བཞི་བའི་མཉམ་འཛོམས་དྲན་རྟེན།

སེང་འབྲུག་སྟག་རྩེའི་གེ་སར་ཟློས་གར་ཚོགས་པར་བོད་ལུགས་ཁྲབ་གོས་གསར་བཟོ་དང་དཔྱད་གླེང་ཚོགས་འདུ་གནའ་མཁར་ཟི་ལིང་དུ་བསྡུས།

新制作的格萨尔王和部分大将的铠甲及头盔，具有古老藏族铠甲的特色，专家学者都不但认同，而且伸出了大拇指！青海西宁。

       རྒྱུས་ལོན་བྱུང་བ་ལྟར་ན།   སྤྱི་ལོ་2018ལོའི་་ཟླ་7པའི་ཚེས་7ཉིན་མཚོ་སྔོན་ཞིང་ཆེན་མགོ་ལོག་ཁུལ་དར་ལག་རྫོང་གི་སེང་འབྲུག་སྟག་རྩེའི་གེ་སར་ཟློས་གར་ཚོགས་པའི་གླིང་སྤྲུལ་ཀུན་བཟང་རྒྱལ་མཚན་གྱིས་གཙོ་སྐྱོང་འོག་སེང་འབྲུག་སྟག་རྩེའི་གེ་སར་ཟློས་གར་ཚོགས་པར་བོད་ལུགས་ཁྲབ་གོས་གསར་བཟོ་དང་དཔྱད་གླེང་ཚོགས་འདུ་གནའ་མཁར་ཟི་ལིང་དུ་བསྐོང་ཚོགས་བྱས། 

    ཚོགས་ཐོག་ཏུ་བོད་ཁུལ་གྱི་གེ་སར་རིག་གནས་ཆེད་མཁས་པ་དང་དེ་ལ་དགའ་ཞེན་ཡོད་པ་འགའ་མཉམ་ཞུགས་བྱས་ཡོད།

སེང་འབྲུག་སྟག་རྩེའི་གེ་སར་ཟློས་གར་ཚོགས་པར་བོད་ལུགས་ཁྲབ་གོས་གསར་བཟོ་དང་དཔྱད་གླེང་ཚོགས་འདུའི་ཡུལ་དངོས།