ནོར་གཞོང་ཞེས་པའི་བརྙན་ཟློས་ལ་བསྟས་རྗེས།

སྤོབས་པའི་ང་རྒྱལ་རི་དང་མཚོ་ལས་བརྒལ།།
སེམས་ཀྱི་འདུན་མ་འཛམ་གླིང་སྒང་ན་འཐེན།།
དཀའ་སྡུག་གཉིས་འདྲེས་འཚོ་བའི་གྲུ་ཁ་ནས།།
གདོང་གི་ཀུ་མུད་གྲོལ་བའི་བྱེའུ་དང་།།
གང་ལ་འཁྲེང་ཞེན་ཆགས་པའི་ཝན་སྲན་གཉིས།།
སེམས་པ་སེམས་ཀྱིས་སླས་འདི་ཡག་ཏ་རེ།།
སྲུའུ་ཚང་སྲས་མོའི་ཆགས་པའི་མཆུ་སྒྲོས་གཅིག།
ལུའུ་ཚང་སྲས་མོའི་གདོང་གི་པད་ཚལ་གཉིས།།
ད་དུང་སྲོག་སྐྱབས་མཛེས་མའི་འཛུམ་དཀར་སོགས།།
ཝན་སྲན་མ་ཆགས་ཟེར་ན་རྫུན་ཡིན་མོད།།
ལྷིང་འཇག་སྣང་བ་བརྒྱུན་པའི་སྤང་ཐང་ན།།
སེམས་ལ་འཛུམ་པའི་མེ་ཏོག་གཞན་ཞིག་མཆིས།།
སྨྲེང་བ་སྐྱོམ་པའི་ལམ་དུ་ཆས་ཙ་ན།།
སེམས་ལ་ངལ་དུབ་རྡུལ་རླུང་དྲག་ཏུ་འཚུབ།།
འཚོལ་སྙེག་སྤྲིན་གྱི་བང་རིམ་དེ་བས་སྟུག།
རང་བློའི་འཆར་འགོད་བརྟན་པའི་ཝན་སྲན་གྱིས།།
དཀའ་སྡུག་ཆེ་ཆེར་བྲུལ་བའི་ལམ་ཁ་གང་།།
སྤྲོ་དགའི་ཉམས་ཀྱིས་ཕ་མཐར་བརྒལ་བར་བྲེལ།།
སྐྱིད་སྡུག་བར་ནས་འདྲིས་པའི་བྱེའུ་དང་།།
དམ་བཅའི་རི་མོ་བྲིས་པའི་ཝན་སྲན་གཉིས།།
སོ་སོས་སེམས་ན་ཡིད་ཆེས་ཉི་མ་འདྲ།།
འོད་ཟེར་མ་ཉམས་སུའུ་ཀྲུའུ་གྲོང་ན་འཕྲོས།།
མཛའ་བརྩེའི་མེ་ཏོག་སུའུ་ཀྲུའུ་གྲོང་དུ་བཞད།།
ལྷག་མའི་དབུགས་རྒྱུན་ཞི་འཇག་ཁྲོད་ནས་རྫོགས།།

གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།


	འདྲེན་བཀོལ:	61.4K

དཔྱད་གཏམ ( 0 )ཡོད།

དཔྱད་གཏམ་སྤེལ་ས།

སྤེལ་མཁན།

བཤེར་གྲངས།

a7yd བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།

ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།

ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།

མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།

ལྟ་ཀློག་གྲངས་ཀ

41126985

དྲ་ཚིགས་བཟོ་སྐྲུན།

འབྲེལ་གཏུག་བྱ་ཡུལ། ཁ་པར། 草原梦想15283703999 E-mail:tbmgar@163.com

པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།