ཆོས་ལ་བསྐུལ་བའི་གཏམ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 9 ཚེས 17 རེས་གཟའ་མིག་དམར་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» སྙན་རྩོམ། »ཆོས་ལ་བསྐུལ་བའི་གཏམ།
ཆོས་ལ་བསྐུལ་བའི་གཏམ།
རྩོམ་སྒྲིག་པ།  དོ་དམ་པ། སྤེལ་དུས། 2018/11/26ལྟ་ཀློག (1728)རྩོམ་ཁུངས: ངེད་དྲ་བ།པར་འདེབ།

 

རྩོམ་པ་པོ། རྫོགས་ཆེན་རིན་པོ་ཆེ།

རྒྱལ་བ་ཀུན་གྱི་གསང་གསུམ་སྒྱུ་མའི་འཕྲུལ། །

འགྲོ་བའི་མོས་ངོར་འདྲེན་པའི་བསྐུར་བཞེངས་པ། །

རྩ་བརྒྱུད་བླ་མས་བྱིན་རླབས་དངོས་གྲུབ་ཆར། །

མོས་ཁམས་དགེ་བའི་ཞིང་སར་རྟག་འཇོ་ཤོག །

སྔོན་བསགས་མ་དམན་དལ་འབྱོར་ལུས་རྟེན་རྙེད། །

སྔོན་ལས་མ་དམན་ལས་འཕྲོ་ཆོས་ལ་སད། །

ལས་སྨོན་མ་དམན་མཚན་ལྡན་བླ་མ་མཇལ། །

ཚེ་འདི་དོན་ལྡན་མཛོད་ཅིག་སྒྲུབ་བརྩོན་མ། །

ཚེ་སྲོག་མི་རྟག་ནམ་མཁའི་གློག་དང་འདྲ། །

འཇིག་རྟེན་སྣང་ཤེས་འཇའ་ཚོན་རི་མོ་བཞིན། །

གང་ལ་བསམ་ཡང་སྙིང་པོ་མེད་པའི་ཚུལ། །

ཤེས་ནས་ངེས་འབྱུང་བསྐྱེད་ཅིག་སྒྲུབ་བརྩོན་མ། །

སྲིད་པ་ལས་ཀྱིས་བཀོད་པའི་འཁོར་བ་འདིར། །

སྡུག་བསྔལ་ཁུར་གྱིས་ནོན་པའི་འགྲོ་བ་ཀུན། །

འདྲེན་པའི་དཔལ་དུ་འདུན་པ་བྱང་ཆུབ་སེམས། །

སྨོན་འཇུག་སེམས་མཆོག་བསྐྱེད་ཅིག་སྒྲུབ་བརྩོན་མ། །

འཁྲུལ་བའི་སྣང་ཞེན་བདེན་པ་མ་བཟློག་ན། །

འཁོར་བའི་གནས་ལས་གྲོལ་བའི་ཐབས་མེད་པས། །

ཟབ་མོ་དབུ་ཕྱག་མཉམ་ཉིད་རྫོགས་པ་ཆེའི། །

ལྟ་བའི་གནད་ལ་གཞོལ་ཞིག་སྒྲུབ་བརྩོན་མ། །

དེ་ཡང་སྔོན་འགྲོ་གནད་དུ་མ་ཕྱིན་ན། །

རྨང་མེད་མཁར་དང་གྱང་མེད་རི་མོ་བཞིན། །

དངོས་གཞི་ཆོས་ཀྱི་གོལ་ས་མི་ཆོད་པས། །

ལམ་གྱི་རིམ་པ་མ་ནོར་སྒྲུབ་བརྩོན་མ། །

མདོར་ན་ཅིར་སྣང་སྣང་གྲགས་དྲན་བསམ་ཀུན། །

ཡེ་ཤེས་སྒྱུ་འཕྲུལ་དྲྭ་བའི་རོལ་བ་རུ། །

ཤེས་ཤིང་དག་མཉམ་ལྟ་བའི་གདེངས་ལྡན་ན། །

བསྐྱེད་རྫོགས་རྫོགས་ཆེན་ལམ་གནད་ཀུན་ཚང་བས། །

ལྟ་སྒོམ་མཐོན་པོར་སྙེགས་ཤིག་སྒྲུབ་བརྩོན་མ། །

གང་སྣང་ལྷ་དང་བླ་མའི་རོལ་བ་རུ། །

འཆར་བའི་ཉམས་དང་ཐུགས་ཡིད་བསྲེ་ཤེས་ན། །

འདི་ཕྱི་བར་དོའི་གདམས་པ་དེས་ཆོག་པས། །

མན་ངག་གནད་དུ་དྲིལ་ཞིག་སྒྲུབ་བརྩོན་མ། །

ད་རེས་ཆོས་མིན་ལོག་ལམ་མ་འཕྱན་པར། །

ཆོས་ལ་སེམས་ཤིང་ཉིན་མཚན་ཆོས་ཀྱིས་འཚོ། །

ཆོས་བཞིན་སྤྱོད་པ་འདི་བདེ་ཕྱི་སྐྱིད་ཕྱིར། །

མི་ཚེ་ཆོས་ལ་དྲིལ་ཤིག་སྒྲུབ་བརྩོན་མ། །

ཆོས་ལ་བསྐུལ་ཞིང་སྒྲུབ་ལ་བརྩོན་པར་བསྐྱེད་པའི་གཏམ་བསྟན་འཛིན་ལུང་རྟོགས་ཉི་མས་སྨྲས་པ་དོན་དང་ལྡན་པ་གྱུར་ཅིག་གུ། །།


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
nldr བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
15102579
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号