ང་ཡི་ནམ་མཁའ། ང་ཡི་ས་གཞི།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 21 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» ལྷུག་རྩོམ། »ང་ཡི་ནམ་མཁའ། ང་ཡི་ས་གཞི།
ང་ཡི་ནམ་མཁའ། ང་ཡི་ས་གཞི།
རྩོམ་སྒྲིག་པ།  དོ་དམ་པ། སྤེལ་དུས། 2019/1/8ལྟ་ཀློག (1094)རྩོམ་ཁུངས: ངེད་དྲ་བ།པར་འདེབ།


ང་ཡི་ནམ་མཁའ། ང་ཡི་ས་གཞི།

     དྭངས་གཙང་གི་སྔོ་མདངས་མ་ཡལ་བའི་གཡུ་ཡི་མེ་ལོང་། སྐྱེ་དངོས་ཀྱི་མགོ་ལྕོག་ལྡེམ་པའི་གསེར་གྱི་ཞིང་ཚིགས། ང་ཡི་ནམ་མཁའ་དང་ང་ཡི་ས་གཞི།

     གནའ་སྔ་མོའི་དུས་སུ་ནམ་མཁའ་ལྷ་ཡིས་བཞེངས་ཚུལ་དང་། ས་གཞི་ན་དུས་ཀྱི་འགྱུར་བག་དང་བསྡོངས་ནས་གྲུབ་པར་བཤད། གང་ལྟར། གཡུ་སྔོན་གྱི་ནམ་མཁར་སྤྲིན་པས་ཕྲ་རྒྱན་བཏབ་པ་ངའི་བདེན་པ་ཡི་མིག་ཡིན་ལ། གསེར་མདོག་གི་ས་གཞིར་སྐྱེ་དངོས་ཀྱིས་བ་གདན་བཏིང་བ་ངའི་མ་འོངས་པའི་གདམ་ཀ་ཉག་ཅིག་གོ  དེ་ཡང་ནམ་མཁའ་དང་ས་གཞིས་བགྲང་ཡས་པའི་སྐྱེ་དངོས་ཀྱི་ཚེ་སྲོག་ལ་ཉམས་མི་སྲིད་པའི་འཚོ་བའི་རྒྱགས་ཕྱེ་བསྩལ་མྱོང་ཞིང་། གྲང་མི་ནུས་པའི་དྲོད་ཀྱི་སྤྲོ་བའང་སྦྱིན་མྱོང་། ད་དུང་ཤང་ཤང་འབབ་པའི་མི་སེམས་ཀྱི་གཙང་བོའི་ངོགས་སུ་ནམ་མཁའ་ཡབ་དང་ས་གཞི་ཡུམ་དུ་བརྩིས་ཡོད་པར་གདའ།

     ཡང་གཅིག་བཤད་ན་མི་བུ་སོ་སོའི་ལས་དབང་གི་པང་ཁར་གཡུ་སྔོན་གྱི་ནམ་མཁའ་དང་གསེར་མདོག་གི་ས་གཞི་བརྙན་འཕྲིན་གྱི་འཆར་ངོས་སུ་མི་ཡི་གཟུགས་རིས་ཤར་བ་ཇི་བཞིན་གསལ་ཆ་དང་རྒྱུས་མངའ་ཆེ་དྲགས་པ་དེ་ཡང་ནམ་མཁའ་དང་ས་གཞི་ནི་འཇིག་རྟེན་འདིར་སྤྲོ་སྐྱིད་དང་ཁུ་སིམ་སྟེར་མཁན་གྱི་མགོན་དུ་བརྩིས་ཆོག་ཆོག་ཡིན་པས་མ་ཡིན་ནམ། དེ་བས། ངས་ནམ་མཁའ་དང་ས་གཞིའི་གཟུགས་རིས་ཚོན་མདོག་ཁྲི་ཡིས་སྡེབས་ཏེ་ཤོག་ངོས་སུ་ཕབ་ན་འདོད། ད་དུང་གཟུགས་རིས་གསོན་པོ་དེའི་གཤམ་དུ་རོ་བཅུད་ལྡན་པའི་སྙན་ངག་གི་ཁ་བ་བྲི་འདོད། དེ་ནི་ནམ་མཁས་ང་ལ་དྭངས་གཙང་གཙང་གི་འཇིག་རྟེན་དེ་ངོས་ཟིན་དུ་བཅུག་པས་ཡིན་ལ། ས་གཞིས་ང་ལ་ཆེས་རིན་བྲལ་ཚེ་སྲོག་གི་ཡང་སྙིང་རྟོག་ཏུ་བཅུག་པས་འང་ཡིན།

      དེ་རིང་ལྷོ་ཡི་ཕྱོགས་ན་སྤྲིན་པ་ཡོམ་ཡོམ་དུ་ལྡིང་བ་གན་ང་ཡི་ནམ་མཁའ་ཡིན་ལ། དེ་རིང་མིག་མདུན་དུ་རྩྭི་མགོས་གླུ་དབྱངས་གཏོང་བ་འདི་ནི་བདག་གི་ས་གཞིས་མིའི་རིགས་ཀྱི་བདེ་སྡུག་གླེང་བ་ཅི་ལ་མིན།  རྒྱུ་དང་རྐྱེན་ཁྲི་འབུམ་གྱི་དབང་གིས། ནམ་མཁའ་དང་ས་གཞིས་གྲངས་དབེན་པའི་ཚེ་སྲོག་མང་པོ་ཞིག་གི་བདེ་སྡུག་ཞབས་ཀྱིས་བཀྱགས་ཅིང་འཁུར་དུ་བླངས། དེ་ནི་ང་ཡི་དྭངས་གཙང་གི་ནམ་མཁའ་ཡིན་ལ། མཛེས་སྡུག་གི་ས་གཞིའང་ཡིན་པར་ངེས།

      སྤྲིན་པའི་སྒྲོག་གུ་ཅན་གྱི་གཡུ་སྔོན་གྱི་ནམ་མཁའ། པདྨོའི་ཁ་ཐས་ཅན་གྱི་སྐྱེ་དངོས་ཀྱི་མ་མ། བདག་གིས་ཚོར་བ་རྫུན་གྱིས་མ་བཀབ་པར་གསལ་བོར་བརྗོད་ན། དོ་ནུབ་ནམ་མཁར་ང་ཡི་ཡབ་དང་ས་གཞིར་ང་ཡི་ཡུམ་ཞེས་སྐད་གསེངས་མཐོན་པོས་ལ་གཞས་སྟོངས་ཡངས་པའི་འཇིག་རྟེན་གྱི་ཐོས་འཛིན་དུ་སྐྱེད་འདོད།  དེ་ནི་ང་ཡི་དྲན་འཛིན་གྱི་བདེན་པ་འདིའི་རྟགས་ཡིན་ལགས།།  །།
       ༢༠༡༨ལོའི་ཟླ༡༢ཚེས༡༥ཉིན་མཚོ་བྱང་ནས།
姓名:角巴太
校名:青海柴大木职业技术学院
详细地址:青海省德令哈市柴大木职业技术学院
故乡:青海省海南州同德县秀麻乡豆龙村
联系电话:15352945269
微信:14709742200
请求:多多支持少年写作者
……谢谢!

དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
nkcq བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: མགར་ཐང་དཀར། སྤེལ་དུས:2019/1/10
ཀློག་པ་པོ་ཀུན་གྱི་དཔྱད་བརྗོད་ནི་ཕྲན་ལ་གནང་བའི་ཆེས་ལེགས་པའི་རྒྱབ་སྐྱོར་ཡིན་ལགས།
  པར་ངོས 1/1 པར་ཡོད།
ལྟ་ཀློག་གྲངས་ཀ
15630503
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号