ཆེས་དགའ་བསུ་ཐོབ་པའི་རྩོམ་ཡིག་མཇལ་དར་ནང་མཛོད།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 7 ཚེས 18 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» སྙན་རྩོམ། »ཆེས་དགའ་བསུ་ཐོབ་པའི་རྩོམ་ཡིག་མཇལ་དར་ནང་མཛོད།
ཆེས་དགའ་བསུ་ཐོབ་པའི་རྩོམ་ཡིག་མཇལ་དར་ནང་མཛོད།
རྩོམ་སྒྲིག་པ།  དོ་དམ་པ། སྤེལ་དུས། 2019/2/2ལྟ་ཀློག (15258)རྩོམ་ཁུངས: ངེད་དྲ་བ།པར་འདེབ།

ཤིས་པ་བརྗོད་པའི་ཚིགས་སུ་བཅད་པ་མཇལ་དར་ནང་མཛོད་ཅེས་འབོད་པ།

༄༅། ། སྔོན་ཆད་མ་བྱུང་ཉིས་སྟོང་བཅུ་དགུ་པ། །

ས་ཕག་ལོ་ཡི་ཆིབས་ཁ་བསྒྱུར་བ་དང་། །

ཉིས་སྟོང་བཅོ་བརྒྱད་ས་ཁྱིའི་ལམ་ཞུགས་གཉིས། །

མཇལ་དར་གཅིག་གིས་བསུ་སྐྱེལ་མཉམ་དུ་ཞུ། །


ཇི་ལྟ་ཇི་སྙེད་མཁྱེན་པའི་ཡེ་ཤེས་ཀྱིས། །

ཤེས་བྱའི་ཁྱོན་ཀུན་གཞལ་བའི་ཁོར་ཡུག་སྟེ། །

ཕ་མཐའ་མི་མངོན་སྲིད་ཞིའི་མཁའ་དབྱིངས་སུ། །

ཇི་སྙེད་དགེ་མཚན་རི་མོ་སྤྱན་སྔར་བཀྲམ། །


གངྒཱའི་རྒྱུན་དང་ལྷུན་པོའི་བརྟན་བརྗིད་ལ། །

འགྲན་པར་འོས་པའི་དཔེ་ཁྲིད་དགེ་བཤེས་དང་། །

ཚུལ་བཞིན་བསྟེན་པའི་ཆོས་རའི་སློབ་གཉེར་བས། །

ཐང་ལྷོད་མེད་པར་བསྟན་པའི་རྒྱལ་མཚན་བསྒྲེངས། །


སྲིད་འདིར་ཕུན་ཚོགས་བདེ་བས་མྱོས་པ་ཡི། །

བརྒྱད་ཅུ་དགུ་བཅུ་ལོན་པའི་མི་རྒན་དང་། །

བདེ་བར་སྲེད་པའི་ན་གཞོན་ཕོ་མོ་བཅས། །

རང་རང་འདོད་པ་འཇོ་བའི་བཀྲ་ཤིས་ཤོག །


དཔལ་འབྱོར་འདོད་རྒུར་སྤྱོད་པའི་ཕྱུག་བདག་དང་། །

སྒོར་མོ་འཚོལ་བའི་ཚོང་དང་ངལ་རྩོལ་བས། །

རང་རང་བསམ་པའི་ཕུགས་འདུན་མ་ལུས་པ། །

སྨོན་པ་བཞིན་དུ་འགྲུབ་པའི་བཀྲ་ཤིས་ཤོག །


སློབ་ཆེན་སློབ་ཆུང་འགྲིམ་པའི་སློབ་མ་སྟེ། །

བློ་གསལ་ན་གཞོན་ཕོ་མོ་ཡོད་དོ་ཅོག །

ཀླད་པའི་རྒྱ་ཁྱོན་ནམ་མཁའི་ཀློང་ཡངས་པོར། །

ཤེས་དང་ཤེས་བྱའི་འོད་སྣང་ཁྱབ་པར་སྨོན། །


རིམ་པ་མཐོ་དམན་བར་མ་མཐའ་དག་ན། །

སྲི་ཞུར་འབད་པའི་རྒྱ་བོད་ལས་བྱེད་ཀུན། །

ཇི་བྱས་བྱ་བ་ལམ་དུ་འགྲོ་བ་དང་། །

ཡུལ་ཁམས་བདེ་ཞིང་སྐྱིད་པའི་བཀྲ་ཤིས་ཤོག །


བྱམས་བརྩེའི་དྲོད་རླབས་འཕྱུར་པའི་རང་ཁྱིམ་དུ། །

ཕ་མ་བུ་ཕྲུག་ཨ་ཡས་ཨ་མྱེ་བཅས། །

མི་རབས་གསུམ་ག་འཛོམས་པའི་བདེ་སྐྱིད་འདི། །

བསྐལ་པའི་བར་དུ་བརྟན་པའི་བཀྲ་ཤིས་ཤོག །


      ཅེས་ལོ་གསར་པ་དབུ་བརྙེས་པར་ཕེབས་བསུ་ཞུ་བ་དང་། ལོ་རྙིང་པ་ཕེབས་སྐྱེལ་བཅས་ཀྱི་ཆེད་དུ་བཀྲ་ཤིས་པའི་སྨོན་ལམ། ཚིགས་སུ་བཅད་པ་བཀྲ་ཤིས་རྟགས་བརྒྱད་ཀྱི་གྲངས་ལྡན་འདི་ལ<<མཇལ་དར་ནང་མཛོད>>ཅེས་བྱ་བའི་མིང་གིས་བརྒྱན་ཏེ། རྒྱ་མཚོ་ཆེན་པོའི་རླབས་ཕྲེང་དང་ཆེར་མི་རིང་བའི་རི་བོའི་སྐེད་དྲོ་གྲང་སྙོམས་པ། རང་བྱུང་གི་ཆུ་ཚན་འཕྱུར་བ། བྱ་དང་བྱིའུས་སྐད་སྙན་འབྱིན་པ། སྐྱེ་བོའི་རྒྱུ་འགྲུལ་ཉུང་བས་འདུ་འཛིས་དབེན་པ། མཁའ་རླུང་གཙང་ཞིང་གད་སྙིགས་ཀྱི་འབགས་བཙོག་ཉུང་བ་བཅས་ཕུན་སུམ་ཚོགས་པའི་ཁྱད་ཆོས་དུ་མ་མངོན་པའི་ཡུལ་འདི་ན། སློབ་དཔོན་སངས་རྒྱས་བསྐྱངས་ཀྱི་བུད་ངྷ་པཱ་ལི་ཏ་དང་། དཔལ་ལྡན་ཟླ་བའི་ཚིག་གསལ་དང་འཇུག་པའི་རང་འགྲེལ། ག་ལས་འཇིགས་མེད། ཤེས་རབ་སྒྲོན་མེ་སོགས་རྒྱ་གཞུང་དང་། རྩ་ཤེས་ཊཱིཀ་ཆེན་རིགས་པའི་རྒྱ་མཚོ། འཇུག་ཊཱིཀ་དགོངས་པ་རབ་གསལ། ལམ་རིམ་ལྷག་མཐོང་ཆེན་མོ། རེད་མདའ་བ་གཞོན་ནུ་བློ་གྲོས་ཀྱི་རྩ་ཤེས་ཀྱི་འགྲེལ་པ། པ་ཚབ་ལོ་ཙཱ་བའི་རྩ་ཤེས་ཀྱི་འགྲེལ་པ། རྨ་བྱ་བྱང་ཆུབ་བརྩོན་འགྲུས་ཀྱི་རྩ་ཤེས་ཀྱི་འགྲེལ་པ། ས་སྐྱའི་རོང་ཊཱིཀ་པའི་རྩ་ཤེས་ཀྱི་འགྲེལ་པ། གདན་ས་ཆེན་པོ་སེ་འབྲས་དགེ་གསུམ་སོ་སོའི་དབུ་མའི་ཡིག་ཆ་བཅས་གཞིར་བཟུང་བའི་སྟེང་ནས་དགའ་ལྡན་ཤར་རྩེ་སོག་པ་ཁང་ཚན་གྱི་དགེ་བཤེས་ལྷ་རམས་པ་བརྒྱད་དང་མཉམ་དུ་བགྲོ་གླེང་ལྷུག་པར་གྲོལ་བཞིན་པའི་གསེང་བར་ནས། ཨ་མཆོག་རིན་པོ་ཆེའི་སྐུ་ཕྲེང་ན་རིམ་གྱི་གྲལ་མཐར་སྡོད་ཅིང་། ནང་ཆོས་ཀྱི་དགེ་བཤེས་ལྷ་རམས་པ་དང་ཚན་རིག་གི་ཨ་རི་སོགས་ནུབ་ཕྱོགས་ཀྱི་མཁས་བརྒྱ་མཉམ་འཛོམས་ཀྱི་དཀྱིལ་འཁོར་མཐིལ་དུ་ལོ་མང་པོའི་རིང་བགྲོ་གླེང་གི་བཀོད་འདོམས་པ་སྟེ། ལུང་དང་རིགས་པ་སྨྲ་བའི་དགེ་བཤེས་ལྷ་རམས་པ་བློ་བཟང་ཐུབ་བསྟན་འཕྲིན་ལས་མཁྱེན་རབ་ཡེ་ཤེས་རྒྱ་མཚོར་འབོད་པས་སྨོན་ལམ་བཟང་པོས་རྒྱས་བཏབ་སྟེ་2019.1.25ཉིན་བྲིས་པའོ། །


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 34 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
ig8m བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: གླང་སྨྱོན། སྤེལ་དུས:2019/2/9
ཁ་བ་གངས་ཅན་གྱི་རིན་ཆེན་ནོར་བུ། སྐུ་ཚེ་བརྟན་པར་ཞུ།
 སྤེལ་མཁན: མཁར་བ། སྤེལ་དུས:2019/2/9
རིན་པོ་ཆེའི་སྐུ་ཚེ་བརྟན་པའི་སྨོན་ལམ་འདེབས།
 སྤེལ་མཁན: རི་བོང་བློ་ལྡན། སྤེལ་དུས:2019/2/6
སྐུ་ཚེ་ཡུ་རིང་བརྟན།རིན་པོ་ཆེ།
 སྤེལ་མཁན: དོན་ཆེན། སྤེལ་དུས:2019/2/4
ཁོང་རིན་པོ་ཆེ་ནི་བོད་མི་རིགས་ཀྱི་གཟི་བརྗིད་དང་ནོར་བུ་ངོ་མ་དེ་རེད། ཡང་བཞག་རིན་པོ་ཆེས་ཞལ་སྔ་ནས། ངའི་རྩ་བའི་བླ་མ་ཨ་མཆོག་རྡོ་རྗེ་འཆང་། ཁྱེད་ཨ་མཆོག་ལུང་བ་གཅིག་བུའི་ནོར་བུ་མ་རེད། བོད་གངས་ཅན་གྱི་ནོར་བུ་རེད་ཅེས་གསུངས་པའང་རྡོ་རྗེའི་ཚིག་ཏུ་ངེས།
 སྤེལ་མཁན: རི་མཐོན་པོ། སྤེལ་དུས:2019/2/4
ཁོང་ནི་ངའི་བླ་ན་མཐོ་བའི་སྤོབས་པ་དང་གཟི་བརྗིད་ཡིན།རིན་པོ་ཆེ།
 སྤེལ་མཁན: ལོ་མ་སེར་པོ། སྤེལ་དུས:2019/2/3
མཁས་ཤིང་གྲུབ་པའི་དབང་ཕྱུག་སྐྱབས་རྗེ་མཁན་ཟུར་ཨ་མཆོག་རྡོ་རྗེ་འཆང་ཁོང་སྐུ་ཚེ་བསྐལ་བརྒྱར་བརྟན་ཅིང་མཛད་འཕྲིན་དབྱར་གྱི་མཚོ་ལྟར་རྒྱས་བར་སྨོན་་་་བཀྲ་ཤིས་བདེ་ལེགས།
 སྤེལ་མཁན: པདྨ་དཀར་བོ། སྤེལ་དུས:2019/2/3
གང་གི་མཁྱེན་པས་ཆོས་ཀུན་ཉུང་ངུར་མཛད།། བརྩེ་བ་ཟབ་མོས་སྣོད་བཅུད་ཅིག་ཅར་བསྐྱངས།། ནུས་པས་རྒྱལ་བསྟན་དབུ་འཕང་དགུང་དུ་བསྟད།། མཁྱེན་བརྩེ་ནུས་པའི་བདག་ཉིད་ཞབས་བརྟན་གསོལ།།
 སྤེལ་མཁན: ལྷ་སྲུང་སྐྱབས སྤེལ་དུས:2019/2/3
ཁ་བའི་སྐྱབས་མགོན
 སྤེལ་མཁན: ཉན་ཐོས སྤེལ་དུས:2019/2/3
ཤིས་ཚིག་འདི་ནི་ཀུན་ལ་ཁྱབ་པའི་ཤིས་ཚིག་ཅིག་རེད།
 སྤེལ་མཁན: ཁམས་དར་ལྕོག སྤེལ་དུས:2019/2/3
མཁན་ཟུར་ཨ་མཆོག་རིན་པོ་ཆེ་མཆོག་གིས་བོད་ཁ་བ་ཅན་ལ་གནང་བའི་ལོ་སར་ཤིས་ཚིག་འདི་ཚིག་སྦྱོར་སྙན་ལ་དངོས་དོན་དང་མཐུན་པའི་དོན་གོ་སླ་བའི་ཆོས་ཁྱད་ཆོས་ལྡན་པའི་རྩམ་བྲིས་ཞིག་ཏུ་མཐོང་།བཀའ་དྲིན་ཆེ།
  པར་ངོས 1/4 པར་ཡོད།  འོག་མ།  པར་ངོས་ཐ་མ།
ལྟ་ཀློག་གྲངས་ཀ
14600596
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号