བསམ་གཟས་ནས། ཁྱོད་ལ་བཤད་པ་ཡིན།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 11 ཚེས 19 རེས་གཟའ་མིག་དམར་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» འབོལ་རྩོམ། »བསམ་གཟས་ནས། ཁྱོད་ལ་བཤད་པ་ཡིན།
བསམ་གཟས་ནས། ཁྱོད་ལ་བཤད་པ་ཡིན།
རྩོམ་སྒྲིག་པ།  དོ་དམ་པ། སྤེལ་དུས། 2019/10/17ལྟ་ཀློག (425)རྩོམ་ཁུངས: ངེད་དྲ་བ།པར་འདེབ།

བསམ་གཟས་ནས།   ཁྱོད་ལ་བཤད་པ་ཡིན།
           
དགེ་བློ་གྲོས།   རྔ་བ།
      སྤྱིར་ན་ང་རང་ཤེ་མུན་དུ་འདུག་ཡུན་རིང་སོང་བས།   གློ་རྡེག་ཏུ་སྤྱི་ཚོགས་ཀྱི་གནས་བབ་ལ་སྐེ་བསྲིངས་ནས་གཞན་སྐྱོན་ཏག་ཏག་གི་གནད་དོན་ལ་བསམ་གཞིགས་བྱས་ན།   ཅུང་སྔ་སོང་བ་ལྟ་བུ་ཞིག་དང་རང་ཕྱོགས་ནས་སྐྱོན་མེད་ལྟ་བུ་ཞིག་གི་ལྟ་ཚུལ་ཀློག་པ་པོ་དག་ལ་སྐྱེ་སྲིད་ནའང་།   དེ་ནི་གནད་དོན་འདིའི་གནད་དོན་མ་ཡིན་པས་ཁ་རོག་གེར་འདུག་ནས་གཞན་དོན་གྱི་ཆེད་དུ་གཞན་སྐྱོན་གླེང་བར་སྤྲོ།   སོ་སོའི་སྐྱོན་ཆ་ཐེར་ནས་འདོན་པ་དམིགས་ཡུལ་མིན་ལ།  གཞན་གྱི་སྐྱོན་སྐྱོན་དུ་གོ་རྒྱུ་དེ་སྐད་ཆ་འདིའི་རྩ་བའི་རྩ་དོན་ཡིན། གལ་ཏེ།   ངས་བཤད་པའི་སྐད་ཆ་འདི་དག་བདེན་པ་དང་།  ཡང་ན་འུ་ཚོའི་འབྱུང་འགྱུར་ལ་ཕན་པའི་སྐད་ཆ་འདྲ་མིན་ན།  ཀུན་གྱིས་དོར་བའི་གནས་ཡིན་པ་ལས་བླང་བྱ་མིན།  རེད་དེ། ལག་པ་བྲང་ལ་བཞག་ནས་སོས་དལ་བག་ཡོད་ཀྱི་སྒོ་ནས་བསམ་གཞིག་རྣལ་དུ་ཕབ་ན་ངའི་དྲྭ་རྩོམ་འདི་ཐེངས་གཅིག་ལྟ་ཀློག་བྱེད་རྒྱུ་ཤིན་ཏུ་ནས་གལ། ད་རུང་ཀློག་པའི་གོ་རིམ་ཁྲོད་ནས་བདེན་པ་འོས་ལངས་བྱེད་རྒྱུ་ནི་དེ་བས་ནས་ཀྱང་གལ་ལོ།།
      འུ་ཚོས་བྱ་བ་ཆེ་མ་ཆུང་གསུམ་གང་ཞིག་བསྒྲུབས་ཀྱང་ཚད་ཡོད་པའི་སྟེང་ནས་བསྒྲུབ་དགོས་པ་ལས།   ཚད་ལས་བརྒལ་སོང་ན་རྒྱུན་ལྡན་མ་ཡིན་པའི་ངང་ཚུལ་ཡ་མཚན་པ་ཏག་ཏག་འོང་ཡོང་གིན་འདུག   དཔེར་ན།  འདི་ནས་ཡར་བརྩིས་པའི་ལོ་བཞིའི་སྔོན་དུ། གྲྭ་བ་གྲོང་བ་གང་ཡིན་ནའང་།  དེ་རིང་ཁ་སང་ལ་ལྟོས་ཏེ།   ངོ་ཚའི་ཕྱོགས་ལ་ཧ་ཅང་གིས་འཛེམས་པར་མ་ཟད་བྱ་བ་གང་ཞིག་བསྒྲུབས་ཀྱང་མཉམ་འཇོག་དང་བསམ་གཞིག་གི་འོག་ནས་བསྒྲུབས་ནི་རེད་ལ།  རང་གནོད་གཞན་གནོད་ཀྱི་ལས་སྦྱོར་ལ་དེ་བས་འཛེམས་ཀི་རེད། དེང་སང་དེ་ལས་ལྡོག་སྟེ།    ག་ས་གང་གི་མི་བུ་ཚོས།   གསང་བ་ལྐོག་གྱུར་གྱི་དོན་དག་མང་པོ་མང་པོ་ཞིག་དྲྭ་ལམ་ནས་རང་འཐད་རང་མོས་ཀྱི་སྒོ་ནས་གཞན་གྱི་མིག་གི་དགའ་སྟོན་དུ་མངོན་ཅི་ཐུབ་བྱེད་བཞིན་ཡོད་པ་མ་ཟད།   ཁོར་ཡུག་གི་ནད་ཡམས་གཅིག་གིས་གཅིག་ལ་འགོས་ནས་མགྱོགས་འཕྲིན་ཐད་གཏོང་ནང་ནས་ཆགས་སྤྱོད་རྒྱན་དུ་ཁྱེར་ནས་བསླུ་བྲིད་ཀྱིས་གཡོ་སྒྱུ་བཤམས་བཞིན་འདུག   དེ་དང་དེའི་འདྲ་བའི་སྐྱེས་ཕོ་མོ་སུ་ཡིན་ཡང་ད་ནི་མཚམས་བཞག་ན་རེད།   ད་རུང་དེ་འདྲའི་རིགས་ལ་བོད་པའི་ཡུལ་སྲོལ་ལ་བག་ཆགས་ངན་པ་དང་བོད་ཀྱི་ནང་བསྟན་ལ་ཞབས་འདྲེན་ཞུ་བཞིན་པ་དག་རྩད་ནས་མཚམས་འཇོག་རན་རེད།  དེ་བས་རང་གནོད་གཞན་གནོད་ཀྱི་བྱ་བ་འདིའི་རིགས་བལྟས་བལྟས་རིག་རིག་ལ་ཕྱིར་མངོན་མི་བྱེད་རོགས་མ་གཏོགས།

      གལ་ཏེ།  བྱ་བ་དེའི་རིགས་ལ་ཚོད་འཛིན་མི་ཐུབ་ན།  མིག་གིས་མི་རིག་ས་དང་རྣ་ཡིས་མི་གོ་ས་ཞིག་ནས་གསང་བ་གསང་བ་རུ་བྱེད་རོགས།

        བསམ་གཞིག་བྱེད་སྟངས་ཤིག་གིས་རང་ཉིད་རང་གིས་གཅེས་མ་ཤེས་པ་དང་རང་ཉིད་རང་གིས་བདག་རྒྱག་མ་ཤེས་པའི་སྣང་བ་ཞིག་སྐྱེ་ཡི་འདུག   དེ་དག་ཕར་དེེད་ན་རང་ཉིད་ཚད་ལས་བརྒལ་སོང་བ་དང་རང་ཚོད་མ་ཟིན་པས་རེད།   དེ་ཡིན་ཙང་།   སོ་སོའི་བསམ་གཞིག་ཡག་པོ་བཏང་ནས་སྔོན་ཆད་ཀྱི་ཁྱོད་དང་ད་ལྟའི་ཁྱོད་གཉིས་ལ་འགྱུར་བ་སོང་ཡོད་མེད་བརྟག་རྒྱུ་གལ་ཆེ།   གལ་ཏེ་ཁྱོད་ཇེ་ངན་ནས་ཇེ་ངན་དུ་འགྲོ་བཞིན་ཡོད་ན།   རང་སྤྱོད་རང་གིས་བཅོས་ནས་ཡ་རབས་ཀྱི་ཕྱོགས་ལ་མགོ་ཚུད་ལུས་ཚུད་བྱེད་པར་འབད་དགོས་པ་མ་ཟད།  ཞ་ཞོར་དུ་ཧུར་ཐག་འབད་ཐག་གིས་རིག་གནས་ལ་སྦྱང་རྒྱུ་དེ་བས་གལ་ཆེ།   ཇེ་ངན་ནས་ཇེ་བཟང་དུ་འགྲོ་བཞིན་ཡོད་ན། རང་གི་ལུས་ངག་ཡིད་གསུམ་གྱི་སྤྱོད་བཟང་རྒྱུན་སྐྱོང་རྒྱུ་དེའོ།།
       སྤྱིར་ན་མི་སུ་དང་སུ་ཡིན་ནའང་། ཕྱུག་ན་དགའ་བ་དང་།  མཁས་ན་དགའ་བ།   ཡག་ན་དགའ་བ་སོགས་འཇིག་རྟེན་བོན་བརྒྱད་ཀྱི་དབང་དུ་མ་སོང་བའི་མི་བུ་གཅིག་ཀྱང་མེད།   ཐ་ན་མཐོ་བླ་མ་དང་འོག་སྤྲང་པོ་ཞིག་གི་ཚུན་ཆད་ནས་གཉུག་གཤིས་དེས་དབང་བསྒྱུར་ཡོད་ལ་དུས་ད་ལྟའང་མངོན་དུ་ལྡིང་ཡོད། དེ་འདྲ་འདོད་ཆགས་དང་ཕྲག་དོག་མང་པོ་ཞིག་གི་དབང་འོག་ཏུ་ལུས་ནའང་།  དེ་དག་སྐྱོན་དུ་བརྩི་ཡི་མེད།   རྒྱུ་མཚན་དེ་དག་ནི་མི་ཞིག་ཡིན་པའི་མ་མཐའི་ཆ་རྐྱེན་ཡིན་པས་སོ།  ། གལ་ཏེ།   ཆ་རྐྱེན་དེ་དག་མ་ཚང་བ་ཡིན་ན།   གཅིག་བྱས་ན་ཀློས་རྒན་ཞིག་དང་།   ཡང་གཅིག་བཤད་ན།  སངས་རྒྱས་ཞིག་མ་ཡིན་རང་ཡིན་མ་ཡིན་ནམ།   རེད་དེ།   དེ་དག་ཚད་ལས་བརྒལ་སོང་ན། ནོར་འཁྲུལ་དང་སྐྱོན་ཆ་བཟོ་ཡི་ཡོད།  དེ་བས་ངས་འདི་ནས་བྱ་བ་གང་བསྒྲུབ་ཀྱང་ཚད་ལས་མ་བརྒལ་ཞེས་སྐད་འབོད་བརྒྱབས་པ་ཡིན། 
        རང་ཉིད་ཀྱི་ཤེས་རབ་ལ་ཚད་ཡོད་པ་ཇི་བཞིན།  རང་ལ་ཡེ་ནས་ཡོད་པའི་དུག་ལྔ་ལའང་ཚད་ངེས་ཅན་ཞིག་ཡོད། དེ་དག་གི་ནུས་པ་ཚད་ལས་བརྒལ་སོང་བ་ཡིན་ན།  རང་ཉིད་ཀྱིས་རང་ལམ་མེད་པར་བཟོ་ཡི་ཡོད་པ་མ་ཟད།   རང་ལ་དབང་བའི་བདེ་སྐྱིད་དེ་ཡང་རང་དང་ཁ་ཐག་ཇེ་རིང་ནས་ཇེ་རིང་ཡིན།  དཔེར་ན།   ཁྱོད་སློབ་མ་ཡིན་པའི་དབང་དུ་བཏང་ནས་བཤད་ན།  སློབ་མ་ལ་སློབ་མའི་འགན་འཁྲི་ཞིག་ཡོད་ལ།   དུས་ཚོད་ངེས་ཅན་ཞིག་གི་འོག་ནས་སློབ་སྦྱོང་ལ་ཤ་འབད་རུས་འབད་བྱེད་དགོས་པ་རྩ་དོན་རེད་ལ།  རྩ་དོན་ལ་འགན་མ་ཁུར་ནས་གཏི་མུག་དེ་ཤེས་རབ་ལས་རྒྱལ་སོང་ན།   གཏི་མུག་ཚད་ལས་བརྒལ་སོང་བས་རྒྱུགས་ལེན་སྐབས་མཇུག་འབྲས་ཡ་ང་བ་འབྱུང་གིན་ཡོད་པ་མ་རེད་དམ། 
        ཡང་གཅིག་བཤད་ན།  ཁྱིམ་པ་ལ་ཁྱིམ་པའི་འགྲོ་སྲོལ་དང་། གྲྭ་བ་ལ་གྲྭ་བའི་ཚུགས་ཀ་དང་ནང་བསྟན་གྱི་ཚེ་སྲོག་དགོས།  དེ་བས་བོད་མི་རིགས་ཀྱི་ཡུལ་སྲོལ་གོམས་གཤིས་སོགས་ལ་ཞབས་འདྲེན་མ་ཞུས་ན་ཞུ་འདོད་པ་ཡིན།  དེའི་རྐྱེན་གྱིས་གྲྭ་གྲོང་ཚོས་ག་ས་གང་ནས།   རང་མོས་ཀྱིས་གདམས་པའི་འགན་འཁྲི་འདི་ཡང་གཙུག་ཏུ་བཀུར་ནས།  ཕྱི་ནང་གཉིས་ཀ་བདག་ཡག་པོ་ཞིག་བྱེད་རྒྱུ་དང་།   ཁྲ་ཁྲ་རིག་རིག་དང་འུར་འུར་ཟིང་ཟིང་གིས་དུས་མི་འདའ་བར།  མགྱོགས་འཕྲིན་དང་འདར་དབྱངས་བརྙན་ཐུང་གི་དབང་དུ་མ་སོང་བར།  བོད་ཀྱི་རིག་གནས་ལ་ཤ་ཐང་ཐང་གིས་འབད་དེ་བཅུ་ཕྲག་རིག་པའི་གཞུང་ལུགས་དང་རྫས་དངོས་ཚབ་གསུམ་སོགས་མི་རིགས་རང་གི་ཁྱད་ཆོས་ཀྱི་སྟེང་ནས་རྒྱུན་འཛིན་དང་སྔར་ཡོད་ཀྱི་ནང་བསྟན་རིན་པོ་ཆེའི་རིན་ཐང་ཡང་འཛམ་གླིང་ཡོངས་ལ་ཤེས་སུ་འཇུག་རོགས་ཞུ་ཞེས་རྔ་བ་རུ་བྲིས། ༢༠༡༩——༡༠—-༡༢ཉིན།

དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
vsky བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
15617539
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号