གཙུག་ལག་ཁང་གི་གོ་དོན་དང་ས་སློང་ཚུལ་སོགས།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 4 ཚེས 9 རེས་གཟའ་ཕུར་བུ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» ཆོས་ལུགས།» རྒྱུན་ཤེས། ཆོས་སྤྱོད། »གཙུག་ལག་ཁང་གི་གོ་དོན་དང་ས་སློང་ཚུལ་སོགས།
གཙུག་ལག་ཁང་གི་གོ་དོན་དང་ས་སློང་ཚུལ་སོགས།
རྩོམ་སྒྲིག་པ།  དོ་དམ་པ། སྤེལ་དུས། 2019/12/29ལྟ་ཀློག (475)རྩོམ་ཁུངས: ངེད་དྲ་བ།པར་འདེབ།


གཙུག་ལག་ཁང་།

      སྤྱིར་གཙུག་ཁང་ཞེས་པ་ནི་མི་རྣམས་ཀྱི་སྤྱི་བོའམ། མགོའམ་གཙུག་གིས་བཀུར་བར་འོས་པའི་གང་ཟག་དང་། ལྷག་པར་དུ་གཙུག་ལག་ཅེས་རིག་པའི་གཞུང་ལུགས་རྩ་ཆེན་རྣམས་ལ་གོ་དགོས་ལ། དེ་དག་བཞུགས་པའི་ཁང་བ་ལ་ཟེར། བྱེ་བྲག་ནང་པའི་གཙུག་ལག་གི་གོ་དོན་ནི། གཙུག་ཏུ་བཀུར་བ་ནི་དམ་པའི་ཆོས་དང་དེའི་ཡན་ལག་སངས་རྒྱས་དང་དགེ་འདུན་གཉིས་བཅས་ཡིན་ལ། དེ་གསུམ་གྱི་བསྟི་གནས་ལ་གཙུག་ལག་ཁང་ཞེས་གྲགས། ནང་བའི་གཙུག་ལག་ཁང་གི་ཐོག་མ་དེ་ནི་རྒྱལ་བོའི་ཁབ་ཀྱི་རྒྱལ་བྱེད་ཚལ་གྱི་མགོན་མེད་ཟས་སྦྱིན་གྱི་ཀུན་དགའ་ར་བ་དེ་རེད།

1དགོས་པ།

     གཙུག་ལག་ཁང་གི་དགོས་པ་ནི། དེ་ལ་བརྟེན་ནས་སྐྱེ་བོ་མང་བོའི་རྒྱུད་ལ་ལེགས་བཤད་ཀྱི་ཡོན་ཏན་འགོ་བ་དང་། གང་ཞིག་ཆོས་ཡིན་པ་དང་གང་ཞིག་ཆོས་མ་ཡིན་པའི་བླང་དོར་མ་ནོར་བར་ཤེས་པའི་ཕན་པ་དང་། ཐོས་བསམ་སློབ་གཉེར་གྱི་བྱ་བ་གོང་འཕེལ་གྱིས་མཁས་པ་རྒྱུན་མི་ཆད་པ་འབྱུང་བའི་དགོས་པ་ཡོད། སྔོན་རྒྱ་གར་གྱི་ནང་བའི་སློབ་གྲྭ་ཆེན་མོ་ནཱ་ལེནྡྲ་དང་། བི་ཀྲ་མ་ལ་ཤཱི་ལ། ཨོ་ཏན་ཏ་པཱུ་རི་སོགས་ལ་ནང་བའི་མདོ་སྔགས་ཀྱི་རིག་གནས་ཁོ་ན་ཙམ་མ་ཡིན་པར་ཕྱི་ནང་གི་གཙུག་ལག་ཀུན་སློབ་ས་ཡོད་པར་གསུངས།

2བཞེངས་པའི་དགོས་པ།

      གྲོང་ངམ་གྲོང་ཁྱེར་སོགས་སྐྱེ་བོ་འདུ་གནས་སུ་བཞེངས་པ་ནི། མི་མང་བོས་སངས་རྒྱས་ཀྱི་ཡོན་ཏན་དྲན་པས་མཆོད་པ་དང་། ནང་རིག་གི་ཐོས་བསམ་ལ་ཞུགས་ཐུབ་པའི་དགོས་པ་ཡོད་ལ། དབེན་པའི་གནས་སུ་བཞེངས་པ་ནི་དགེ་འདུན་པ་རྣམས་རྣམ་གཡེང་མེད་པར་སློབ་སྦྱོང་འཕེལ་ཞིང་འདུལ་ཁྲིམས་རྣམ་པར་དག་པའི་དགོས་པ་ཡོད་པ་རེད། དེ་ལ་ཐོག་མར་ས་ཆ་བརྟག་དཔྱད་དང་། སའི་བདག་པོ་ལས་ས་ཉོ་ཞིང་བསླང་བ་དང་། སྔོན་ལ་བཀྲ་ཤིས་གསོ་སྦྱོང་བྱས་རྗེས་གཞི་ནས་ཨར་ལས་འགོ་བཙུགས་དགོས་པ་འདུལ་བའི་གཞུང་ནས་གསུངས་ཡོད། དེ་ནི་གང་དང་འབྲེལ་ཚད་རྩོད་པ་མེད་པར་ཞི་ཞིང་མཐུན་པའི་དགོས་པ་ཡོད་པ་ཡིན།

3ཚད།

      གཙུག་ལག་ཁང་གི་ཚད་ནི། དགེ་སློང་ཕའི་གཙུག་ལག་ཁང་ལ་ཐོག་ལྔ་བརྩེགས་དང་། གཙང་ཁང་དང་། སྒོ་ཁང་དང་རབ་གསལ་ལྟ་བུ་བདུན་བརྩེགས་བྱེད་ཆོག དགེ་སློང་མའི་གཙུག་ལག་ཁང་ལ་མཚོན་ན་ཐོག་སུམ་བརྩེགས་དང་། གཙང་ཁང་དང་སྒོ་ཁང་ལ་རབ་གསལ་ལྟ་བུ་ལྔ་བརྩེགས་བྱེད་ཆོག ས་ཆའི་རྒྱ་ཁྱོན་དང་བསྟུན་ནས་བརྩེགས་དགོས་པར་གསུངས་ཡོད། དབྱིབས་ནི་གཙོ་བོ་གྲུ་བཞི་ཡིན་རུང་ཟུར་བརྒྱད་དང་ཟླུམ་པོ་ཡང་མི་རུང་བ་མ་རེད། བྱ་བ་བསྡུས་པ་ལས། ཟླུམ་བུའི་དྲི་བཟང་ཁང་གི་ལས། །ཡང་ན་གྲུ་བཞིའི་ལས་ཅན་ཏེ། །ཞེས་དང་། ཇི་སྙེད་སུམ་ཅུ་རྩ་དྲུག་པའི། །ཤིན་ཏུ་ཟླུམ་པོའི་གཟུགས་ཅན་བྱ། །གང་གང་དྲི་ཡི་གཙང་ཁང་འདི། །གྲུ་བཞི་བར་ཡང་ལྟ་བར་བྱ། །དེ་ལྟའི་གཟུགས་རྣམས་མངོན་འདོད་པས། །དེ་སྙེད་ཆ་ཤས་རྣམས་ཀྱང་བྱ། །ཞེས་བསྟན་པ་ལྟར་རྒྱ་གར་སོགས་ལ་དེ་ལྟར་བཞེངས་ཡོད་པ་རེད།

4བཀོད་པ་གཞན་དག

     ཐུན་མོང་དུ་སྟེང་དུ་འཛེགས་པའི་རྡོ་ས་ཤིང་གི་ཐེམ་སྐས་གསུམ་དང་། ཡང་ན་ཤིང་སྨིག་མ་ཐག་པའི་སྐས་ཀ་བྱས་ཀྱང་ཆོག ཁྱམས་ཀྱི་དབུས་སུ་སེང་གེའི་ཁྲི་རྒྱན་དང་རྐང་རྟེན་དང་བཅས་པ། སྟེང་དུ་བླ་བྲེས། དར་དཔྱངས། དེ་དག་གི་འཁོར་གྱི་ཁྱམས་ཟླུམ་པོ་དང་། བསིལ་བའི་ཆེད་དུ་སྐར་ཁུང་གི་དྲ་མིག་གམ་སྒོ་ཁྲ་ཅན་བྱ་ཆོག རབ་བྱུང་གི་ཀུན་དགའ་ར་བ་མཐའ་བསྐོར་བ་དང་། དེའི་ཕྱི་རོལ་ཏུ་ཤིང་བཙུགས་པའི་བསྐོར་དང་། འོབས་སོགས་སྲུང་ཐབས་ཀྱང་བྱེད་དགོས་པར་གསུངས་ཡོད། འདི་རྒྱ་གར་གྱི་གནམ་གཤིས་དང་ཁོར་ཡུག་ལ་འཚམས་པར་བསྟན་ཡོད། ཡུལ་གྲུ་གཞན་དུ་ཡུལ་དེའི་ཁོར་ཡུག་དང་འཛུགས་སྐྲུན་གྱི་ལག་རྩལ་དང་མཐུན་པར་བཞེངས་ཡོད་པའོ། །

རྒྱ་ཡིག་གི་མིང་། 经堂(寺庙)大殿

འབྲི་གུང་དཀོན་མཆོག་རྒྱ་མཚོས་བརྩམས་པའི《བོད་བརྒྱུད་ནང་བསྟན་གྱི་རྟེན་དང་ཡོ་བྱད་ཀྱི་མཚོན་དོན་འགྲེལ་བཤད》བོད་ལྗོངས་མི་དམངས་དཔེ་སྐྲུན་ཁང་།2015ལོའི་ཟླ3པའི་པར་ཐེངས་དང་བོ།ཤོག་ངོས94ན་གསལ།

རི་ཁྲོད་པའི་འདུ་ཁང་གསར་སྐྲུན་སྐབས་ཀྱི་བཀའ་བསྒོའི་ཚིགས་བཅད།

རྒྱལ་མཁན་པོ་གྲགས་པ་རྒྱལ་མཚན།

     བླ་མ་ཡིད་དམ་ཆོས་སྐྱོང་སྲུང་མའི་ཚོགས། །གནས་གསུམ་མཁའ་འགྲོ་མ་མོ་འབུམ་སྡེ་དང་། །ཕྱོགས་འདིའི་ལྷ་ཀླུ་གཞི་བདག་དཀར་ཕྱོགས་རྣམས། །རྣལ་འབྱོར་བདག་གི་བདེན་པའི་ཚིག་འདི་གསོན། །ཐུབ་བསྟན་སྤྱི་དང་འཇམ་མགོན་ཙོང་ཁ་བའི། །བཤད་སྒྲུབ་བསྟན་པ་ཕྱོགས་མཐར་རྒྱས་པ་དང་། །འགྲོ་ཀུན་རྫོགས་ལྡན་དཔལ་ལ་སྦྱོར་བའི་སླད། །དགེ་འདུན་འདུ་བའི་གཙུག་ལག་ཁང་ཆེན་དང་། །སྐུ་གསུང་ཐུགས་རྟེན་བཞེངས་པའི་མཐུན་རྐྱེན་དང་། །ས་རྡོ་ཤིང་སོགས་གང་དགོས་ལེན་པ་ལ། །སད་སེར་ཐན་པ་མུ་གེ་འཁྲུགས་ལོང་སོགས། །དུས་ཀྱི་རྒུད་པ་ནམ་ཡང་མི་འབྱུང་ཞིང་། །འགྲོ་རྣམས་རྫོགས་ལྡན་དཔལ་ལ་རོལ་བ་ཡིས། །དགེ་ལེགས་རྒྱ་མཚོའི་དངོས་གྲུབ་དེང་འདིར་སྩོལ། །

ཅེས་པ་འདི་ཁྲི་ཆེན་བསོད་གྲགས་སྤྲུལ་བའི་སྐུ་ལ་དཀར་བོ་གཞུང་འབྲོང་རི་ཁྲོད་པའི་འདུ་ཁང་གསར་སྐྲུན་སྐབས་ས་བརྐོ་རྡོ་སློག་ཤིང་གཅོད་སོགས་ལ་ཀོ་ལོང་མི་འབྱུང་བའི་བཀའ་བསྒོའི་ཚིགས་བཅད་ཅིག་དགོས་ཚུལ་ལྟར་རྒྱལ་མཁན་པོས་སྦྱར་པའི་ཡི་གེ་བ་ནི་བསྟན་འཛིན་ནོ། །


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཚེ་རིང་བཀྲ་ཤིས།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
2yq5 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: དྷཱི སྤེལ་དུས:2020/2/16
ཡག་སོང་། བཀའ་དྲིན་ཆེ།
  པར་ངོས 1/1 པར་ཡོད།
ལྟ་ཀློག་གྲངས་ཀ
17680719
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
蜀ICP备13002975号