མིའི་རིགས་གང་ནས་འགྱེལ་ན། ན་བཟའ་དམར་པོ་ཚོ་དེ་ན་ཡོད།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2020 ལོའི་ཟླ 4 ཚེས 8 རེས་གཟའ་ལྷག་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» འབོལ་རྩོམ། »མིའི་རིགས་གང་ནས་འགྱེལ་ན། ན་བཟའ་དམར་པོ་ཚོ་དེ་ན་ཡོད།
མིའི་རིགས་གང་ནས་འགྱེལ་ན། ན་བཟའ་དམར་པོ་ཚོ་དེ་ན་ཡོད།
རྩོམ་སྒྲིག་པ།  དོ་དམ་པ། སྤེལ་དུས། 2020/2/17ལྟ་ཀློག (563)རྩོམ་ཁུངས: ངེད་དྲ་བ།པར་འདེབ།

མིའི་རིགས་གང་ནས་འགྱེལ་ན། ན་བཟའ་དམར་པོ་ཚོ་དེ་ན་ཡོད།


རྨེའུ་རྐང་ཐང་བ།


    ད་ཐེངས་འགྲོ་བ་མིའི་རིགས་ལ་ཕྱོགས་ཡོངས་ནས་ཉམ་ང་བའི་གོད་ཆག་དང་། འཇིགས་སུ་རུང་བའི་མནར་གཅོད་ཐེབས་དང་ཐེབས་མུས་བྱུང་བཞིན་པའི་དུས་སུ། དངོས་ཤུགས་བརྒྱུད་གསུམ་ནས་བདེ་ཐང་གི་མཛུབ་སྟོན་དང་སྟོབས་ཤུགས། མཐུན་སྒྲིལ་མཉམ་གཤིབ་གནང་མཁན་ཡོངས་ལ་གུས་འདུད་དང་བཅས་འཚམས་འདྲི་ཞུ། དེ་བས་ལྷག་བསམ་དཀར་བའི་མིའི་རིགས་ལ་བཀའ་དྲིན་དང་བརྩི་བཀུར་བྱ་བ་ནི་ཅིས་ཀྱང་འདོར་མི་རུང་བ་ཞིག་གོ།
     འཇིག་རྟེན་གཏམ་གྱི་ཁ་དཔེར་ཡང་། “སྐྱིད་ལ་མ་སྔ། སྡུག་ལ་མ་འགྱང་།” ཟེར་བ་ནང་བཞིན་མིའི་རིགས་ལ་འདི་ལྟ་བུའི་མནར་གཅོད་དང་ཟུག་གཟེར་རྒོད་པའི་དུས་སྐབས་སུ། ཉིན་གཅིག་དང་སྐར་ཆ་རེ་རེའི་སྡུག་བསྔལ་ལ་འཐབ་འཛིང་བྱེད་པ་ནི། ད་རེབ་ཀྱི་མྱུར་དགོས་པའི་ཆེས་དམིགས་བསལ་བའི་དུས་སྐབས་ཤིག་ལགས་ན། སྟོབས་ཤུགས་མཉམ་སྦྲེལ་གྱི་དཔུང་བ་གཤིབ་མཁན་གྱི་ཚོགས་སྡེ་སྟེ།  བླ་མའི་སྡེ། སྤྲུལ་སྐུའི་སྡེ། གྲྭ་བའི་སྡེ། དགོན་པའི་སྡེ། ཆོས་ལུགས་ཀྱི་སྡེ། སྡེ་ཚན་ལྔ་ལས་གྲུབ་པའི་ན་བཟའ་དམར་པོའི་ཚོགས་སྡེས་སྣེ་ཁྲིད་བྱས་ཏེ། རྒྱ་ནག་ཝའུ་ཧན་དང་བོད་ཁུལ་དཀར་མཛེས་ཀྱི་ཉམ་ང་ཉག་ཕྲ་བའི་ནད་པ་དུས་ཚོད་ཀྱི་འགྲོས་དང་བསྟུན་ནས་འཕེལ་བཞིན་པའི་གཡུལ་སར་དེར། མཐུན་རྐྱེན་སྐྲུན་མཁན་གྱི་ན་བཟའ་དམར་པོའི་ཚོགས་ལ་དམིགས་བསལ་གྱིས་བཀའ་དྲིན་དང་གུས་འདུད་ཞུ་འོས།
   ན་བཟའ་དམར་པོ་གྱོན་པའི་ཆོས་ལུགས་ཀྱི་སྡེ་ཚན། མི་རིགས་དང་ཐོབ་ཐང་གྱི་དབྱེ་བ་མེད་པར། སུ་ཞིག་ལ་ལས་དབང་གི་གོད་ཆག་ལྷུང་ཚེ། ཁོང་ཅག་ནི་ནམ་ནམ་ཞར་ཞར་དུ་དེ་རུ་བགྲེང་བའི་དཔའ་བོའི་སྡེ་ཚན་དེ་ཡིན། འདི་ནས་ཡར་བརྩིས་པའི་ལོ་ངོ་སྟོང་ཕྲག་ལྷག་གི་ཡར་སྔོན་དུ། རྒྱ་བོད་ཀྱི་གཡུལ་འཁྲུག་རྒོད་པའི་དུས་སྐབས་སུ། ན་བཟའ་དམར་པོ་ཅན་ཚོས། རྒྱ་བོད་དབྱེན་འདུམ་གྱི་རྡོ་རིང་བསླངས་ཏེ། “བོད་བོད་ཡུལ་ན་སྐྱིད། རྒྱ་རྒྱ་ཡུལ་ན་སྐྱིད།” ཅེས་པའི་འབངས་མི་ཁྲི་སྟོང་མང་བོ། མི་ཤི་ཁྱིམ་སྟོང་དུ་གྱུར་བའི་ཛ་དྲག་ཀློང་ནས། འཇིགས་རུང་གི་མུན་པ་ལས་སྐྱོབ་མཁན་གྱི་དཔའ་བོའི་ཚོགས་ཏེ། ན་བཟའ་དམར་པོའི་སྡེ་ཁག་དེ་རེད།  
   རྗེས་སུ་བོད་སིལ་བའི་དུས་སྐབས་སུའང་། ཧོར་སོག་གིས་ཡ་གླིང་དབང་དུ་བསྒྱུར་ཏེ། ཧོར་གྱི་འཇིགས་པ་ལན་མང་བྱུང་བའི་ངོ་གདོང་དུ་འགྲེང་མཁན་གྱི་དཔའ་བོ་སྟེ། ས་སྐྱ་པཎ་ཆེན་དང་འགྲོ་མགོན་ཆོས་རྒྱལ་འཕགས་པ་རྣམ་གཉིས་ཀྱིས་བྱམས་བརྩེའི་གོ་ཁྲབ་བནབས་ནས། བོད་འབངས་བསྐྱབས་ཤིང་། རྒྱ་ཡི་མི་ཡུར་ཆེན་མོ་ལྟ་བུའི། གོ་ན་སྙིང་འདར་ཞིང་། མཐོང་ན་དཔའ་ཞུམ་པའི། སྡུག་བསྔལ་གྱི་དོང་ལས་འདྲེན་མཁན་དེ་ན་བཟའ་དམར་པོའི་ཚོགས་ཡིན་པ། བྱུང་རབས་དེབ་ཐེར་གྱི་ངོས་སུ་གསལ་ལ། མ་བསླད་རྡོ་རིང་གིས་སྒམ་ཚིགས་དང་བཅས་ནས། འགྲོ་བ་མིའི་སྤྱན་སྔ་རུ། ཉིན་མཚན་དབྱེར་མེད་དུ་བཤམས་པ་དེས་ཀྱང་གསལ་བོར་རྟོགས་ཐུབ་བོ།།
    “དྲིན་ཅན་ལ་དྲིན་ལོག་དང་། གཡང་ཕྱུགས་ལ་རྡོ་ལོག” ཅེས་པའི་དཔེ་ལྟར་རིག་གསར་གྱི་ཞྭ་མོ་བཀབ་སྟེ། ན་བཟའ་དམར་པོ་གྱོན་པའི་ཚོགས་སྡེ་ལ། ཤ་ཚ་སྙིང་ཉེ་མེད་པར། ངན་ཇུས་དང་འཐབ་རྩོད་ཀྱི་མེ་ལྕེ་དམར་བོ་དྲག་ཏུ་མཆེད་པའི་བར་གླགས་དེར་འང་། ན་བཟའ་དམར་པོའི་ཚོགས་སྡེ་ཡིས་གཉོམ་དུང་ངེར། དམ་ཚིག་དང་སྡོམ་པའི་གོ་ཁྲབ་གྱོན་ཏེ། ཁུ་སིམ་མེར་མི་སེར་གྱི་རེ་འདོད་བཞིན་དུ་ལྐོག་ཆོས་སྤེལ་བ་དེ་ཡང་། ཅི་འདྲའི་མངོན་པར་བསྟོད་འོས་པའི་སེམས་དཔའ་ཆེན་པོའོ། །
    དེ་ལས་ཀྱང་། ཁྲི་ཚང་ས་དང་ཡུལ་ཤུལ། བལ་ཡུལ་ས་འགུལ་སོགས་སུའང་། ན་བཟའ་དམར་པོའི་གཟི་བྱིན་ལྷིང་ངེར་མངོན་ལ། དུས་དང་དུས་ཀྱི་མཐུན་རྐྱེན་བར་མེད་དུ་བསྩལ་བའི་སྐུ་དྲིན་ཡང་རི་རབ་ལས་དཔངས་མཐོ་ཞིང་། རྒྱ་མཚོ་ལས་གཏིང་ཟབ་པ་མ་ཡིན་ནམ།
   ན་བཟའ་དམར་བོ་གྱོན་པའི་ཚོགས་སྡེ་གང་ལ། ཁྲིམས་ལུགས་ཀྱི་ཁེ་དབང་ཐོབ་པའི་དུས་སྐབས་སུའང་། རིག་གསར་གྱི་ནད་ཡམས་ཕོག་པའི་ན་གཞོན་སྐོར་ཞིག་གིས་སྣེ་ཁྲིད་དེ། དུས་དང་སྐབས་ཀྱི་གོ་སྐབས་བཙལ་ནས། ཁོང་ཅག་ལ་ངན་དམོད་ཀྱི་མདུང་ཁ་སྐོར་བའི་སྤྱི་ཚོགས་འདིར་ཡང་། དཔའ་མི་ཞུམ་པར་མིའི་རིགས་ཀྱི་ལས་དབང་གི་གོད་ཆག་བྱུང་ན། འཛེམ་དོགས་མེད་པར་རང་སྟེང་ལ་ལེན་པའི་ཞུམ་མེད་ཀྱི་སྙིང་སྟོབས་དང་། བྱམས་བརྩེ་ཡི་ལག་ཟུང་བསྲིང་བའི་ན་བཟའ་དམར་པོ་རིན་ཐང་ཆེ་ཨང་།
    མིའི་རིགས་ལ་གོད་ཆག་བྱུང་བའི་ལས་དབང་དེའང་མཐར་དེད་ན་མིའི་རིགས་སྤྱི་ལ་བབས་པའི་འོས་འགན་དུ་སྣང་ཡང་། རང་དོན་དུ་ཁྱིམ་ལའང་གནས་མི་ཐུབ་པའི་མི་གང་མང་བྱུང་དང་འབྱུང་བཞིན་པའི་སྐབས་སུ། ན་བཟའ་དམར་པོ་གྱོན་པའི་དཔུང་སྡེས་འགན་ཁུར་ལྷག་མ་ཞིག་དང་། མཐུན་རྐྱེན་འབོར་ཆེན་ཞིག་འཕངས་མེད་དུ་གནང་བ་ནི་གཟི་བརྗིད་དུ་མཐོང་མཁན་ཡང་། ཉིན་མོའི་སྐར་མ་བཞིན་སྣང་མོད། ན་བཟའ་དམར་བོས་དེ་དག་ལ་ལྟོས་པ་མེད་པར་བྱམས་བརྩེ་དང་སྙིང་རྗེ་ཟུང་འབྲེལ་གྱི་ལས་ལ་འབད་པ་ནི་ཅི་འདྲའི་ཡ་མཚན་པའི་བྱེད་སྟངས་ཤིག་གོ།
   དོན་ངོ་མར་བཤད་ན། ན་བཟའ་དམར་བོའི་ཚོགས་ལ། མི་རེ་རེ་བཞིན་དེད་ན་རུམ་ཁུག་ནང་དུ་སྒོར་བརྒྱ་ཡོད་མཁན་ལས་མེད་ས་མང་མོད། བྱམས་སྙིང་རྗེ་ཡིས་བསྐྱེད་པའི་སྦྱིན་པ་ནི་ཅི་འདྲའི་གྲངས་འབོར་ཆེ་བ་ལ་ཨང་།
                         ༢༠༢༠-༡༢ཉིན།

དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཚེ་རིང་བཀྲ་ཤིས།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
jg8m བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: དྷཱི སྤེལ་དུས:2020/3/12
🙏🌍🙏🌍🙏🌍
  པར་ངོས 1/1 པར་ཡོད།
ལྟ་ཀློག་གྲངས་ཀ
17668269
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
蜀ICP备13002975号