ཕྱི་ནང་གི་འཕོ་ཉུལ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2021 ལོའི་ཟླ 12 ཚེས 6 རེས་གཟའ་ཟླ་བ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» སྙན་རྩོམ། »ཕྱི་ནང་གི་འཕོ་ཉུལ།
ཕྱི་ནང་གི་འཕོ་ཉུལ།
རྩོམ་སྒྲིག་པ།  དོ་དམ་པ། སྤེལ་དུས། 2021/11/8ལྟ་ཀློག (603)རྩོམ་ཁུངས: ངེད་དྲ་བ།པར་འདེབ།

 ࿐ཕྱི་ནང་གི་འཕོ་ཉུལ། 

གྱིན་འདའ་བ།        ཁྲི་འདུ། 

ཕྱི་ཨ་གསར་གྱི་འགྲན་རྩོད་བྲེལ་མྱུར་ཆེ་ཞིང་།།

ནང་རྣམ་རྟོག་གི་ཉོན་མོངས་དྲག་ཏུ་ལྡང་རུང་།།

སེམས་རང་གཤིས་ཀྱི་ལྕགས་རི་བརྟན་པོར་གྱུར་ན།།

བྱ་ལད་མོ་ཡི་ཟློས་གར་འཁྲབ་དགོས་མེད་དོ།།

ཕྱི་ཟང་ཟིང་གི་དགྲ་ཉོན་བསླུ་བྲིད་རྒོད་ཅིང་།།

ནང་ཀུན་རྟོག་གི་བཟེ་རེ་སྒུལ་ཤུགས་ཆེ་རུང་།།

སེམས་ཞི་གནས་ཀྱི་ཏིང་འཛིན་བསྐྱེད་པ་ནུས་ན།།

ལས་འགྲན་སེམས་ཀྱི་མཚོ་མོར་བརྒལ་དགོས་མེད་དོ།།

ཕྱི་དུས་རབས་ཀྱི་འཕོ་འགྱུར་རབ་ཏུ་སྐྱེན་ཞིང་།།

ནང་དགའ་སྐྱོ་ཡི་ཚོར་འདུ་ངེས་མེད་སྐྱོམ་རུང་།།

གཤིས་གནས་ལུགས་ཀྱི་ངོ་བོ་རིག་པས་མཐོང་ན།།

སེམས་གུ་དོག་གི་ཚད་གཅུན་འཆིང་དགོས་མེད་དོ།།

ཕྱི་འཇིག་རྟེན་གྱི་སྣང་བར་ཁ་དོག་བཀྲག་ཀྱང་།།

ནང་ཚོགས་དྲུག་གི་རེ་ཁ་ཕྱི་ནང་མོད་རུང་།།

སེམས་ཆོག་ཤེས་ཀྱི་བསམ་གཏན་ཞི་བར་གནས་ན།།

ཞེ་འདོད་རྔམ་གྱི་རྙི་རུ་འཚུད་དགོས་མེད་དོ།།

ཕྱི་ལོ་འདོད་ཀྱི་བརྐམ་པས་ཁྲེལ་གཞུང་བསླུས་ཤིང་།།

ནང་འཕྲལ་ཡུན་གྱི་བདེ་དགས་ཕྱི་མ་ཕོངས་རུང་།།

ལས་བདེན་དོན་གྱི་འབྲས་བུ་ཚུལ་བཞིན་བསྲུང་ན།།

རྗེ་ཆོས་རྒྱལ་དང་འཕྲད་ཀྱང་བྲེད་དགོས་མེད་དོ།།

2021.8. 28



གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།

འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
kh9n བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
27159956
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
蜀ICP备13002975号-1