སྐྱོ་གར། ཞར་བཀོད་གཉིས།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2021 ལོའི་ཟླ 12 ཚེས 6 རེས་གཟའ་ཟླ་བ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» རང་མོས། »སྐྱོ་གར། ཞར་བཀོད་གཉིས།
སྐྱོ་གར། ཞར་བཀོད་གཉིས།
རྩོམ་སྒྲིག་པ།  དོ་དམ་པ། སྤེལ་དུས། 2021/11/8ལྟ་ཀློག (524)རྩོམ་ཁུངས: ངེད་དྲ་བ།པར་འདེབ།

སྐྱོ་གར།

      ཞར་བཀོད་གཉིས།

            ཐེད་པོ། འདན་མ།


ཁ་སང་གི་རྐང་རྗེས་དེ་རིང་བསུབ་དགོས་ཚེ

གོམ་པ་སྤོས་དང་མ་སྤོས་ལ་ཁྱད་མི་འདུག


རྨི་ལམ་གྱི་ཡིད་ལྗོངས་ཐན་པས་ཟིན་ཚེ

དབྱར་ཚེས་དང་མ་ཚེས་ལ་ཁྱད་མི་འདུག


འཚོ་གནས་ཀྱི་སྙིང་པོ་གཞི་ནས་ཤོར་ཚེ

ཡུལ་འདིར་གསོན་དང་མ་གསོན་ལ་ཁྱད་མི་འདུག


འཇིག་རྟེན་གྱི་མི་ལ་བརྩེ་བས་སྟོང་ཚེ

བློ་གཏད་བགྱིས་དང་མ་བགྱིས་ལ་ཁྱད་མི་འདུག


ཡིན་ནའང

ངས་དེ་ལྟར་བསྒྲུབ་མི་ཐུབ

2021.6.27


རྡོ་བའི་སྟེང་གི་སྨྲེང་བ།


མིད་པ་འགག་དུས

རྒྱུན་པ་ཉན་སྤྲོ་བའི་གླུ་གཞས་ཀྱིས་སུན་པོར་བཟོ་ཡོང

མཐོང་ངོས་ཀྱི་ཅ་ལག་ཤི་རོ་དག་གིས་དྲན་པ་གཏོར

མཚམས་མི་ཆད་པའི་ཆར་ཞོད་དེས་ཀྱང་དགུན་ཁ་ཁྲིད་ཡོང


ད་ནི་སེམས་པ་ཁེན་ས་ཞིག་ཀྱང་མི་འདུག་སྟེ

སྙན་ངག་འབྲི་བར་ཞེ་གཏིང་ནས་སུན་སྣང་སྐྱེས

2021.6.23


ཉམ་ཐག་པའི་སྐད་ཆ།


ཁྱོད་ལ་སྐད་ཆ་བཤད་ཤེས་པའི་མིག་ཟུང་ཞིག་ཡོད

མཚན་མོ་གཉིད་མི་ཡོང་དུས

ང་ལ་སྒྲུང་འཆད་རོགས་བྱེད


ཁྱོད་ལ་རི་མོ་འབྲི་ཤེས་པའི་མཆུ་སྒྲོས་ཤིག་ཡོད

ང་ཡི་མི་འཇིགས་པའི་དྲན་ངོགས་སུ

མིང་མེད་པའི་དམ་ཚིག་གི་རི་མོ་བྲིས


ཁྱོད་ལ་བྱམས་བརྩེ་མངལ་བའི་ལག་ཟུང་ཞིག་ཡོད

ང་རང་ངལ་ཞིང་དུབ་པའི་ཚེ

སེམས་པའི་མཐིལ་ནས་བྱིལ་བྱིལ་ཡང་ཡང་གནང


ཡིན་ནའང

ཁྱོད་ལ་ལྡོག་སྟེ་སྐྱེས་པའི་ལྕེ་ཞིག་ཡོད

ངའི་ཕྱོགས་ལ་ནམ་ཡང་བེད་སྤྱོད་གཏོང་མི་སྲིད

2021.6.25


གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།

འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
b81e བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
27160267
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
蜀ICP备13002975号-1