སློབ་དཔོན་ཆེན་མོ་དོར་ཞི་ཚང་ངོ་སྤྲོད་མདོར་བསྡུས།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2018 ལོའི་ཟླ 9 ཚེས 22 རེས་གཟའ་སྤེན་པ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» མི་སྣ།» གྲགས་ཅན་མཁས་པའི་སྡེ། »སློབ་དཔོན་ཆེན་མོ་དོར་ཞི་ཚང་ངོ་སྤྲོད་མདོར་བསྡུས།
སློབ་དཔོན་ཆེན་མོ་དོར་ཞི་ཚང་ངོ་སྤྲོད་མདོར་བསྡུས།
རྩོམ་སྒྲིག་པ།  ངེད་དྲ་བ། སྤེལ་དུས། 2013/2/7ལྟ་ཀློག (5071)རྩོམ་ཁུངས: ངེད་དྲ་བ།པར་འདེབ།


འབུམ་རམས་པའི་ཁྲིད་སྟོན་སློབ་དཔོན་ཆེན་མོ་བོད་ཀྱི་གཙུག་ལག་སྨྲ་བའི་དེད་དཔོན་

མཁས་དབང་དོར་ཞིའི་ངོ་སྤྲོད་མདོར་བསྡུས།


         དོར་ཞི་བློ་བཟང་ཐུབ་བསྟན་ཆོས་འཕེལ་ལམ་དོར་ཞི་གདོང་དྲུག་སྙེམས་པའི་བློ་ལྡན་མཆོག་ནི་ནུབ་བྱང་མི་རིགས་སློབ་གྲྭ་ཆེན་མོའི་བོད་སྐད་ཡིག་རིག་གནས་སློབ་གླིང་གི་དགེ་རྒན་ཆེན་མོ་དང་འབུམ་རམས་པའི་ཁྲིད་སྟོན་དགེ་རྒན་ཆེན་མོ་ཡིན་ལ། ཁོང་ཉིད་བོད་རིག་གཞུང་ཆེན་མོའི་ཤེས་བྱའི་གནས་མཐའ་དག་ལ་འཇུག་པ་ཡངས་པ་མ་ཟད། རྒྱ་བརྒྱུད་ནང་བསྟན་དང༌། ལོ་རྒྱུས་རིག་གནས་ལ་ནང་བྱན་ཆུད་པས་རྒྱའི་མཁས་པའི་ཁྲོད་དུའང་སྙན་པའི་གྲགས་པ་མཐོ། དང་པོ་གཞུང་ལུགས་ཐོས་པ་རྒྱ་ཆེར་བཙལ་བ་ནས། ད་ལྟའི་བར་དུ་བོད་ཀྱི་སློབ་གསོ་དང་རིག་གཞུང་ཞིབ་འཇུག་གི་ལས་གཅིག་ལྕོགས་བཞེས་པའི་ཞར་ལ་རྒྱ་བོད་ཡིག་རིགས་གཉིས་ཀའི་སྟེང་ནས་ནང་བསྟན་ཆོས་ལུགས་དང༌། བརྡ་སྤྲོད། སྙན་གཞུང༌། ལོ་རྒྱུས་སོགས་ཀྱི་གཞུང་དེབ་ཉི་ཤུར་ཉེ་བ་བརྩམས་ཤིང༌། དེང་རབས་བོད་ཀྱི་མཁས་པའི་ཁྲོད་དུ་༼རིགས་པ་སྨྲ་བའི་ཁྱུ་མཆོག་༽ཏུ་ངེས་པ་དོན་གྱིས་གྲུབ་འདུག
         ལྷག་པར་ཉེ་བའི་ལོ་འགའི་རིང་ལ་བོད་བརྒྱུད་ནང་བསྟན་སྐོར་གྱི༼སྙིང་རྗེ་ལས་སྐྱེས་པའི་ཤེས་རབ༽ཅེས་པའི་དེབ་ཕྲེང་རྒྱའི་སྐད་དུ་བརྩམས་པས། རྒྱའི་ཀློག་པ་པོ་དང་ནང་བསྟན་ཞིབ་འཇུག་པ་ཚོས༼ཧི་མ་ལ་ཡ་ནས་ཐོན་པའི་ཤེས་རབ་ཀྱི་སྤྱི་ནོར༽དང་༼ནང་བསྟན་མཚན་ཉིད་དང་ལྷག་པར་བོད་བརྒྱུད་ནང་བསྟན་གཙུག་ལག་སྟོང་གི་གི་ཕྱི་མོ།༽ ༼ རྒྱའི་ཀློག་པ་པོའི་ཁྲོད་དུ་ཆེས་བྲིན་པའི་བསྟན་བཅོས༽སོགས་ཀྱི་བསྟོད་པའི་བ་དན་སྒྲེང་བར་བྱེད། ད་དུང་ཁོང་གིས་མཛད་པའི་ནང་དོན་རིག་གཞུང་གི་སྒྲོམ་གཞི་ཞེས་པའི་དེབ་དང༌། ནང་བསྟན་སྙིང་པོ་རྟེན་འབྲེལ་ཞེས་པ་གཉིས་ཨ་རིའི་ཁཱ་ལི་སྤུར་ནིས་ཡའི་མངའ་སྡེའི་སློབ་གྲྭ་ཆེན་མོའི་མི་རིགས་རིག་པའི་སློབ་དཔོན་ཡིས་ཏན་དང༌། དབྱིན་ཇིའི་ཁམ་ཟམ་སློབ་གྲྭ་ཆེན་མོའི་འབུམ་རམས་པ་ལྕམ་ལྗ་ཁི་ལེན་ཧོའོ་ཕི། ནུབ་བྱང་མི་རིགས་སློབ་གྲྭ་ཆེན་མོའི་འབུམ་རམས་པ་ཨ་རྡོར་སོགས་ཀྱིས་དབྱིན་ཇིའི་སྐད་དུ་བསྒྱུར་ཡོད།
          དེ་ལས་ཀྱང༌། ཐེ་བན་དང་ཞང་ཀང་སོགས་ཀྱི་ནང་བསྟན་པར་ཁས་འཆེ་བ་ཁ་ཤས་ཀྱིས༼བོད་བརྒྱུད་གསང་སྔགས་ནང་བསྟན་མ་ཡིན་༽པའི་དགག་རྩོམ་འགལ་འདུའི་ཕུང་པོ་སྤུངས་པའི་ཡིག་ཆ་སྤེལ་པར། ཁོང་གིས་༼བདུད་སྡེ་འདུལ་བའི་ཐོགས་མདའ༽ཞེས་པ་དང་དང༌། ༼བོད་བརྒྱུད་ནང་བསྟན་གསང་སྔགས་ལས་འཕྲོས་པའི་གནད་དོན་ཁ་ཤས༽སོགས་སྤེལ་ནས། རིགས་པ་ཞིབ་མོས་ལོག་པར་སྨྲ་བའི་སྡེའི་ཚིག་དོན་གྱི་འཁྲུལ་བ་རྣམ་པར་འཐག་པས། རེ་ཞིག་ཁ་ལ་རྒྱ་བཏབ་སྟེ་དེ་དག་མི་སྨྲ་བའི་བརྟུལ་ཞུགས་ལ་བཀོད་པ་སོགས་ཀྱི་མཛད་འཕྲིན་ལ་གནས་པས་ན། ཁོང་ཉིད་ལ་དེང་དུས་ཀྱི་༼ས་པཎ༽ཞེས་པའི་མཚན་སྙད་ཀྱང་འདོགས་པར་འོས་པ་ལགས་སོ།།
        དེ་ལས་ཁོང་གིས་བསྐྱངས་པའི་སློབ་མ་རྒྱལ་ཁབ་ཕྱི་ནང་ཀུན་ཏུ་ཁྱབ་མོད། ད་ལྟའི་དུས་སུ་བོད་ཁམས་ན་སློབ་གསོ་དང་ཞིབ་འཇུག་གི་ལས་ལ་གཞོལ་ནས་ཁོང་གི་ཐུགས་ཀྱི་བགྱི་བ་དང་དུ་ལེན་བཞིན་པ་འགའ་རེ་ཕྱོགས་ཙམ་བརྗོད་ན། རྒྱ་ཡེ་བཀྲ་ཤིས་ཕུན་ཚོགས། ཁ་སྒང་བཀྲ་ཤིས་ཚེ་རིང༌། བདུད་ལྷ་རྒྱལ། འབྲོང་བུ་ཚེ་རིང་རྡོ་རྗེ། ཁུ་བྱུག བན་ཁོ། འབའ་གཞུང་རིན་ཆེན་ཚེ་རིང༌། ཁྲི་བསམ་གཏན། པད་མ་འབུམ། སྒོམ་པ་བཀྲ་ཤིས། རེབ་གོང་རྡོ་རྗེ་མཁར་སོགས་མང་ངོ་།  །


དྲྭ་ཚིགས་གཙོ་སྐྱོང་བ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཨ་སངས། མགར་ཚེ་རིང་བཀྲ་ཤིས།
འདྲེན་བཀོལ:

  དཔྱད་གཏམ ( 2 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
c91f བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: སྔགས་ནག སྤེལ་དུས:2015/4/18
མཁས་པ་རེད། གྲུབ་མཐའི་ཆགས་སྡང་ཆེ་གི འདས་ཁ་ཆོས་རྐུབ་བུད་འདུག་པས་འདང་ཆུང་སོང་།
 སྤེལ་མཁན:  སྤེལ་དུས:2013/6/9
ཕྱི་ནང་ཤེས་བྱའི་མདའ་མཚོན་རྒྱན་དུ་སྤྲས།། དུང་ཞེན་བརྩེ་བ་ཟབ་མོའི་རང་རིགས་ལ།། ངལ་མེད་དུས་ཀུན་དགེ་བའི་ལམ་སྟོན་པ།། བསིལ་ལྡན་མཁས་པའི་དཔའ་པོར་ལན་བརྒྱར་བསྟོད།།
  པར་ངོས 1/1 པར་ཡོད།
ལྟ་ཀློག་གྲངས་ཀ
12281739
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号