རྔ་བའི་མཛེས་ལྗོངས་ལ་བསྟོད་པ་ཕྱོགས་ཀྱི་བུ་མོའི་རྣ་ཆ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 9 ཚེས 17 རེས་གཟའ་མིག་དམར་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» སྙན་རྩོམ། »རྔ་བའི་མཛེས་ལྗོངས་ལ་བསྟོད་པ་ཕྱོགས་ཀྱི་བུ་མོའི་རྣ་ཆ།
རྔ་བའི་མཛེས་ལྗོངས་ལ་བསྟོད་པ་ཕྱོགས་ཀྱི་བུ་མོའི་རྣ་ཆ།
རྩོམ་སྒྲིག་པ།  ངེད་དྲ་བ། སྤེལ་དུས། 2013/2/10ལྟ་ཀློག (1328)རྩོམ་ཁུངས: པར་འདེབ།

                  རྔ་བའི་མཛེས་ལྗོངས་ངོ་མཚར་གནས་ཀྱི་ཕུལ། །ཕུལ་བྱུང་ངག་རིག་དབྱངས་ཀྱིས་མི་བསྟོད་སུ། །

རྩོམ་པ་པོ།    སྐུད་པ། 

ཨེ་མ་དཔྱིད་དཔལ་བུ་མོའི་ལང་ཚོ་སྟོང་གིས་མཚར་སྡུག་ངོམ་བྱས་ཤིང་། །

བརྗིད་ཆགས་གསེར་གྱི་ལྷུན་སྟུག་རི་བོ་ཚར་དུ་དངར་བ་འཁྱིལ་བའི་དབུས། །

བདེ་སྐྱིད་དཔལ་ཡོན་གཡང་དུ་འགུགས་ཤིང་དུང་སེམས་འཕྲོག་པའི་མཛའ་ན་མོ། །

དགེ་བཅུའི་མགུལ་རྒྱན་རྨད་དུ་བྱུང་ཞིང་ཁྱེད་མཐོང་དགའ་སྤྲོས་མི་ཁེངས་སུ། །

 

ལྗང་མདོག་ལ་བ་ལུས་ལ་བཀླུབས་ཤིང་མེ་ཏོག་རྒྱན་དུ་སྤུད་པའི་ཞིང་། །

ཞིང་ཁམས་སྟོང་གི་གཟི་དཔལ་འབར་ཞིང་རིན་ཆེན་བརྩེགས་འདྲའི་གནས་མཆོག་རི། །

རི་དང་རི་ཕྲན་ཁྱད་དུ་འཕགས་ཤིང་དངོས་གནས་མཛེས་པའི་ཁྱད་ཆོས་ཀུན། ། 

ཀུན་རྟོག་ཡིད་ལ་གསལ་ལེར་འཆར་ཞིང་མིག་གི་དཔྱིད་དུ་མཛེས་པར་ལྷམ། །

 

བྱིན་རླབས་མ་ཉམས་ཁྲུས་ཀྱི་ཆུ་མཆོག་བསིལ་དྭངས་ཡན་ལག་བརྒྱད་ལྡན་པའི། །

ལྷ་ཡི་བདུད་རྩི་ལྷོད་ཀྱིས་བསྐྱོམས་པའི་རླབས་ཀྱི་ཟེགས་མ་རྩེན་བཞིན་དུ། །

ཐུར་ནས་ཐུར་དུ་བགྲོད་པའི་འབབ་ལྡན་ཆུ་མིག་བརྒྱ་ཁྲི་དྲུག་སྟོང་དེ། །

རྐང་གཉིས་འཛིན་མའི་དཔལ་དུ་ཆེ་ལ་རྣམ་སད་ལོངས་སྤྱོད་བླ་ན་མེད། །

 

གཡས་རི་སྣ་ཚོགས་གཡོན་དུ་འཁྱིལ་བས་ལུང་བརྒྱད་བཀྲ་ཤིས་རྟགས་བརྒྱད་ཡིན། །

གཡོན་རི་སྣ་ཚོག་གཡས་སུ་འཁྱིལ་བས་ལུང་བདུན་རྒྱལ་སྲིད་སྣ་བདུན་ནི། །

ཕུན་སུམ་དཔལ་འབྱོར་དབྱར་གྱི་མཚོ་མོའི་ངོགས་ན་རིང་དུ་རྩེན་པ་ཡི། །

བདེ་ལྡན་འཚོ་བ་གཤོག་དྲུག་ཟུང་དང་ཡོངས་སུ་མཚུངས་པ་འདི་ཀོ་རྨད། །

 

གཞན་གསོས་ལ་སོགས་འཕུར་ལྡན་དུ་མས་དཔྱིད་གསུམ་སྨིན་པའི་གཡུ་ལོ་ཡི། །

ལྗོན་པའི་གསེབ་ནས་སྙན་འཇེབས་གླུ་དབྱངས་དལ་གྱིས་སྒྲོག་པའི་གྲེ་འགྱུར་གྱིས། །

འདོད་རྒུའི་བཟའ་ཤིང་གཡང་དུ་འབོད་བཞིན་འདབ་ལྡན་བྱ་རིགས་ཡོད་དོ་ཅོག །

འཕུལ་ལྡིང་གར་ལ་རྣམ་པར་རྩེན་པས་དགའ་སྤྲོའི་ཡོ་ལང་བརྗོད་མཐའ་བྲལ། །

 

དེ་ལྟར་མཛེས་མཛེས་སྣང་ཚད་མཐའ་དག་ཁོ་བོས་འདི་ནས་བརྗོད་པ་ལ། །

ཡིད་གར་འོང་འོང་དུ་མས་ཕྱུག་པ་རྫོགས་ལྡན་གསར་བའི་འགྲོས་དང་བསྟུན། །

རྔ་ལྗོངས་མཚར་མཚར་ལྷ་ཡི་གྲོང་ཁྱེར་ཞོགས་པར་སྤྲིན་གྱི་རྒྱ་མཚོ་བཞིན། །

མི་རྣམས་འཇུག་ལ་ཕན་བདེའི་རླབས་ཀྱིས་རྩེ་དགའ་དམ་ལ་འདོགས་པར་དོགས། ། 

 

དེ་ལྟར་གནས་ཀྱི་བཀོད་པ་མ་ལུས་རང་བྱུང་ལྷུན་གྱིས་གྲུབ་པ་ཡིས། །

ཀློག་པ་ཁྱོད་ཀྱིས་མཐོང་བྱེད་ལམ་དུ་བི་ཤྭའི་པུར་གྱིས་རྩེད་འཇོ་བཞིན། །

མདོ་སྨད་རྔ་ལྗོངས་ཕྱུག་མོ་མངོན་ཚེ་དགེ་ལེགས་དཔྱིད་ཀྱི་སྦྲང་ཆར་དེས། །

དལ་བུར་བསླན་ཚེ་དགའ་སྤྲོའི་དཔལ་གྱིས་སྤུ་ལོང་རྒྱས་ནས་མི་བཟི་འམ། ། 


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
he6k བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
15102110
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号