རྩ་ཁྲིམས་ཀྱི་དོན་ཚན་སོ་ལྔ་པར་གཏན་འབེབས་བྱས་དོན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་གཏམ་བརྗོད་དང་།དཔེ་སྐྲུན།
ཚོགས་འཛུགས། ཁྲོམ་སྐོར། རྔམ་སྟོན་བཅས་བྱེད་པའི་རང་དབང་ཡོད།
༢
སྤྱི་དམངས་ཀྱིས་འདུ་ཚོགས་དང་། ཁྲོམ་སྐོར།
རྔམ་སྟོན་བཅས་ཀྱི་ཁེ་དབང་ལོངས་སུ་སྤྱོད་སྐབས་འོས་འགན་གང་ཞིག་འཁུར་དགོས་སམ།
འདུ་ཚོགས་དང་། ཁྲོམ་སྐོར།
རྔམ་སྟོན་སྐོར་གྱི་བཅའ་ཁྲིམས་དོན་ཚན་བཞི་པར་གཏན་འཁེལ་བྱས་དོན། སྤྱི་དམངས་ཀྱིས་འདུ་ཚོགས་དང་། ཁྲོམ་སྐོར།
རྔམ་སྟོན་བཅས་ཀྱི་ཁེ་དབང་ལོངས་སུ་སྤྱོད་སྐབས་ངེས་པར་དུ་རྩ་ཁྲིམས་དང་བཅའ་ཁྲིམས་ལ་བརྩི་སྲུང་བྱ་དགོས་པ་ལས།
རྩ་ཁྲིམས་སུ་གཏན་འཁེལ་བྱས་པའི་རྩ་བའི་རྩ་དོན་ལ་ངོ་རྒོལ་བྱེད་མི་ཆོག་པ་དང་།
རྒྱལ་ཁབ་དང་། སྤྱི་ཚོགས། ཐུན་མོང་བཅས་ཀྱི་ཁེ་ཕན་དང་།
སྤྱི་དམངས་གཞན་པའི་ཁྲིམས་མཐུན་གྱི་རང་དབང་དང་ཁེ་དབང་བཅས་ལ་གནོད་འཚེ་གཏོང་མི་རུང་།
དོན་ཚན་ལྔ་པར་གཏན་འབེབས་བྱས་དོན། འདུ་ཚོགས་དང་། ཁྲོམ་སྐོར། རྔམ་སྟོན་བཅས་ཞི་བའི་ཐོག་སྤེལ་དགོས་པ་ལས།
མཚོན་ཆ་དང་། བཀག་སྡོམ་གྲི་རིགས། འབར་རྫས་དངོས་པོ་བཅས་འཁྱེར་མི་ཆོག་ལ།
བཙན་ཤེད་དམ་ངན་སྐུལ་གྱི་ཐོག་ནས་བཙན་ཤེད་བྱེད་མི་ཆོག
དོན་ཚན་བདུན་པར་གཏན་འབེབས་བྱས་དོན། འདུ་ཚོགས་དང་། ཁྲོམ་སྐོར།
རྔམ་སྟོན་བཅས་བྱེད་སྐབས་ངེས་པར་དུ་བཅའ་ཁྲིམས་ཀྱི་གཏན་འབེབས་གཞིར་བཟུང་ནས་དོ་དམ་ལས་ཁུངས་ལ་ཆོག་མཆན་སྙན་ཞུ་འབུལ་དགོས།
༣
རང་རྒྱལ་སྤྱི་དམངས་ལ་རང་ལུས་རང་དབང་གང་འདྲ་ཡོད་དམ།
རྩ་ཁྲིམས་དོན་ཚན་སོ་བདུན་པར་གཏན་འཁེལ་བྱས་དོན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱིས་རང་ལུས་རང་དབང་ལ་གནོད་འཚེ་འཁུར་མི་དགོས།
སྤྱི་དམངས་སུ་ཞིག་ཡིན་རུང་མི་དམངས་ཞིབ་དཔྱོད་ཁང་གིས་ཆོག་མཆན་བཀོད་པའམ་ཐག་བཅད་པ་དང་།
ཡང་ན་མི་དམངས་ཁྲིམས་ཁང་གིས་ཐག་བཅད་པའི་ཐོག་སྤྱི་བདེ་ལས་ཁུངས་ཀྱིས་ལག་བསྟར་བྱས་ན་མ་གཏོགས་འཛིན་བཟུང་འཁུར་མི་དགོས།
ཁྲིམས་འགལ་གྱིས་བཀག་བསྐྱིལ་བྱེད་པ་དང་བྱེད་ཐབས་གཞན་ལ་བརྟེན་ནས་ཁྲིམས་འགལ་གྱིས་སྤྱི་དམངས་ཀྱི་རང་ལུས་རང་དབང་བཙན་འཕྲོག་བྱེད་པའམ་ཚོད་འཛིན་བྱེད་པར་གཏན་འགོག་དང་།
ཁྲིམས་འགལ་གྱིས་སྤྱི་དམངས་ལ་ལུས་བཤེར་བྱེད་པར་གཏན་འགོག་བྱ་རྒྱུ།
