གཏམ་དཔེ།
ཉིན་གྱི་ཁ་བ་བཞུ་ཡང་། །
སྲིབ་ཀྱི་བ་མོ་མི་བཞུ། །
ཉིན་མོའི་མི་དང་མཚན་མོའི་ཁྱི། །
ཉིན་མོ་རི་མགོ་ཐམས་ཅད་མིག །
མཚན་མོ་རྩིག་ཁུག་ཐམས་ཅད་རྣ། །
ཉེ་རིང་མེད་པའི་གཏམ་ཞིག་བཤད། །
ཆེ་ཆུང་མེད་པའི་སྐལ་ཞིག་བགོས། །
ཉེ་ས་ནས་ཚོང་མ་རྒྱག །
རྒྱང་ས་ནས་གཏམ་མ་གཏོང་། །
ཉེས་ཅན་རྒྱ་ཡན་དུ་མ་སོང་བ་དང་། །
ཉེས་མེད་ཉེས་ཁུངས་སུ་མ་ཚུད་པ། །
ཉེས་པ་ཅན་ལ་ཆད་པ་དང་། །
བུག་པ་ཅན་ལ་ལྷན་པ། །
ཉོས་པའི་རྟ་ཕོ་བསུས་པའི་མནའ་མ། །
གཉན་འབུར་ལྟག་འཕྲོད་སྐྱེས་ན་མི་དེ་ཤི་བར་ཉེས། །
གཉིད་སྐྱིད་པ་དང་གཉིད་ལམ་འཇམ་པའི་ཐོག་ནས་ནམ་ལངས་ཐབས། །
གཉིད་མ་ལོག་པའི་རྨི་ལམ། །
རྟ་མ་བརྒྱུགས་པའི་མགྱོགས་དར། །
གཉིད་མི་དགོས་གཉིད་ལམ་དུའང་གཏོང་སྲིད། །
གཉིད་སྐྱིད་པ་ལས་གཉིད་ལམ་འཇམ་པ་དགའ། །
གཉེན་དང་ཉེ་བ་ཤག་པོ་གསུམ། །
ཨེ་ཕན་བསམ་ནས་བཙལ་བ་ཡིན། །
གཉེན་དང་གྲོགས་པོ་མེད་ན། །
གཅེར་བུར་ལུས་པའི་ཤིང་སྡོང་འདྲ། །
གཉེན་ཚན་བཟང་ཡང་ལྟོ་དུས་གཅིག །
ཞིང་ཆུང་ངན་ཡང་རྒྱབ་འཁུར་གཅིག །
གཉེན་ཚན་ངན་ཡང་དགྲ་མགོ་ཐུབ། །
མི་ངན་བཟང་ཡང་མཐའ་མཇུག་གནོད། །
གཉེན་འགོ་རྒྱལ་པོ་དང་། །
གཉེན་མཇུག་སྤྲང་པོ། །
གཉེན་ཉེ་བའི་ཕྱོགས་ལ་དར་ལས་འཇམ། །
དགྲ་སྡང་བའི་ཕྱོགས་ལ་ཚེར་ཤིང་འདྲ། །
གཉེན་ཉེ་བའི་ཟས་དེ་མང་མི་དགོས། །
ཐག་ཆོད་པའི་གཏམ་དེ་མང་མི་དགོས། །
གཉེན་པོ་སྦྱར་བདེ། །
སྲབ་མོ་བྲེགས་བདེ། །
གཉེན་དང་ཉི་མ་རྒྱང་ནས་སྲོས། །
མེ་དང་ཨ་མ་འགྲམ་ལ་བསྟེན། །
གཉེན་ཟུར་དུ་ཕུད། །
དགྲ་པང་དུ་བླངས། །
གཉེར་དུ་བསྐོས་ན་བདག་པོའི་ཚུལ། །
བརྙས་འདོད་མེད་པའི་བརྐོ་འདོད། །
བྲག་ལ་ཤུག་པ་སྐྱེ་འདོད། །
བརྙས་མུ་གེར་བཏགས། །
སྣམ་བུ་ཕམ་ཚོང་བརྒྱབས། །
སྙིང་རྗེ་རྒས་ནས་ཞེ་སྡང་། །
སྙིང་སྡུག་སྙིང་གི་ཚི་ལུ། །
མཐའ་མ་སྙིང་གི་ཆུ་རེད། །
སྙིང་གཏམ་བུ་ལ་བཤད། །
དགྲ་བོའི་རྣ་བར་སླེབས། །
སྙིང་མེད་གྲི་རིང་ཕྲེད་གཟེར་དེ། །
འགྲམ་ལྕགས་རིན་གྱིས་ཉོས་ལེ་རེད། །
སྙིང་རྗེ་པོ་སྲན་མའི་མེ་ཏོག །
བཟས་ཚར་ན་གྲོད་ཁོག་སྦོས་མཁན། །
སྙིང་རྗེ་ཡུན་རིང་ན། །
ཁོང་ཁྲོ་རྒྱུན་མི་ཆད། །
སྙིང་གཏམ་མ་བཤད་ན། །
གྲོས་འགོ་མི་ཐོན། །
སྙིང་གཏམ་ཟབ་མོ་གྲོགས་ལ་ཡང་མ་ཤོད། །
ནོར་མཚང་ཅན་སུ་ལ་ཡང་མ་སྟོན།
| 