ཡོང་ཁུངས། ཀྲུང་གོའི་བོད་ལྗོངས་ཆ་འཕྲིན་ལྟེ་གནས། རྩོམ་པ་པོ། བདེ་ལྷ་མོས་བསྒྱུར།
སྤོ་མེས་བོད་ལྷམ།
ཉིང་ཁྲི་ས་ཁུལ་གྱི་སྤོ་མེས་རྗོང་ནི་ལོ་རྒྱུས་རིང་ཞིང་རིག་གནས་ཀྱི་རྫོང་སྟུག་པ་དང་། སྤོ་མེས་རྫོང་ཁོངས་ཀྱི་ཕར་ལུང་གཙང་པོའི་སྟོད་རྒྱུད་ཀྱི་ཆུ་རྫོང་གཙང་པོའི་ཤར་འགྲམ་དུ་མདའ་རྟ་ཞེས་པའི་གྲོང་ཚོ་ཞིག་ཡོད་ལ། གྲོང་ཚོའི་མིང་དེ་ནི་ས་དེའི་སྐད་གྲགས་ཡོད་པའི་མདའ་རྟ་རྟ་རྩལ་འགྲན་བསྡུར་ལས་བྱུང་བ་རེད།
སྤོ་མེས་རྫོང་གི་བོད་ལྷམ་བཟོ་མཁན་ཨ་ཆེ་བ་དང་ཁོང་གི་བུ་རྡོ་རྗེ།
སྤོ་མེས་ཀྱི་སྐྱེས་པ་ཚོས་རྟར་བཞོན་སྐབས་ཅིས་ཀྱང་བོད་ལྷམ་གྱོན་ཞིང་། བོད་ལྷམ་ནི་སྲོལ་རྒྱུན་གྱི་ཆས་གོས་མེད་དུ་མི་རུང་བ་ལྟ་བུར་གྱུར་ཡོད། གྲོང་ཚོ་དེའི་དགུང་ལོ་༥༦ལ་སོན་པའི་ཨ་ཆེ་བ་ལགས་ནི་བོད་ལྷམ་བཟོ་བར་མཁས་པོ་ཡོད་ཅིང་། ད་ལྟ་སྤོ་མེས་བོད་ལྷམ་བཟོ་ཤེས་མཁན་ནི་ཁོང་ཉིད་གཅིག་པུ་ཡིན་པ་རེད།
ལག་ཤེས་ལ་བརྟེན་ནས་བཟོས་པའི་སྤོ་མེས་བོད་ལྷམ།
ཨ་ཆེ་བ་ལགས་ཀྱིས་ངོ་སྤྲོད་གནང་བ་ལྟར་ན། བོད་ལྷམ་གྱི་ལྷམ་མཐིལ་ནི་ཀོ་བ་དཀར་པོས་བཟོ་ཞིང་། མཐུག་ཚད་ལ་སྤྱིར་བཏང་ལི་སྨི་༤ཙམ་ཡོད་ལ། ས་ཆ་གཞན་པའི་ལྷམ་མཐིལ་ལས་ལྡབ་གཉིས་མཐུག་པ་རེད། ལྷམ་མཐིལ་ཚང་མ་རྩིད་སྐུད་སོགས་ཀྱིས་གཙག་གི་ཡོད་པས་ཧ་ཅང་སྲ་མོ་ཡིན། ལྷམ་བཟོ་བྱེད་ཀྱི་ཀོ་བ་ཆབ་མདོ་དང་ལྷ་ས་ནས་ཉོ་དགོས་པ་དང་། ལྷམ་ངོས་ལ་མདོག་དམར་པོ་དང་ལྗང་ཁུའི་བལ་གྱི་རི་མོས་བརྒྱན་པས་ཚོན་མདངས་རབ་ཏུ་བཀྲ། ལྷམ་དབྱིབས་མི་འགྱུར་བའི་ཆེད། ལྷམ་ཆ་ཡར་ཁྱད་པར་མེད་ལ་ཆ་ཡ་གང་གོན་ཀྱང་ཆོག་པ་རེད།
ཁྱད་ཆོས་ལྡན་པའི་བོད་ལྷམ་འདི་འདྲ་ཞིག་བཟོ་བར་ཉིན་བཅུ་ཙམ་གྱི་དུས་ཡུན་དགོས་ཤིང་། བཟོ་བྱེད་ཀྱི་རྒྱུ་ཆར་སྒོར་༥༠༠དང་། བཙོང་ན་སྒོར་༡༠༠༠ལྷག་ཁུག་གི་ཡོད། ཨ་ཆེ་བ་ཚང་ལ་མཚོན་ན། ལྷམ་བཟོ་བ་ནི་འབྲོག་ལས་དང་དབྱར་རྩྭ་དགུན་འབུ་བརྐོ་རྒྱུ་གཉིས་ཕུད་པའི་དངུལ་གྱི་ཡོང་ཁུངས་གསུམ་པ་དེར་གྱུར་འདུག
ཤེས་རྟོགས་བྱུང་བ་ལྟར་ན། བོད་ལྷམ་ལ་ལོ་ངོ་ཆིག་སྟོང་ལྷག་གི་ལོ་རྒྱུས་ལྡན་ཞིང་། བོད་ལྷམ་བཟོ་བའི་གྲོང་ཚོ་བོད་ལྗོངས་ཀྱི་ས་ཁུལ་གང་སར་ཁྱབ་ཡོད་ལ། བོད་རང་སྐྱོང་ལྗོངས་ཀྱིས་བྱེད་ཐབས་སྣ་ཚོགས་སྤྱད་ནས། བོད་ལྷམ་བཟོ་རྩལ་རྩད་གཅོད་དང་རྒྱུད་འཛིན་བྱེད་པའི་ལས་ལ་གཞོལ་བཞིན་ཡོད།
| 