སྤྲི་ཆུར།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 7 ཚེས 21 རེས་གཟའ་ཉི་མ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» དཔལ་འབྱོར།» ཐོན་རྫས་གསར་བ་འོས་སྦྱོར། »སྤྲི་ཆུར།
སྤྲི་ཆུར།
རྩོམ་སྒྲིག་པ།  ངེད་དྲ་བ། སྤེལ་དུས། 2013/4/7ལྟ་ཀློག (7714)རྩོམ་ཁུངས: མཚོ་སྔོན་པོ་དྲ་བ།པར་འདེབ།

སློབ་གཙོ་འཇིགས་མེད་རྒྱལ་མཚན་གྱིས་ཚོང་གཉེར་ལས་སློབ་གྲྭ་སྐྱོང་བ།

རྩོམ་པ་པོ། ལྷ་མོ་ཚེ་སྐྱིད་ཀྱིས་བསྒྱུར།  

1.jpg

ཕྱུར་བ།

        ཉེ་ལམ། གངས་ལྗོངས་གཅེས་ནོར་ཅན་གྱི་ཕྱུར་བའི་ཐཱའོ་པོ་དྲ་ཚོང་ཁང་བཙུགས་ཡོད་ཅིང་། སློབ་གཙོ་འཇིགས་མེད་རྒྱལ་མཚན་གྱི་ཚོང་གཉེར་ལས་སློབ་གྲྭ་སྐྱོང་བའི་རྨི་ལམ་གསལ་ལེར་མངོན་གྱི་གདའ།
        འབྲི་མོའི་འོ་མ་གསར་བ་ནི་འོ་མ་ལས་མཆོག་ཏུ་གྱུར་བ་ཞིག་ཡིན་ཞིང་། འབྲི་འོའི་འཚོ་བཅུད་ཁྱད་དུ་འཕགས་པ་དང་སྤྲི་དཀར་གྱི་འདུས་ཚད་མཐོ་བའི་རང་བཞིན་གྱིས་ཕྱུར་བ་སོགས་བཟའ་ཆས་རིགས་ལས་སྣོན་བྱེད་པའི་རྒྱུ་ཆ་གལ་ཆེན་ཞིག་ཡིན་པ་རེད།
མཚོ་སྔོན་ཞིང་ཆེན་མགོ་ལོག་ཁུལ་གངས་ལྗོངས་གཅེས་ནོར་ཚད་ཡོད་འགན་འཁྲི་ཀུང་ཟི།
        འཛམ་གླིང་དུ་ཆེས་ཆེ་བའི་ཕྱུར་བ་ཐོན་སྐྱེད་བྱེད་གནས་ནི་མཚོ་སྔོན་ཞིང་ཆེན་མགོ་ལོག་ཁུལ་དུ་ཆགས་ཡོད་ཅིང་། ཁྱད་དུ་འཕགས་པའི་ཁེ་ལས་འདིའི་མིང་ལ་མཚོ་སྔོན་ཞིང་ཆེན་མགོ་ལོག་ཁུལ་གངས་ལྗོངས་གཅེས་ནོར་ཚད་ཡོད་འགན་འཁྲི་ཀུང་ཟི་ཟེར་བ་དང་། གྲྭ་བཙུན་དཀྱུས་མ་འཇིགས་མེད་རྒྱལ་མཚན་གྱི་བྱམས་སེམས་དང་བློ་གྲོས། ནམ་ཡང་སྤྱི་ཕན་གྱི་སློབ་གསོའི་ལས་ལ་གཞོལ་བའི་འདུན་མ་བཅས་ལས་ཀུང་ཟི་འདི་འཛུགས་ཐུབ་པའི་གྲུབ་འབྲས་བྱུང་། ད་ལྟ་འབྲི་མོའི་ཕྱུར་བ་སོགས་ཐོན་སྐྱེད་ལེགས་འགྲུབ་དང་འགྲེམ་ཚོང་བྱེད་པ་འདིས་འཇིགས་མེད་རྒྱལ་མཚན་གྱི་འགྱུར་མེད་སློབ་སྒྲུབ་བྱ་བའི་འདུན་མ་དང་།  ཁོ་དང་དགེ་སློབ་གཞན་དག་གི་རེ་འདུན་དྲག་པོ་མཚོན་གྱི་ཡོད།
        ལོ་འགའི་སྔོན་དུ། སློབ་གཙོ་འཇིགས་མེད་རྒྱལ་མཚན་གྱིས་རྒྱལ་སྤྱི་དང་རྒྱལ་ནང་གི་ཚོང་རའི་ཁོར་ཡུག་དང་ས་གནས་ཐོན་ཁོངས་ཀྱི་ཁྱད་འཕགས་ལ་ཞིབ་ཕྲའི་དབྱེ་ཞིབ་བྱས་ཏེ་མཚོ་བོད་མཐོ་སྒང་གི་འབྲི་འོ་སྤྱད་དེ་རང་བརྟེན་ཤེས་ཡོན་ཐོབ་དབང་ལྡན་པའི་ཕྱུར་བ་སྔོག་འདོན་བྱེད་དགོས་པའི་འདོད་ཐག་བཅད་པར་བརྟེན། སྤྱི་ཚོགས་ཀྱི་ལས་རིགས་སོ་སོའི་མི་སྣ་གང་མང་དང་ལས་ཁུངས་ཀྱི་རྒྱབ་སྐྱོར་འོག 2000ལོའི་ཟླ10བར་ཀུང་ཟི་འདི་བཙུགས་པ་དང་། ཨ་རི་དང་། བལ་བོ། དབྱི་ཐ་ལི། སུའེ་ཙེར་སོགས་རྒྱལ་ཁབ་ནས་ཕྱུར་བའི་ཆེད་མཁས་པ་གདན་འདྲེན་ཞུས་ཤིང་། བོད་ཀྱི་སྲོལ་རྒྱུན་ཕྱུར་བ་བཟོ་སྟངས་ཀྱི་ལག་རྩལ་དང་སྦྱར་ནས་འཛམ་གླིང་དུ་ཐུན་མོང་མ་ཡིན་པའི་ཕྱུར་བ་བཟོ་སྐྲུན་བྱས།

2.jpg

        2009ལོའི་སྔོན་དུ། ཨ་རི་དང་། ཞང་ཀང་། དབྱིན་ཇི་སོགས་རྒྱལ་སྤྱིའི་ཚོང་རར་ཚོང་འགྲེམ་བྱས་པ་དང་། 2003ལོར་ཨ་རིའི་བཟའ་ཆས་སྨན་རྫས་ཞིབ་བཤེར་ཅུའུFDAཡི་སྤུས་ཚད་ཁས་དཔང་ཐོབ། 2007ལོར་རྒྱལ་ཁབ་ཤེས་ཡོན་ཐོབ་དབང་ཅུས་ཞིབ་བཤེར་ཆོག་མཆན་གནང་སྟེ་ཕྱུར་བ་ཐོན་སྐྱེད་ལག་རྩལ་གྱི་ཆེད་ཁེ་ཐོབ། གངས་ལྗོངས་གཅེས་ནོར་ཀུང་ཟི་ནི་རྒྱལ་སྤྱིའི་དལ་ཟས་མཐུན་ཚོགས་ཀྱི་ཚོགས་མི་ཡིན་མ་ཟད་དབྱི་ཐ་ལི་ཕྱུར་བ་མཐུན་ཚོགས་ཀྱི་ཀྲུང་གོའི་ཚོགས་མི་ཉག་ཅིག་ཀྱང་ཡིན།
ནར་སོན་པའི་བརྒྱུད་ལམ་རིང་མོ།
         ཀུང་ཟི་བཙུགས་པའི་ཐོག་མའི་དུས་སྐབས་སུ། མ་དངུལ་དང་ཐོན་ཁོངས་སོགས་རྒྱུ་རྐྱེན་གྱི་དབང་གིས་ཀུང་ཟི་དེ་ར་རྒྱ་གྲོང་རྡལ་གསེར་ལུང་ལྕགས་རི་ཁ་རུ་འཛུགས་པར་གཏན་འཁེལ་བྱས་པ་དང་། 2001ལོའི་ཟླ1པོར་དངོས་སུ་མ་དངུལ་བཏང་སྟེ་ཐོན་སྐྱེད་བྱེད་མགོ་བརྩམས་ལ། རྒྱུ་ཆ་ཉོ་སྒྲུབ་དང་སྐྱེལ་འདྲེན། ཉར་འཇོག་སོགས་ཕྱོགས་སོ་སོའི་དཀའ་ངལ་གྱིས་ཐོན་སྐྱེད་ཀྱི་ཚད་ལ་འགོག་རྐྱེན་བཟོས། དེར་བརྟེན། ཁེ་ལས་ཀྱི་ཁེ་སྤོག་ལས་སློབ་གྲྭ་འཕེལ་རྒྱས་སུ་གཏོང་བའི་དམིགས་ཡུལ་མངོན་འགྱུར་བྱེད་དགོས་ན་ཕྱུར་བ་བཟོ་གྲྭའི་ཁྱབ་རྒྱ་ངེས་པར་དུ་ཆེ་རུ་གཏོང་དགོས་པས། 2008ལོར། མལ་ཁིན་སེ་བློ་འདྲིའི་ཀུང་ཟིMcKinsey & Companyསོགས་དོ་དམ་བློ་འདྲིའི་ལས་ཁུངས་ཀྱི་རིན་མེད་རོགས་སྒྲུབ་འོག  གཞི་ཁྱོན་ཅན་གྱི་ཐོན་སྐྱེད་ཇུས་གཞི་གཏན་འཁེལ་བྱས་པ་མ་ཟད་ལོ་དེར་མ་དངུལ་སྒོར་ས་ཡ6བཏང་སྟེ་མགོ་ལོག་ཁུལ་རྨ་ཆེན་རྫོང་རྟ་བོ་གྲོང་རྡལ་དུ་བཟོ་གྲྭའི་ཁང་བ་དང་གཞུང་སྒྲུབ་ཕྱོགས་བསྡུས་ཁང་བརྩེགས་སོགས་འཛུགས་སྐྲུན་གནང་།
        2010ལོར་རྒྱལ་ཡོངས་འོ་བཟོས་བཟའ་ཆས་ཁེ་ལས་ཀྱི་སྒྲིག་བཅོས་སྲིད་ཇུས་ཀྱིས་ལག་བཟོ་གཙོར་བརྟེན་པའི་གངས་ལྗོངས་གཅེས་ནོར་ཁེ་ལས་ཉེན་ཁའི་གནས་སུ་སྐྱེལ། སློབ་གཙོ་འཇིགས་མེད་རྒྱལ་མཚན་ནི་ཀུང་ཟིའི་ལས་འཛིན་པའི་ལྷན་ཚོགས་ཀྱི་འགོ་གཙོ་ཡིན་པའི་ཆ་ནས་ལས་སྒྲུབ་མི་སྣ་ཡོངས་ཀྱི་སྣེ་ཁྲིད་དེ་ལྷོད་མེད་འབད་བརྩོན་བྱས་མཐར་མགོ་ལོག་ས་གནས་སྲིད་གཞུང་གི་རྒྱབ་སྐྱོར་ཐོབ་ཅིང་། དངུལ་ཁང་དུ་སྒོར་ས་ཡ4གཡར་བ་དང་། རང་སྟེང་ནས་སྒོར་ཁྲི420བསྡུས་ལ། བསྡོམས་པས་མ་དངུལ་སྒོར་ཁྲི820བཏང་སྟེ་ཐོན་སྐྱེད་ལས་ཁང་དང་ཐོན་རྫས་སྤུས་ཚད་དཔྱད་ཞིབ་ལྟེ་གནས་བཙུགས།
        2012ལོའི་ཟླ5བར། རྒྱལ་ཁབ་སྤུས་བཤེར་སྤྱི་ཁྱབ་ཅུས་ཞིབ་བཤེར་རྩིས་ལེན་བྱས་ཏེ་རྒྱལ་ཡོངས་འོ་བཟོས་བཟའ་ཆས་ཐོན་སྐྱེད་ཀྱི་ཆོག་མཆན་ཐོབ་པ་དང་། ཟླ7པ་ནས་བཟུང་ཐོན་སྐྱེད་བྱེད་འགོ་བརྩམས་ཤིང་། གལ་སྲིད་བཟོ་གྲྭ་རྒྱ་བསྐྱེད་རྗེས་ཀྱི་ལོ་རེའི་ཐོན་སྐྱེད་ནུས་ཤུགས་མངོན་འགྱུར་བྱེད་ཐུབ་ན། ཁེ་ལས་ཀྱིས་ལོ་རེར་དྭ་ཕྲུག1100ལྷག་དང་དབུལ་ཕོངས་སློབ་མའི་སློབ་སྦྱོང་དང་འཚོ་བའི་དཀའ་ངལ་ཐག་གཅོད་བྱེད་ཐུབ་པ་ཡིན།
        ད་ལྟ། ཕྱུར་བའང་དྲ་རྒྱའི་ཚོང་རར་བརྒྱུད་ནས་འཛད་སྤྱོད་པའི་སྔུན་དུ་བཀྲམ་ཡོད་ཅིང་། ལོ་བཅུ་གཉིས་རིང་གི་དཀའ་ཚགས་ལས་སློབ་གཙོ་འཇིགས་མེད་རྒྱལ་མཚན་གྱིས་བཟོ་གྲྭར་བརྟེན་ནས་སློབ་གྲྭ་སྐྱོང་བའི་དམིགས་འདུན་མངོན་འགྱུར་བྱེད་ལ་ཉེ་བ་རེད།
ཕྱུར་བའི་ཐཱའོ་པོ་དྲ་ཚོང་ཁང་གི་དྲ་གནས།
http://yakcheese.taobao.com/category.htm?spm=a1z10.1.0.101.WJ4fZ3&search=y&orderType=hotsell_desc


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 3 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
63u9 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: དྷཱི་ཡིག སྤེལ་དུས:2019/6/22
སྙིང་ཐག་པ་ནས་རྗེས་སུ་ཡི་རང་། 🙏🙏🙏
 སྤེལ་མཁན: བདེན་པ སྤེལ་དུས:2015/5/13
ལས་རིགས་འདི་དག་ལམ་ལྷུང་ཡོང་བའི་རེ་སྨོན་དང་རྒྱབ་སྐྱོར་ཆེན་པོ་ཡོད།
 སྤེལ་མཁན:  སྤེལ་དུས:2013/7/30
༼སློབ་གཙོ་འཇིགས་མེད་རྒྱལ་མཚན༽ལགས་ཀྱི་སྙིང་སྟོབས་ལ་ཡིད་སྨོན་འཆོར་ཀི
  པར་ངོས 1/1 པར་ཡོད།
ལྟ་ཀློག་གྲངས་ཀ
14621389
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号