ཆོས་རྒྱལ་སྲོང་བཙན་སྒམ་པོ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2019 ལོའི་ཟླ 7 ཚེས 21 རེས་གཟའ་ཉི་མ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» ལོ་རྒྱུས།» བོད་ཀྱི་རྒྱལ་རབས། »ཆོས་རྒྱལ་སྲོང་བཙན་སྒམ་པོ།
ཆོས་རྒྱལ་སྲོང་བཙན་སྒམ་པོ།
རྩོམ་སྒྲིག་པ།  ངེད་དྲ་བ། སྤེལ་དུས། 2013/4/20ལྟ་ཀློག (10568)རྩོམ་ཁུངས: པར་འདེབ།

      ཆོས་རྒྱལ་སྲོང་བཙན་སྒམ་པོ།

        གནམ་རི་སྲོང་བཙན་དང་ཚེ་སྤུང་བཟའ་གཉིས་ཀྱི་སྲས་སུ་སྤྱི་ལོ་༦༡༧ལོར་འཁྲུངས། བོད་རྒྱལ་གདུང་རབས་སོ་གསུམ་པ་འདིའི་རིང་ལ་པོ་ཏ་ལའི་རི་ལ་ཕོ་བྲང་བརྩིགས། བོད་ཡིག་གི་སྲོལ་བཏོད། སངས་རྒྱས་ཀྱི་ཆོས་ཐོག་མར་བོད་ཡིག་ཏུ་བསྒྱུར། བཀའ་ཡི་ཁྲིམས་ཡིག་ཆེན་པོ་རྣམ་དྲུག་མཛད་པ་སྟེ། དེ་ཡང་དང་པོ་བོད་ཡུལ་རུ་ཆེན་ལྔ་རུ་ཕྱེ་བ་དང༌། ཡུལ་གྱི་དབང་རིས་རྣམ་པ་བཅོ་བརྒྱད་བཅད་པ། རྒོད་ཀྱི་སྟོང་སྡེ་དྲུག་ཅུ་རྩ་གཅིག་ཕྱེ་བ། གཡུང་གི་མི་སྡེ་ཁེང་དང་ཡང་ཁེང་ཕྱེ་བ། ཞང་གསུམ་བློན་བཅས་དབུས་ཀྱི་འདུན་ས་འཛིན་པ། དཔའ་སྡེ་གསུམ་གྱིས་མཐའ་ཡི་སོ་ཁ་སྲུང་བ་བཅས་སྲིད་འཛིན་གནད་དྲུག་དང༌། གཉིས་པ་བཀའ་འགྲོས་ཆེན་པོ་དྲུག་གསུམ་པ་ཡིག་ཚངས་དྲུག་བཞི་པ་བཀའ་ཡི་ཕྱག་རྒྱ་དྲུག་ལྔ་པ་རྐྱེན་དྲུག་དྲུག་པ་དཔའ་མཚན་དྲུག་བཅས་དྲུག་ཚན་དྲུག་གིས་བོད་ཀྱི་ཁོས་སུམ་ཅུ་སོ་དྲུག་གཏན་ལ་ཕབ། ལྷ་ཆོས་དགེ་བ་བཅུ་དང༌། མི་ཆོས་གཙང་མ་བཅུ་དྲུག་གི་སྲོལ་བཙུགས་ནས་དགུང་གྲངས་༡༣ཐོག་རྒྱལ་སྲིད་བཟུང༌། སྤྱི་ལོ་༦༣༩ལོར་བལ་བཟའ་ཁྲི་བཙུན་ཁབ་ཏུ་བཞེས། ལྕགས་གླང་༦༤༠ལོར་རྒྱ་བཟའ་ཝུན་ཤིང་ཀོང་ཇོ་བཙུན་མོར་བསུས། ར་ས་འཕྲུལ་སྣང་གི་གཙུག་ལག་ཁང་དང༌། ར་མོ་ཆེ་ཞེས་པའི་གཙུག་ལག་ཁང་བཞེངས། མི་ཆེན་གྱི་བུ་རྣམས་རྒྱ་ནག་ཏུ་ཡོན་ཏན་སློབ་ཏུ་བཏང་སྟེ་རྒྱ་ནག་ཡུལ་ནས་ཆོས་དང༌། སྨན། རྩིས། སྒྱུ་རྩལ། དཔལ་འབྱོར་སོགས་ཀྱི་སྲོལ་རྒྱུན་སྣ་ཚོགས་བོད་དུ་དྲངས། བོད་ཁམས་དར་ཞིང་རྒྱས་པར་གྱུར་ཅིང༌། ཐང་གི་རྒྱལ་པོས་དེ་ལ་མག་པའི་ཆོ་ལོ་ཧཕུ་མ་དུའུ་ཝེ་ཞེས་དང་མཚོ་ནུབ་མའི་རྒྱལ་པོ་ཤིང་ཧེའི་ཁྱུན་དབང་ཞེས་པའི་ཆོ་ལོ་དང༌། སླར་ཙུང་དབང་ཞེས་པའི་ཆོ་ལོ་ཡང་བསྐུར། རྗེ་འདི་དང་མོངས་བཟའ་གཉིས་ལ་སྲས་གུང་རི་གུང་བཙན་བྱུང་ཡང་ཡབ་རྗེའི་གོང་དུ་འདས་པས་རྒྱལ་ས་དབོན་སྲས་མང་སྲོང་མང་བཙན་ལ་བསྐུར། དེ་དག་གི་ལོ་ཚིགས་ལ་བཞེད་ཚུལ་མི་འདྲ་བ་མང་ངོ༌། །


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
འདྲེན་བཀོལ:
61.4K

  དཔྱད་གཏམ ( 1 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
2yq5 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
 སྤེལ་མཁན: སངས་རྒྱས་རྒྱལ། སྤེལ་དུས:2015/11/1
སྲོོང་བཙན་གྱི་ཡབ་གནམ་རི་སྲོང་བཙན་དང་ཡུམ་ཚེ་སྤུང་བཟའ་གཉིས་ལ་སྐུ་འཁྲུངས། ཞེས་པ་འདི་དཔྱད་དཀའ་བའི་གནས་ཚུལ་ཞིག་ཏུ་སྣང་ཞིང་། རྒྱལ་རབས་དེབ་ཐེར་དཀར་པོ་དང་ཆོས་འབྱུང་མཁས་པའི་དགའ་སྟོན་སོགས་སུ་ཡབ་གནམ་རི་སྲོང་བཙན་དང་ཡུམ་འབྲུ་ཟ་ཐོད་དཀར་གཉིས་སུ་འཁྲུངས་ཅེས་གསུང་ཡོད་པ་དང་། ཏུན་ཧོང་ཡིག་རྙིང་དུ་ཡབ(གནམ་རི་སློན་བཙན་དང་ཡུམ་བྲི་ཟ་ཐོ་ཀར་ལ་སྐུ་འཁྲུངས)་ཅེས་བཤད་ཡོད། གཞུང་འདིའི་དགོངས་དོན་གང་ཡིན་མི་ཤེས་ཤིང་རང་ཉིད་ཀྱི་མཐོང་ཚུལ་ཙམ་ཡིན།
  པར་ངོས 1/1 པར་ཡོད།
ལྟ་ཀློག་གྲངས་ཀ
14625934
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999 13909418876 QQ:516617821    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
网站备案号:蜀ICP备13002975号