ཧོར་གཙང་བྱམས་པ།(ཙག་ཙག)
ཚུལ་ཁྲིམས་རྣམ་པར་དག་པའི་གཞི་བཅས་ཤིང༌།།
དད་བརྩོན་མཁྱེན་རབ་ཟབ་མོས་མཚམས་སྦྱར་བས།།
རྟེན་འབྲེལ་ངེས་འབྱུང་རྒྱུད་ལ་འཁྲུངས་གྱུར་བ།།
ཀུན་སྤངས་རི་ཁྲོད་བླ་མ་གཙུག་གིས་མཆོད།།
འདུལ་བ་རྒྱ་མཚོའི་ཕ་རོལ་བརྒལ་ནས་ནི།།
རྣམ་དཀར་དགེ་བའི་རྩ་བ་རབ་ཏུ་བརྟན།།
མདོ་སྔགས་རིག་གནས་དགོངས་དོན་མ་ལུས་པ།།
མཁྱེན་པའི་དགེ་བའི་བཤེས་གཉེན་སྙིང་ནས་དྲན།།
ཁྱེད་སྐུ་གསེར་གྱི་ཉི་མ་ནུབ་པའི་ཚེ།།
དྲན་པའི་མིག་ཆུ་འགོག་མེད་རྒྱུན་གྱིས་འབབས།།
ད་ཡང་ཐུགས་རྗེ་ལྷོད་པར་མ་གྱུར་བར།།
སླར་ཡང་ངེད་ཅག་མགོན་དུ་འཆར་བར་ཤོག།
༢༠༡༠ལོའི་རིག་གནས་ཡར་སྤེལ་ལས་བཤུས།
|