ཧོར་གཙང་ལེགས་བཤད།(བླ་བྲང༌།)
བསླབ་གསུམ་ལྗོན་པའི་ལོ་འདབ་ཕང་ཕུང་གཡོ།།
དཔལ་ལྡན་སྟུག་པོའི་ཞིང་དུ་དབུ་བརྙེས་ཀྱང༌།།
གང་གི་ཐུགས་རྗེས་བླ་མེད་འདྲེན་བྱེད་ཀྱིས།།
དམར་ཕྱོགས་ཟླ་བ་འགྲིབ་པར་ངེས་པ་ལས།།
བཅོ་ལྔའི་ཉ་གང་ཟླ་བའི་ལྷག་བསམ་ཟེར།།
འགྲོ་ལ་དཔྱིད་དཔལ་བསིལ་བའི་གནང་བ་རྩོམ།།
ཟླ་ཤེལ་མ་སྨད་བརྩེ་བའི་དཀྱིལ་འཁོར་ཁམས།།
རྒྱུ་སྐར་སློབ་ཚོགས་དབུས་ན་བཀྲག་མདངས་འཚེར།།
བགྲང་ཡས་ལེགས་བྱས་འཆི་མེད་བདུད་རྩི་སྦྲུམ།།
སྐུ་ལ་མཚན་གྱིས་བྲིན་པའི་གཟི་བྱིན་འབར།།
རིས་མེད་ཉིན་བྱེད་གང་གི་འོད་ཟེར་འབུམ།།
ཀྱི་ཧུད་ཆུ་ལྷའི་ཕང་བར་ཡིབས་པ་ན།།
དྲན་པའི་རྟ་གདོང་མེ་རི་ངོམས་པ་མེད།།
༢༠༡༠ལོའི་རིག་གནས་ཡར་སྤེལ་ལས་བཤུས།
|