ཨུ་རུ་སིའི་བྲེལ་མྱུར་གནས་ཚུལ་པུའུ་ཡིས་ཚེས་ཉེར་དྲུག་ཉིན་བསྒྲགས་པའི་གནས་ཚུལ་ལྟར་ན། གནམ་གྲུ་ཆུང་བ་ཞིག་ཚེས་ཉེར་དྲུག་ཉིན་གྱི་དགོང་མོར་ཨུ་རུ་སིའི་ལྷོ་ཕྱོགས་ཀྱི་ཁི་ལཱ་སི་ནོའུ་ཏཱ་ཨར་མཐའ་མཚམས་ས་ཁུལ་དུ་སར་ལྷུང་སྟེ། གནམ་གྲུའི་སྟེང་གི་མི་གསུམ་པོ་ཚང་མ་རྐྱེན་ལམ་དུ་ཤོར།
བྲེལ་མྱུར་གནས་ཚུལ་པུའུ་ཡིས་བཤད་རྒྱུར། སར་ལྷུང་བའི་གནམ་གྲུ་དེ་ནི་གནམ་གྲུ་ཆུང་བ་ཞིག་ཡིན་པ་དང་། དོན་རྐྱེན་བྱུང་སྐབས་ཞིང་སྨན་གཏོར་བའི་ལས་འགན་ལག་བསྟར་བྱེད་བཞིན་ཡོད་པ་རེད། གནམ་གྲུའི་སྟེང་དུ་ཁ་ལོ་བ་གཉིས་དང་འགྲུལ་བ་གཅིག་བཅས་ཡོད།
གནམ་གྲུ་སར་ལྷུང་སའི་གནས་དེ་ནི་ཁི་ལཱ་སི་ནོའུ་ཏཱ་ཨར་གྲོང་ཁྱེར་དང་བར་ཐག་སྤྱི་ལེ་བཅུ་གཉིས་ཡོད་པ་དང་། དོན་རྐྱེན་དེ་ལས་ས་ངོས་ཀྱི་མི་སྣར་ཤི་རྨས་བཟོས་མེད་ཟེར། གནས་ཚུལ་དངོས་སུ་མཐོང་མཁན་གྱིས་བཤད་རྒྱུར། རྒུད་སྐྱོབ་མི་སྣ་དག་གནམ་གྲུ་སར་ལྷུང་ནས་སྐར་མ་བཅོ་ལྔའི་རྗེས་སུ་ཡུལ་དངོས་སུ་འབྱོར་ཡང་སྲོག་ཉེན་ལས་ཐར་བའི་མི་གཅིག་ཀྱང་མ་རྙེད་ཟེར།
ཞིན་ཧྭ་གསར་འགྱུར་དྲ་བ་ལས་བཤུས།
|