རྫ་ཕྲུག་སྐལ་བཟང༌།(ཞལ་ཤུལ)
མཁས་པའི་ཡོན་ཏན་གཞུང་བརྒྱའི་དགོངས་པ་འཁྲོལ།།
བཙུན་པའི་ཡོན་ཏན་བསླབ་ཁྲིམས་མངོན་ལྐོག་བྲལ།།
བཟང་བོའི་ཡོན་ཏན་འགྲོ་བའི་ཆེད་དུ་སྤྱོད།།
ཟླ་མེད་བླ་མ་དམ་པས་ཡུན་དུ་སྐྱོང༌།།
བློ་བཟང་རྒྱལ་བའི་བསྟན་པ་འཛིན་པ་ལ།།
ཚུལ་ཁྲིམས་རྣམ་པར་དག་པའི་བུ་སློབ་སྤེལ།།
སྙིགས་དུས་འགྲོ་བ་འདྲེན་པའི་མགོན་པོ་ཁྱོད།།
གློ་བུར་ཞིང་གཞན་གཤེགས་པ་ཅི་ཞིག་ཕན།།
མགོན་ཁྱོད་ཞིང་གཞན་ཕེབས་པའི་ཉིན་མོ་ནས།།
ཡུན་རིང་བསྐྱངས་པའི་སྡེ་འདི་མགོན་མེད་གྱུར།།
དྲན་གདུང་སེམས་ཀྱི་སྡུག་གི་ཁུར་བོ་འདི།།
དད་ལྡན་གདུལ་བྱ་རྒྱ་མཚོས་བཟོད་པར་དཀའ།།
ཉམས་རྟོགས་དབང་ཕྱུག་མི་ལ་གཉིས་པ་ཁྱོད།།
༢༠༡༠ལོའི་རིག་གནས་ཡར་སྤེལ་ལས་བཤུས།
|