ཆོས་ཤུལ་གསང་བདག
ཁ་བ་མ་བབ་པའི་དེ་རིང
ཝུ་ཆང་དམ་བུ་གང་བོ
ལོ་སྔོན་མ་དག་གི་ཁ་བའི་དོད
ཡུལ་མི་ཚོར་ཕུལ་ཆོག་པར་ཞུ
ཤོག་བུ་དཀར་གཙང་གཙང་ངོས
ནག་ནོག་གིས་བྱུགས་པའི་སྐད་ཆ་དུམ་བུ
རླུང་འཚུབ་ཀྱིས་དེད་པའི་ལོ་སར་འདི
འུ་ཚང་གིས་མགོ་བོ་ཕུར་ཕུར་བྱེད་སའི་བྲག་ཕུགས་ཤིག་གམ
ལག་པས་བྱིལ་བྱིལ་བྱེད་ཆོག་པའི་མལ་ས་དེ་ཡིན་ནམ
རང་རང་གིས་གནས་མལ་རེ་བཟུང་བར
བདེ་སྐྱིད་དུ་རློམ་པའི་མི་ཚོགས
ཁ་བ སྨག་ནག མཚན་མོ
དུས་ཚོད་ཀྱི་གཡང་སར་ལ་ལྷུང་དུས
ལག་པ་འདི་དག
དོགས་ཟོན་གྱི་ངང་དུ་ལུས་འདུག
གནམ་ས་སྒུལ་བའི་ཀུ་ཅོ
ས་ཁྲ་ཏིལ་འབྲུ་ཙམ་པོར་གནས་བཅའ་དུས
བདག་ལག་པ་འཇུ་ཆོག་པའི་ཆོན་ཐག་ཅིག
གང་ནས་འཚོལ་ཆོག གང་དུ་འཇུ་ཆོག
༢༠༠༩ལོའི་ཟླ༡པོའི་ཚེས༢༦ཉིན་བྲིས།
|