བལ་ཡུལ་དབུས་ཕྱོགས་ཀྱི་པཱ་ཀ་མཱ་ཏིས་ས་ཁུལ་གྱི་ཞིན་ཏུའུ་ཕཱ་ཨར་ཆའོ་ཁི་རྫོང་དུ་འགྲིམ་འགྲུལ་དོན་རྐྱེན་ཚབས་ཆེན་ཞིག་བྱུང་སྟེ། མི་བཅུ་གསུམ་རྐྱེན་ལམ་དུ་ཤོར་བ་དང་། མི་ཉེར་ལྔ་ལ་རྨས་ཕོག
འགྲིམ་འགྲུལ་དོན་རྐྱེན་དེ་རྒྱལ་ས་ཀཱ་ཏི་མན་དྷི་དང་བར་ཐག་སྤྱི་ལེ་བརྒྱ་ཙམ་ཡོད་པིའ་ས་ནས་བྱུང་བ་དང་། ས་དེའི་ཉེན་རྟོག་དཔོན་པོས་བཤད་རྒྱུར། མི་ང་ལྔ་དྲུད་ཡོད་པའི་འགྲུལ་སྐྱེལ་རླངས་འཁོར་ཆེ་བ་ཞིག་གཏིང་ཚད་ལ་སྨིད་བརྒྱ་ཡོད་པའི་གྲོག་རོང་དུ་ལྷུང་སྟེ་ཤི་རྨས་དོན་རྐྱེན་བཟོས་པ་རེད། རྨས་སྐྱོན་ལྗིད་པའི་རྨས་མ་ཅུང་མང་བའི་དབང་གིས་ཤི་བོའི་ཁ་གྲངས་སྔར་ལས་ཇེ་མང་དུ་འགྲོ་སྲིད་ཟེར།
ཉེན་རྟོག་ཕྱོགས་ཀྱིས་རྟོག་ཞིབ་རགས་ཙམ་བྱས་པ་ལྟར་ན། འགྲུལ་སྐྱེལ་རླངས་འཁོར་ནང་མི་མང་དྲགས་པ་ནི་འགྲིམ་འགྲུལ་དོན་རྐྱེན་དེའི་འབྱུང་རྐྱེན་ཡིན་སྲིད་ཟེར།
ཞིན་ཧྭ་གསར་འགྱུར་དྲ་བ་ལས་བཤུས།
|