དབྱི་རག་དཔོན་པོ་ཞིག་གིས་བཤད་རྒྱུར།ཟླ་ལྔ་བའི་ཚེས་སུམ་ཅུའི་ཉིན་དབྱི་རག་རྒྱལ་ཁབ་ཏུ་འཇབ་རྒོལ་དོན་རྐྱེན་ཐེངས་མང་བྱུང་བ་དང་།རྒྱལ་ས་པཱ་ཀ་ཏཱ་ནས་མུ་འབྲེལ་འགས་གཏོར་དོན་རྐྱེན་བྱུང་།མིག་སྔའི་བར་དུ་འཇབ་རྒོལ་དོན་རྐྱེན་ལས་མི་ཉེར་དྲུག་རྐྱེན་ལམ་དུ་ཤོར་ཟེར།དཔོན་པོ་དེས་བཤད་རྒྱུར།ཉེ་སྔོན་བྱུང་བའི་དྲག་ཤུགས་ཀྱི་རླབས་རྒྱུན་དེས་དབྱི་རག་རྒྱལ་ཁབ་ནས་ཆོས་ལུགས་འཐབ་འཁྲུག་ཆེན་པོ་འབྱུང་དུ་འཇུག་སྲིད་ཟེར།
ཉེ་སྔོན་དབྱི་རག་ཏུ་དྲག་ཤུགས་འཇབ་རྒོལ་དོན་རྐྱེན་རྒྱུན་ཆད་པར་མེད་འབྱུང་བཞིན་ཡོད་པའི་ཁར་ཧྲི་ཡེ་ཕྱོགས་ཁག་དང་ཞོང་ནེ་ཕྱོགས་ཁག་བར་གྱི་འཁྲུག་རྩོད་སྔར་ལས་ཛ་དྲག་ཏུ་འགྲོ་བཞིན་ཡོད་པས་བདེ་འཇགས་གནས་བབ་ཧ་ཅང་ཞན་ཟེར།
དེའི་སྔོན་ཧྥ་རན་སིའི་གསར་འགྱུར་ཁང་གིས་བསྡོམས་རྩིས་བྱས་པ་ལྟར་ན།ཟླ་ལྔ་བར་དབྱི་རག་ནས་འཇབ་རྒོལ་དོན་རྐྱེན་མང་དུ་བྱུང་བ་དང་།མི་དྲུག་བརྒྱ་ལྷག་རྐྱེན་ལམ་དུ་ཤོར།དེ་ནི་ལོ་གཅིག་གི་ནང་ཟླ་གཅིག་གི་ཤི་གྲངས་ཆེས་མང་བའི་ཐེངས་ཤིག་རེད།
ཞིན་ཧྭ་གསར་འགྱུར་དྲ་བ་ལས་བཤུས།
|