ཨ་མེ་རི་ཁའི་ཨིག་ཁི་ལཱ་ཧི་མཱ་ཀྲིག་ཏུ་རླུང་འཚུབ་དྲག་པོའི་འཇིགས་པ་ཐེབས་ནས་རིང་བོ་མ་འགོར་བར། ཟླ་ལྔ་བའི་ཚེས་སུམ་ཅུ་ཉིན་ནས་ཚེས་སོ་གཅིག་ཉིན་བར་ཨ་མེ་རི་ཁའི་དབུས་ཕྱོགས་ས་ཁུལ་དུ་ཡང་བསྐྱར་སེར་བ་དང་བསྡོངས་པའི་རླུང་འཚུབ་དྲག་པོའི་འཇིགས་པ་ཐེངས་བཅུ་ལྷག་ཐེབས་ཏེ།ཉུང་མཐར་ཡང་མི་གསུམ་རྐྱེན་ལམ་དུ་ཤོར་བ་དང་མི་དགུ་ལ་རྨས་ཕོགམ་འོངས་པའི་ཉིན་འགའི་ནང་ནམ་ཟླ་ཧ་ཅང་མི་བཟང་ལ་དབུས་ཕྱོགས་ཀྱི་ཀྲིག་མང་བོའི་མང་ཚོགས་བྱེ་བ་བཞི་ལྷག་ལ་འཇིགས་ཉེན་བཟོ་སྲིད།ཨ་མེ་རི་ཁའི་རྒྱལ་ཁབ་ནམ་ཟླའི་ཞབས་ཞུ་ཅུའུ་ཡིས་ཟླ་ལྔ་བའི་ཚེས་སོ་གཅིག་ཉིན་བདེན་དཔང་བྱས་དོན།རླུང་འཚུབ་དྲག་པོས་ཟླ་ལྔ་བའི་ཚེས་སུམ་ཅུའི་ཉིན་ཨ་ཁུན་སི་ཀྲིག་དང་དབྱེ་ལེ་ནོའུ་དབྱེ་ཀྲིག
ཨིག་ཁི་ལཱ་ཧི་མཱ་ཀྲིག་བཅས་ལ་སྔ་གཞུག་ཐེངས་བཅུ་ལྷག་ལ་གནོད་པ་བཟོས་པ་དང་།ཁང་བ་ཁག་ཅིག་ལ་གཏོར་བརླག་ཐེབས་པར་མ་ཟད་ས་ཁུལ་རེ་འགའི་སྡོང་བོ་དང་གློག་སྐུད་སོགས་ལའང་གནོད་པ་ཐེབས་ཡོད།ཨ་ཁུན་སི་ཀྲིག་གི་ཉེན་རྟོག་ཕྱོགས་ཀྱི་མགྲིན་ཚབ་པ་སཱ་ཏི་ལེ་ཡིས་བསྟན་དོན།ཉུང་མཐར་ཡང་རླུང་འཚུབ་དྲག་པོས་ཐེངས་གཉིས་ལ་ཀྲིག་དེའི་མིན་ཀི་མཱ་ལེ་རྫོང་དང་ཁི་ལཱ་ཁི་རྫོང་དུ་འཇིགས་ཉེན་བཟོས་པ་དང་།སྲོག་ཆགས་སྲུང་སྐྱོབ་ས་ཁུལ་གྱི་དོ་དམ་པ་ཞིག་དང་བདེ་སྲུང་དཔོན་པོ་ཞིག་དགོང་མོ་དེའི་ཆུ་ལོག་ཁྲོད་གར་སོང་མ་རྙེད་པ་དང་རྐྱེན་ལམ་དུ་ཤོར་བ་བདེན་དཔང་བྱས་ཡོད་ཟེར།རྡོ་ཆུང་མཁར་གྱི་ལྷོ་ནུབ་ཕྱོགས་ཀྱི་དབྱིན་ལེ་སུམ་ཅུའི་མཚམས་སུ་ཡོད་པའི་ཐཱ་ཨར་གྲོང་ཁྱེར་དུ།རླུང་འཚུབ་དྲག་པོས་སྡོང་བོ་ཆེན་པོ་ཞིག་རྫོགས་ནས་རླངས་འཁོར་ཞིག་མནན་པ་དང་།རླངས་འཁོར་གྱི་ཁ་ལོ་བ་རྐྱེན་ལམ་དུ་ཤོར།གཞན་མི་དགུ་ལ་རྨས་ཕོག་པ་དང་དེའི་ནང་མི་གཉིས་ལ་ཐོག་གི་འཇིགས་ཉེན་བྱུང་བ་རེད་ཟེར།
ཞིན་ཧྭ་གསར་འགྱུར་དྲ་བ་ལས།
|