མཉམ་དུ་ཟོས་ན་མི་འཕྲོད་པའི་ཟས་རིགས།

༡ མར་གསར་བ་འཁར་བ་དང་ཟངས་སྣོད་དུ་ཞག་བཅུ་ལྷག་བཞག་པ་ཟོས་ན་དུག་ཏུ་འགྱུར་བ་ཡིན།
༢ ཤ་རློན་ལ་འོ་ཞོ་ལ་སོགས་པའི་དཀར་དང་། ཆང་དང་སྐྱུར་གྱི་རིགས་ཡུན་རིང་དུ་ཕོག་པ་ཟོས་ནའང་
དུག་ཏུ་འགྱུར་བས་སྤང་དགོས།
༣ ཤ་གང་ཡང་བཙོས་ནས་རླངས་པ་དྲོན་མོ་ཁེབས་སོགས་ཀྱིས་བསུབས་ཏེ་བཞག་པ་ཟོས་ན་དུག་ཏུ་འགྱུར་
བས་སྤང་དགོས།
༤ ཤ་རློན་པ་གང་ཞིག་འབྲུ་དང་རྩམ་པ་དང་སྔོ་སོགས་ཀྱི་གསེབ་ཏུ་ཡུན་རིང་དུ་ལུས་པ་ཟོས་ན་དུག་ཏུ་
འགྱུར་བས་སྤང་དགོས།
༥ སྲོག་ཆགས་ཤི་བའི་རོ་ཡི་ཁོང་དུ་བེའུ་ཞག་ལྔ་དྲུག་ལུས་པའི་ཤ་ཟོས་ན་དུག་ཏུ་འགྱུར་བས་ཟ་མི་རུང་།
༦ ཉ་ཡི་ཤ་དང་འོ་མ་གཉིས་ལྷན་ཅིག་ཏུ་ཟོས་ན་དུག་ཏུ་འགྱུར་ཏེ་ལུས་ཀྱི་ཁྲག་འཁྲུགས་པ་དང་། བད་ཀན་
ཀྱི་ནད་སོགས་བསྐྱེད་པས་སྤང་དགོས།
༧ ཤ་མོའི་རིགས་སུ་གཏོགས་པ་ཀུན་ཀྱང་ཡུངས་དཀར་ནག་གི་མར་ལ་བརྔོས་པ་ཟོས་ན་མི་འཕྲོད།
༨ ཁམ་བུ་དང་སྟར་ག ཀུ་ཤུ། སྐྱུ་རུ་ར་སོགས་ཤིང་ཏོག་ཕལ་ཆེར་འོ་མ་དང་ལྷན་ཅིག་ཟོས་ན་མི་འཕྲོད།
༩ བྱ་ཡི་སྒོ་ང་དང་ཉའི་ཤ་ལྷན་ཅིག་ཏུ་ཡུན་རིང་ཟོས་ན་དུག་ཏུ་འགྱུར་བས་ཟ་མི་རུང་།
༡༠ ཁྱིམ་བྱའི་ཤ་དང་ཞོ་གཉིས་བསྲེས་ནས་མཉམ་དུ་ཡུན་རིང་བསྟེན་ན་དུག་ཏུ་འགྱུར་བ་ཡིན།
༡༡ ཞོ་མ་ལངས་དང་ཆང་གསར་མི་འཕྲོད།
༡༢ སྲན་ཚོད་བུ་རམ་ཞོ་མི་འཕྲོད།
༡༣ ཞུན་མར་དང་ཆུ་གྲང་མི་འཕྲོད།
༡༤ སྦྲང་རྩི་མར་ནག་ཆ་སྙོམས་མི་འཕྲོད།

གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།


	འདྲེན་བཀོལ:	61.4K

ལྟ་ཀློག་གྲངས་ཀ

41634600

དྲ་ཚིགས་བཟོ་སྐྲུན།

འབྲེལ་གཏུག་བྱ་ཡུལ། ཁ་པར། 草原梦想15283703999 E-mail:tbmgar@163.com

པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།