འབྲོག་ཁྱིམ་མགྲོན་བྲང་།

འབྲོག་ཁྱིམ་མགྲོན་བྲང་ནི་མགོ་ལོག་རྨ་ཆེན་རྫོང་རྭ་རྒྱ་གྲོང་རྡལ་གྱི་མ་བུག་ཏུ་ཡོད་ལ་ཁོར་ཡུག་ཧ་ཅང་ལྷང་འཇགས་ཡིན་ཁར་འཛད་སྤྱོད་པའི་དགོས་མཁོ་བཞིན་ཁང་བ་ཆེ་ཆུང་འདེམ་ཀ་བྱེད་རྒྱུ་ཡོད་ལ། ཚོགས་པ་དང་རུ་ཁག་མཉམ་དུ་ལྟ་སྐོར་ལ་ཡོང་ན་ཚོགས་ཁང་ཡང་ཡོད་པས་ཁོ་ཚོས་གྲོས་གཞི་འདོན་སར་སྟབས་བདེ་བསྐྲུན་ཡོད། ད་དུང་མགྲོན་ཁང་གཞན་དང་བསྡུར་ན་རིན་གོང་ཡང་སླ་བར་མ་ཟད་དུས་ཚོད་ཉེར་བཞིའི་རིང་ཆུ་ཚན་ཡོད་པས་ལུས་ཁྲུས་བྱས་ཆོག་པ་དང་དུས་ཚོད་ཉེར་བཞིའི་རིང་ཁྱེད་ཀྱི་རླངས་འཁོར་དང་འཕྲུལ་རྟ་སོགས་ལ་སེམས་ཁུར་བྱེད་མི་དགོས་པར་ཞབས་ཕྱིའི་རྣམ་འགྱུར་བཟང་བ་མ་ཟད། ཟ་ཁང་དུ་ཡང་བོད་ཀྱི་ཟས་རིགས་དང་ཕྱི་གླིང་དང་རྒྱ་རིགས་ཀྱི་སྔོ་ཚལ་སྣ་ཚོགས་ཀྱང་བྲོ་བ་ཞིམ་ཁར་གཙང་སྦྲ་བཟང་བས་མིག་སྔར་ས་གནས་འདིར་དགའ་བསུ་ཆེན་པོ་ཐོབ་བཞིན་ཡོད། ད་དུང་ཁམས་དང་མོས་པ་བཞིན་དུ་རོལ་རྩེད་ཁང་སོགས་གཞི་གཅིག་ཏུ་འདུས་ཡོད་པས་ཁྱེད་ཀྱི་དགོས་མཁོ་བསྐངས་ཏེ་འཛུམ་མདངས་མངོན་པ་ནི་ང་ཚོའི་རེ་བ་ཡིན་ལ། ང་དང་ཁྱེད་ཀྱི་བར་ལ་མཐུན་པའི་ལག་རྡང་སྦྲེལ་རྒྱུ་ནི་དུས་ཀྱི་འཕེལ་འགྲོས་མྱུར་ཞིང་ཤེས་རིག་དཔལ་འབྱོར་གོང་དུ་སྤེལ་བའི་ཁྱེད་དང་ང་ཡི་ལས་བྱ་རུ་བགྲང་ཆོག་པས་འཛད་སྤྱོད་པས་ང་ཚོར་དུས་ལྟར་རྒྱབ་སྐྱོར་དང་ཐུགས་ཁུར་གནང་རྒྱུར་སྙིང་ནས་སྨོན་ནོ། །